ވިލުންވެރި މުޖްތަމައަކަށް މަގުފަހިކުރުން

<body>މައިންބަފައިން ނިޔާވުމުގެ ސަބަބުން ނުވަތަ ހައްޔަރުވުމުގެ ސަބަބުން ނުވަތަ މައިންބަފައިން ގެއްލުމުގެ ސަބަބުން، ނުވަތަ ކުއްޖެއް ބަލަހައްޓާ ފަރާތެއްގެ ސަބަބުން އެ ކުއްޖާއަށް ނުރައްކަލެއް މެދުވެރިވެދާނެ ފަދަ ހާލަތެއް މެދުވެރިވުން ނުވަތަ މިނޫސްވެސް ސަބަބަކާއި ހުރެ އަޅާލާނެ ފަރާތެއްނެތް ކުޑަކުދިން ބެލެހެއްޓޭނެ ވަގުތީ އިންތިޒާމެއް ހަމަޖެއްސުން އަދި އެކުދިން ފޮސްޓަރކުރަން ބޭނުންވާ ފަރާތްކާއި ހަވާލުކޮށްގެން ބެލެހެއްޓުން. ވަޒީފާ އަދާކުރުމަށް ގެއިން ބޭރުގައި ހޭދަކުރާ ވަގުތުތަކުގައި ދަރިން ރައްކާތެރި ގޮތެއްގައި ބެލެހެއްޓޭނެ ޑޭކެއަރ އިންތިޒާމު ހަމަޖެއްސުން. ރޭގަނޑު ނިދާނެތަނެއް ނެތް ރައްޔިތަކަށް ރޭގަނޑު ނިދާނެތަނާ އެނދު، ގައިންތާހިރުވެ އަންނައުނު ދޮވެވޭނެ ގޮތެއް އިންތިޒާމްކޮށްދިނުން. ރައްޔިތެއް ދަރަނިވެރިވެ ހާސްވެ ކަންބޮޑުވެ، އެމީހެއްގެ މުދަލާއި ގެދޮރު ނެގުމުގެ ބިރުހީވެ، އެހީތެރިކަމަށް އެދިއްޖެހާލަތުގައި، ކައުންސިލުން އެކަމާގުޅޭ މައުލޫމާތު ހޯދައި ދަރަނި ދޫކުރި ފަރާތާއި ވާހަކަދައްކާ މަޝްވަރާކުރުން އަދި އިތުރަށް ދަރަނިވެރިވިޔަނުދީ އެފަރާތުން ދަރަނި ދެއްކުމަށް، ނުވަތަ ދަރަނީގެ ސަބަބުން ލިބޭ ގެއްލުން ބަލާ އެހީތެރިކަން ފޯރުކޮށްދެވޭނެ އިންތިޒާމް ކައުންސިލުން ހަމަޖެއްސުން 
އަތޮޅު ފެންވަރުގައި ފަޔަރ ސޭފްޓީ އެންޑ ރެސްކިއު ޔުނިޓެއް ގާއިމުކުރުން އަދި އަލިފާނުގެ ނުރައްކާތަކާ، ފެންބޮޑުވުމާ، ކޮޅިގަނޑުތަކާ، އަދި މިނޫންވެސް އެމަރޖެންސީ ހާލަތްތަކުގައި އެކަމެއް ހިނގި ތަނަކަށް ގޮސް ސަލާމަތްތެރިކަމާ އެހީތެރިކަން ފޯރުކޮށްދިނުން. ގުދުރަތީ ކާރިސާ އަކުންވާ ގެއްލުމެއް ނުވަތަ އެކްސިޑެންޓަކުން ނުވަތަ އަލިފާނުން އިތުރަށް ގެއްލުމެއްވިޔަ ނުދިނުމަށް ކަނޑައެޅޭ ފިޔަވަޅުތަކެއް އެޅުމުގެ އިހުތިޔާރު މިފަރާތްތަކަށް އޮންނާނެ. އަދި ހުޅު ހިފާފަދަ ނުވަތަ ގޮވާފަދަ ނުވަތަ އެނޫންވެސް ނުރައްކަލެއް ދިމާވެދާފަދަ އެއްޗެއްކަމަށް ގަބޫލުކުރެވޭ ތަކެތި އިމާރާތްތަކާ ގޯތިތަކުން ނެގުމަށް އެންގުމުގެ ބާރުވެސް އޮންނާނެއެވެ. އަދި މީހަކަށް ނުވަތަ މުދަލަކަށް މިފަދަ ނުރައްކަލެއް ކުރިމަތި ވުމުގެ ފުރުސަތު އޮތް މިންވަރު ދެނެގަތުމަށް އިމާރާތްތަކާ، ގޯތިތައް އިންސްޕެކްޓުކުރުމުގެ ބާރުތައްވެސް ދެވޭނެއެވެ
<h1>އަމާޒު</h1>ޖިސްމާނީ ނުވަތަ ނަފުސާނީ ނުކުޅެދުންތެރިކަމެއްގެ ސަބަބުން ނުވަތަ އުމުރުން ދުވަސްވެ ގައިބާރު ދެރަވުމުގެ ސަބަބުން ނުވަތަ ބައްޔެއްގެ ސަބަބުން ނުވަތަ ގެވެށި އަނިޔާގެ ސަބަބުން ރައްކާތެރިކަމެއް ދޭންޖެހޭ ފަރާތެއް ނުވަތަ ގުދުރަތީ ހާދިސާއެއްގެ ސަބަބުން ނުވަތަ އަލިފާނުގެ ހާދިސާއެއްގެ ސަބަބުން ނުވަތަ މި ނޫންވެސް ސަބަބަކާއި ހުރެ ރައްޔިތެއް ހާލުގައިޖެހި ދިރިއުޅެވޭނެ ގޮތްތައް ނެތް ފަރާތްތަކަށް ވަގުތީ ބޯހިޔާވަހިކަމާއި، ކާނާއާ، އަންނައުނު އާއި އަޅާލުން ފޯރުކޮށްދޭނެ އިންތިޒާމުތައް ހަމަޖެއްސުން
<h1>މަގްސަދުތައް</h1><ol><li>އިޖުތިމާޢީ ގޮތުން، ހުރިހާ ރައްޔިތުންވެސް ރައްކާތެރިކުރެވޭނެ ނިޒާމެއް ޤާއިމް ކުރުން</li><li>އެންމެ ނިކަމެތި މީހާއަށްވެސް ސަލާން ނުޖަހާ އަބުރުވެރި ދިރިއުޅުމެއް އުޅުމަށް އެހީތެރިވެދިނުން</li><li>ހާލުގައި ޖެހޭ ފަރާތްތަކަށް އަޅާލެވޭނެ ގޮތެއް ހަމަޖެއްސުން، ޚާއްސަ އެހީއަށް ބޭނުންވާ މީހުންގެ ކަންކަން އެކަށީގެންވާ ގޮތެއްގައި ހަމަޖެއްސުން</li><li>ރައްޔިތުންގެ އިތުބާރު ލިބިފައިވާ އިޖުތިމާޢީ ރައްކާތެރިކަމުގެ ނިޒާމެއް ޤާއިމްކުރުން</li><li>އިޖުތިމާޢީ ރައްކާތެރިކަން ފޯރުކޮށްދިނުމުގައި އާންމު ރައްޔިތުންގެ ބައިވެރިވުން ލިބިގެންދާނެހެން ކަންކަން ބައްޓަން ކޮށް، ކުލުންވެރި މުޖުތަމަޢުއެއް ބިނާކުރުން</li><li>އަތޮޅުގައި ދިމާވާ ކާރިޡާ ތަކާއި ހާދިސާ ތަކާއި ގުދުރަތީ ކަންކަމާއި ގުޅިގެން ލިބޭ ގެއްލުން ކުޑަކުރުމަށް މަސައްކަތް ކުރުން</li><li>އަތޮޅުގައި ދިމާވާ ކާރިޡާ ތަކާއި ހާދިސާ ތަކާއި ގުދުރަތީ ކަންކަމާއި ގުޅިގެން ރައްކާތެރިކަން ބޭނުންވާ ފަރާތްތަކަށް ރައްކާތެރިކަން ފޯރުކޮށްދީ އެހީވެދީ އާންމު ދިރިއުޅުމަށް އަނބުރާ ރުޖޫޢަ ވުމަށް އެއްބާރުލުން ދިނުން</li><li>އަލިފާނުގެ ހާދިސާތަކާއި ގުޅިގެން އަލިފާން ނިއްވުމަށާއި، މީހުން ސަލާމަތް ކުރުމަށް އެކަށީގެންވާ ވަގުތުގައި ހަރަކާތްތެރިވެވޭނެ އިންތިޒާމް ހަމަޖެއްސުން</li><li>ކަނޑުމަތީގައި ދިމާވާ ހާދިސާތަކާއި ގުޅިގެން ދޭންޖެހޭ އެހީތެރިކަން އެކަށީގެންވާ ވަގުތުގައި ފޯރުކޮށްދެވޭނެ އިންތިޒާމްތަށް ހަމަޖެއްސުން</li></ol></body>

ހޯދައި ދެނެގަތުމާ ދިރާސާ

މާކެޓް ކުރުމާ މުވާޞަލާތު ކުރުން

އިންސާނީ ވަޞީލަތް

ވިލުންވެރި މުޖްތަމައަކަށް މަގުފަހިކުރުން

ޕްރޮގްރާމް ހަރަކާތްތައް