ގުދުރަތީ ވަސީލަތްތައް ދަމަހައްޓާ ބޭނުންކުރުން

<body>ދިރިއުޅުމުގެ ހިތްހަމަޖެހުމަށާ، ޞިއްޙީ ދުޅަހެޔޮ ކަމަށާއި، ދިރިދެމި ތިބުމަށްޓަކައި ގުދުރަތީ ވަޞީލަތްތައް ކޮންމެހެން ބޭނުންވެއެވެ. ފަޅު ރަށްރަށާއި، ފިނޮޅުތަކާއި، ފަރުތަކާއި، މީރުފެން ލިބެންހުންނަ ވަޞީލަތްތަކާއި، ގޮޑުދޮށްތަކުގެ ހޭޅިއާއި ރުށް ގަހާއި، ވެލިފަށުގެ ގުންޑޮޅިތަކަކީ ދިރިއުޅޭވެށީގެ ޞިއްޙަތަށް ނުފޫޒު ފޯރުވާ ޒަރީޢާތަކެވެ. ރައްޔިތުންގެ ހުރިހާ ބޭނުންތަކަށް ބޭނުންކުރުމަށް ނުކުޅަދާނަ މިންވަރުތަކެއް މިވަޞީލަތްތަކުގައި ހުރެއެވެ. އިންސާނާގެ ނޭދެވޭ ޢަމަލުތަކާއި، ސިޔާސަތުތަކާއި، ޙަރަކާތްތަކުގެ ސަބަބުން، އަތޮޅާ މުޅި ރާއްޖޭގެ އަދި ދުނިޔޭގެވެސް ޤުދުރަތީ ވަޞީލަތްތަކަށް ގެއްލުން ބޮޑު އަސަރުތައް ދަނީ ކުރިމަތިވަމުންނެވެ. ބިންހިއްކުމާއި، ފަރުހަލާކުކުރުމާއި، ގަސްކެނޑުމާއި، މިނަށްވުރެ އިތުރަށް ފެންނެގުމާއި، އުމްރާނީ ތަރައްޤީގެ މަޝްރޫތައް ހިންގޭގޮތުންނާއި ގެއްލުންދެނިވި ބޭނުންތައް އިތުރުވަމުންދާތީ، އެވަޞީލަތްތަކަށް ވަނީ ނުފޫޒުފޯރައި ބުރޫ އަރަންފަށާފައެވެ.
އަތޮޅުގެ ރަށްތަކުގައި ތަހައްމަލު ކުރަމުންދާ އުދަ އެރުމާއި، ބޮޑެތި ބާންޏާއި، ރާޅު ރަށުތެރެއަށް އެރުމާއި، ސުނާމީ އާއި ވަރުގަދަ ކޮޅިގަނޑުތަކާއި، ތޫފާންތައް ފަދަ ޤުދުރަތީ ކާރިސާތަކާއި، ދުނިޔެ ކުރިމަތިލަމުންދާ މޫސުމީ ބަދަލުތަކުގެ ސަބަބުން ނުރައްކާތައް ދަނީ އިތުރުވަމުންނެވެ. ރަށްރަށުގެ ދަނޑުވެރިކަމާއި، މަސްވެރިކަމަށް ބުރޫއަރައި، ގުދުރަތީ އަދި ސަޤާފީ ސިފަތަކާއި ޤުދުރަތީ ދިރުންތައް ނިޒާމުން އުނިވުމާއި، ފަނާވެދިއުން ތަހައްމަލް ކުރަންވަނީ ޖެހިފައެވެ. އަތޮޅާ ރަށުގެ ޤުދުރަތީ ވަޞީލަތްތަކާއި، ދިރުންތަކުގެ ނިޒާމުން ލިބިދޭ ތަނަވަސްކަމާއި މަންފާތަކަށް ވަނީ ބުރޫ އަރާފައެވެ.
މޫސުމީ ބަދަލުތަކާއި ގުޅުންނެތް، މިސާލަކަށް އެކަށީގެންވާވަރަށްވުރެ އާބާދީ ގިނަވުމާއި، ހިފަހައްޓަންޖެހޭ މިންތަކަށްވުރެ އިތުރަށް އެކި ތަފާތު ފަރާތްތަކުން ޤުދުރަތީ ވަޞީލަތްތަކުގެ ބޭނުން ހިފަމުން ދިއުން ކަހަލަ ގޮންޖެހުންތައް މޫސުމީ ބަދަލުތަކާ އެކުވެގެންދެއެވެ. ބިމާ ވަސީލަތްތައް ބޭނުންކުރުން ރަގަޅަށް ނުބެލެހެއްޓި ބިނާވެށި ތަރައްޤީ ކުރުމުން އެފަދަ ނުރައްކައުތައް އިތުރުވެ އުދައެރުން އަދި ހޫނުގަދަވުން ފަދަ ހާދިސާތަކަށް ރަށްތައް ހުށަހެޅެއެވެ. ވާރުތަވަމުން އައިސްފައިވާ، ވަސީލަތްތަކާ ގުދުރަތީ ދިރޭ މުދަލުގެ އާންމު ޙައްޤުން ރައްޔިތުން ނިޒާމީގޮތެއްގައި މަޙްރޫމުކުރެވިފައި ވުމަކީވެސް ވަސީލަތްތައް ބަލަހައްޓާ ދެމެހެއްޓުމަށް ބުރޫއަރާ ކަމެކެވެ. ފަޅުތަކާއި ފަޅުރައްތަކަށް ރައްޔިތުންނަށް އަރާފައިބާ ނެހެދޭ މިންވަރަށް ޢިޖުތިމާޢީ އަދި އިޤްތިޞާދީ ޙައްޤުތަކަށްވެސް އަރައިގަނެ ވަކި ބަޔަކަށް ދިގުމުއްދަތަކަށް ދޫކޮށްފައިވާ ވުމުންވެސް މިވަސީލަތްތަކާ ވަށައިގެންވާ ވެށި ދެމެހެއްޓޭގޮތުގައި ބޭނުންކުރުމަށް ހުރަހަކަށްވެއެވެ.
ޒަމާނީ ހިންގުންތެރިކަމުގެ މަފްޙޫމެއްގައި އެދިރުންތަކާ ވަސީލަތްތައް އާލާކޮށް އާރޯ ކުރެވިދާނެ ގޮތްތައް ހޯދަމުން ފެންނަމުން އެބަދެއެވެ. އަތޮޅުގެ ސަޤާފީ އަދި ޤުދުރަތީ ވަޞީލަތްތައް ޒަމާންތަކަށް ދެމިއޮތުން ކަށަވަރު ކުރުމަށްޓައި، ޤުދުރަތީ ނިޒާމަށް އޭގެ ޒާތުގައި އަރައިނުގަނެވޭނެހާ ހިސާބު ހުރަސްކުރެވި ނުދަނީސް، ރައްކާތެރިކަމުގެ ފިޔަވަޅުތައް އެޅެންއެބައޮތެވެ. އެގޮތުން، ކަނޑާއި، ބިމުގެ ދިރުންތަކުގެ ޞިއްޙަތާއި، ގޮނޑުދޮށްތައް އާލާކޮށް ބެލެހެއްޓުމަށްޓަކައި، ރައްކާތެރިގޮތުގައި ދެމެހެއްޓެނިވި ޢަމަލުތަކެއް ތަންފީޒުކުރުމަށް މިވަނީ ކަނޑައަޅާފައެވެ.
ދެމެހެއްޓޭގޮތުގައި ވަސީލަތްތައް ބޭނުންކުރާނެ ގޮތްތަކުގެ މަގުދައްކައިދޭނެ ރޭވުމެއް ތަންފީޒުކުރުމަށް އެ ވަޞީލަތްތައް ދިރާސާކުރެވި މިނާލަންޖެހެއެވެ. ދިރިއުޅޭ ޞަރަޙައްދާއި ވަށައިގެންވާ ޤުދުރަތީ މާހައުލާއި ނާރެސްކޮށް އަޅާ ބެލޭނެ އަދި ޗާޓުކޮށް ވިއުގަކުރެވޭނެ މަޢުލޫމާތު (ނުވަތަ ޑާޓާބޭސް) އެކުލަވާލަންޖެހެއެވެ. އަތޮޅުތެރޭން ހޯދޭ މަންފާތަކާއި، ގުޅުންހުރި ސައިންސްގެ ހޯދުންތަކާއި އެކަމުގައި އުޅޭ މުޖުތަމަޢުތަކަށް ހޯދެމުންދާ އެންމެ ރަނގަޅު މަޢުލޫމާތުތަކާއި، އެތައްގޮތަކަށް ބަލައިގެން ނިންމާ ނިންމުންތަކުގައި މެދުވެރިވާނެ ގޮންޖެހުންތަކާ މުގާބިލާ ކުރެވޭފެންވަރުގެ މަޢުލޫމާތުތައް އެއްކޮށް އާއްމުކޮށް މަޝްވަރާ ކުރެވެންޖެހެއެވެ. ގުދުރަތީ ވަޞީލަތްތައް ދަމަހައްޓާ ބޭނުންކުރުމަށް ރާވާ ތަންފީޒުކުރުމަށް މަގުދައްކައިދެނީ ރަށްރަށުގައި ދިރިއުޅޭ މުޖުތަމައުގެ ހިއްޞާއޮވެގެން، އެންމެންނަށް ބޭނުންކުރެވޭނެހެން ބަލަހައްޓައި ކުރިއަށް ގެންދެވޭނެ އުޞޫލުތަކަކުންނެވެ. އެކި މައްސަލަ ތަކަށް އެކަށީގެންވާ ޙައްލުތައް ހޯދުމުގައި ގުޅިގެން އަމިއްލަ ކަންކަންކަމުގައި ބަލައިގަނެ، ވަށައިގެންވާ ތިމާވެށީގެ ޠަބީޢަތްތައް އެންމެ ރަނގަޅަށް ދެނެތިބީ އެރައްޔިތުންނެވެ.
އެކިކަހަލަ ބޭނުމަށް ބިމާ ވަސީލަތްތައް ކަނޑައެޅުމުގައި ތިމާވެށީގެ ޙިމާޔަތާއި، ޢިޖްތިމާޢީ، އަދި އިޤްތިޞާދީ ބޭނުންތަކަށް އެކަށޭނެ މިންތަކެއްގައި ވަޒަންކުރެވި އަތޮޅާ ރަށުގެ ވިލުންވެރިކަން ކަށަވަރުކުރަންޖެހެއެވެ. ތިމާވެށި ޙިމާޔަތްކުރުމާއި ޤުދުރަތީ ވަޞީލަތްތައް ޙިމާޔަތްކުރުމުގައި އެންމެނަށް ލިބިދެވޭ ޚިދްމަތްތަކާއި އެކު އާބާދީ ތަކުގެ ތަފާތު އެކި ބޭނުންތަކަށް ބިންކަނޑައެޅުމުގައި ހިމަނަން ބޭނުންތެރި ބަހާތަކުގެ އެންމެ އެކަށޭނަ ވިޔައެއް އިޚްތިޔާރު ކުރުމުގައި ކައުންސިލަށާ ރައްޔިތުންނަށް ވާގިދޭ ކަންކަމަށް އެކަންވާނެއެވެ.
ބޭނުންތެރި އަސާސްތައް ހިމަނައިގެން ބިމާ ވަސީލަތްތައް ބޭނުންކުރުމުގެ ރޭވުންތައް އަމާޒުކުރަނީ ބިމާ ވަސީލަތްތަކުން ކުރާނެ އެކި ބޭނުންތައް ވަޒަންކުރެވި، މެދުވެރިވެދާނެ ނުރައްކާތަކާއި އާބާދީގެ ވަރުގަދަކުރަންޖެހޭ ދިމާތައް ދެނެގަތުމާއެކު ހަރުދަނާކޮން ދެމިއޮންނާނެ ތިމާވެށީގެ ނިޒާމެއް ބެލެހެއްޓުމަށެވެ. ބިމާ ވަސީލަތްތަކުގެ ބޭނުން ކަނޑައެޅުމުގައި ބޭނުންކުރެވޭ ކުރީގެ އާދަތަކާ ޚިލާފަށް ދިގުމުއްދަތަކަށް ދެމިއޮންނާނެ އަދި ސީދާ ރައްޔިތުންނަށް މަންފާ ލިބޭނެ ރޭވުންތަކަށް ވާޞިލުވުން ބޭނުންތެރިއެވެ.
ނޯޓް: ގުދުރަތީ ވަސީލަތުގެ ގޮތުގައި ފެނާއި، ވަޔާއި، މޫސުމާއި، ވެއްޔާއި، ބިމާއި، ކުޅިއާ، ކަނޑާ، ފަޅާ، ފަރާއި މިތަންތަނުން ނެގޭ މައުދަންތައް ތަފާތު ދިރުންތައް އެކި ސޫތްޕާއި، ޖަނަވާރުތަކާއި، މަސްމަހާމެއްސާއި، އެހެނިހެން ކަނޑުގެ ދިރުންތަކާއި، ހުޔާއި، ގަސްގަހާއި ގެއްސާއި، އެކި ދިރުންތައް ހިމެނެއެވެ.
<h1>އަމާޒު</h1>ނޫނު އަތޮޅުގެ އާބާދީތަކާއި، ރަށްތަކާއި، ކަނޑާ ފަޅާ ފަރުތަކާ އެތަންތަނުގައިވާ ދިރުންތަށް ޙިމާޔަތްކޮށް، އާރޯކޮށް ރައްޔިތުންނަށް ދެމެހެއްޓޭ އިގްތިސާދީ ފުރުސަތުތައް ފަހިކޮށް ކާނާގެ ކަށަވަރުކަށް އިތުރުކުރުން.
<h1>މަގްސަތުތައް</h1><ol><li> ުދުރަތީ ވަސީލަތްތަކުން ދުރުމުސްތަގުބަލަށް މާލީ މަންފާ އާއި ނަފާ ހޯދޭނެގޮތްތަކުގެ ރޭވުމެއް (ނުވަތަ މެނޭޖްމަންޓް ޕްލޭނެއް) އެކުލަވާލައި، އެތަންތަން ހިމާޔަތްކޮށް، ވިޔަފާރިއާއި، އަންހެނުންނާއި، ޒުވާނުންނަށް ނަފާވާނެ އިގްތިސާދީ އިޖްތިމާއި އައު ފުރުޞަތުތައް ހުޅުވައިދިނުން.</li><li>އަތޮޅުގައި ހިމެނޭ ރަށްރަށާއި، ފަޅުތަކާއި، ފަރުތައް ހިމާޔަތްކުރުމާއި، ތިމާވެއްޓާއި ރައްޓެހި ގޮތުގައި ގަސްހެއްދުމާއި، މަސްވެރިކަންކުރުމާއި، ކަނޑާއި މޫދުގެ ދިރުންތައް އާލާކުރުން ފަދަ އިގްތިސާދީ މަސައްކަތްކުރުމަށް ފުރުސަތު ފަހިކޮށްދީ، ހިންގައި ބެލެހެއްޓުމުގެ ރަނގަޅު އާދަތައް އަދި ގުޅުންހުރި އެހެން މަޢުލޫމާތާއި، ހޭލުންތެރިކަމާއި ތަމްރީން ރައްޔިތުންނަށް ފޯރުކޮށްދިނުން.</li><li>އެކި ދިރުންތަކުގެ އުފެދުންތަކާއި ދިރިތިބޭ ނިޒާމުތައް ޙިމާޔަތްކޮށް، ދިރުންތައް ދެމެހެއްޓުމުގައި ވާގި ލިބޭ، ކޮންމެހެން ބޭނުންތެރި ނިޒާމްތައް ދަމަހައްޓައި ރަށްރަށާއި، ގަސްގަހާ ގެއްސާއި، ކަނޑާ ފަޅާ ކުޅިއާ މުރަކަ އާއި، ހުޔާއި، ގަލުގެ ދިރޭ ފަރުތަކަށް އިތުރު ގެއްލުންތައް ނުވާނޭ ގޮތްތައް ކަނޑައަޅައި ގުދުރަތީ ސިއްހަތާ ފެހިކަން އާރޯކޮށް ކާބަން ކްރެޑިޓް ވިޔަފާރިން އާމްދަނީ ހޯދަންފެށުން.</li><li>ޤުދުރަތީ ވަޞީލަތްތައް ކަމުގައި ހިމެނޭ ރަށްރަށާއި، ވަލުތެރެ ތަކާއި، ފަޅުތަކާއި، ފަރުތަކާއި، އެކި އުފެދުމާއި، އުފެއްދުންތަކާއި، ޚިދްމަތްތައް (މިސާލަކަށް ފެނާއި، އެކިބާވަތުގެ ދިރުންތަކާއި، ކާނާއާއި، ރަށްފުށުން އާމްދަނީ ލިބޭ ކަންކަން ފަދަ) ވަޞީލަތްތައް މިހާރަށްވުރެ ރަނގަޅަށް ޙިމާޔަތް ކުރުމުގައި ރަށުގައި ދިރިއުޅޭ މުޖުތަމަޢުތަކާއި އެކު މަސައްކަތް ކުރަމުންދާ ކައުންސިލް ތަކުގެ ޤާބިލްކަން އިތުރުކުރުން.</li><li> ރައްޔިތުންނާ އަންނަން އޮތްޖީލުތަކުގެ ފޯރުންތެރިކަމާ ކާބޯތަކެތީގެ ފުދުންތެރިކަމާ ރައްކާތެރިކަން އިތުރުކޮށް އާބާދީގެ ޞިއްހީ ދުޅަހެޔޮކަން އިތުރުކުރުން.</li><li>ރަށްރަށަށް ޚާއްޞަވެފައިވާ ދިރުންތަކުގެ ނިޒާމްތަކާއި، ނުރައްކައުތައް ކުރިމަތިވެފައިވާ ދިރުންތައް ޒަމާންތަކަށް އާރޯކޮށް ދެމެހެއްޓުމާއި ގުޅުންހުރި ތަޢުލީމު ތަމްރީނާ މައުލޫމާތާ ހޭލުންތެރިކަން ވިޔަފާރިއާ ޒުވާނުންނަށް ދަރިވަރުންގެ ބައިވެރިވުންއޮތް އުނގެނެވޭނެ އިޖްތިމާއީ ހަރާކާތަށް ގެނައުން.</li><li>ރައްޔިތުންގެ ތަރިކަޔާއި، އާދަކާދައާއި، ޢިޖުތިމާޢީ އިޤްތިޞާދީ ހަރަކާތްތަކަށް ހުރަސްއެޅި، ރައްޔިތުންގެ ޙައްޤު ގެއްލޭގޮތަށް ޤުދުރަތީ މުއްސަންދިކަން ނަހަމަގޮތުގައި ސަރުކާރުތަކުން ދިގު މުސްތަގުބަލަކަށް ވިއްކާފައިވުމުން، އެގޮތަށް ތަންތަން ދޫކުރުމުގައި ޤާނޫނުތަކާއި ޤަވާއިދާއި ޚިލާފަށް ކޮށްފައިވާ ޢަމަލުތައް ބަލާ، ހޯދާ އިންސާފަށް މަސައްކަތްކުރުން</li></ol>
</body>

ހޯދައި ދެނެގަތުމާ ދިރާސާ

މާކެޓް ކުރުމާ މުވާޞަލާތު ކުރުން

އިންސާނީ ވަޞީލަތް

ގުދުރަތީ ވަސީލަތްތައް ދަމަހައްޓާ ބޭނުންކުރުން

ޕްރޮގްރާމް ހަރަކާތްތައް