އިއާދަކުރެވޭ ސާފު ހަކަތައަށް ބަދަލުވުން

<body>
ގެދަބުޅި މަދު ހަކަތައިގެ ދާއިރާއަކަށް ވާޞިލްވެ، އިމްޕޯރޓްކުރެވޭ &quot;ފޮސިލް&quot; ތެލުގެ މައްޗަށް ބަރޯސާވާ މިންވަރު ދަށްކުރުމުން، އިންސާނީ ވަޞީލްތަތަކުގެ އާ ގަވާއިދުތަކާއި، ޓެކްނޮލޮޖީގެ އާ އޮނިގަނޑުތައް އުފައްދަން ޖެހެއެވެ. އަދި މިކަންކަމުގެ ސަބަބުން މާލީ ގޮންޖެހުންތަކާއި ކުރިމަތިލާންޖެހުމަށް މެދުވެރިވެއެވެ. އިއާދަކުރެވޭ ހަކަތަ އުފެއްދުން ބިނާކުރުމަށް ހޭދަކުރުން (ނުވަތަ &quot;އިންވެސްޓް&quot; ކުރުން) އެއީ މާލީގޮތުން ދެކޮޅުޖެއްސޭނެ، އަދި އިއާދަކުރެވޭ ހަކަތައަށް ޚަރަދުކުރުމުގެ ނުރައްކާތައް ކުޑަކޮށްދޭކަމެކެވެ. މިރާއްޖޭގައި ހިމެނޭ އެހެންވެސް އަތޮޅެކޭ އެއްފަދައިން 'ނ' އަތޮޅަކީ ދުނިޔެ ކުރިމަތިލަމުންދާ ތިމާވެއްޓާއި، ހަކަތައާއި ގުޅުންހުރި މައްސަލަތަކުގައި ވަރަށް ނާޒުކް އަދި ނުރައްކާތައް ގާތް، ކުދި ޖަޒީރާ ރަށްތަކެއް ހިމެނޭ އިގްތިޞާދީ ގޮތުން &quot;ދަށް&quot; އަތޮޅެކެވެ. ދުނިޔޭގެ ބާޒާރުގައި ހަކަތައިގެ އަގުތަކަށް އަންނަ ބަދަލުތަކުންނާއި، އެކި މުދަލާ ސާމާނު ތަދުވެގެންދާ ދިއުމުން، އަދި ކަނޑުމަގުން މުދާއުފުލުމުގެ އަގުތަކަށް އަންނަ ބަދަލުތަކަކީ މި އަތޮޅަށް އޭގެ އަސަރު ކުރާނެ ކަންކަމެވެ. އަދި  ފަތުރުވެރިކަމުގެ މިންވަރުތަކަށް އަންނަ ބަދަލުތަކުންނާއި، އިންސާނުން ފަތުރުފަތުރު ކުރުމުގައި ގެންނަންޖެހޭ ބަދަލުތަކުގެ ސަބަބުން ވެސް އަތޮޅަށް ފާހަގަކޮށްލެވޭ އަސަރުތަކެއް ކުރާނެއެވެ.
ތިމާވެށި ހިމާޔަތްކުރަމުން ގެންދިއުމާއެކު މިހާރުގެ ޖީލުގެ ބޭނުންތަކާއި އަރާހަމަކޮށް ކުރިމަގުގެ ޖީލުތަކަށް އެމީހުންގެ އަމިއްލަ ހަކަތައިގެ ބޭނުންތަކާއި އަރާހަމަކުރުމުގެ ގާބިލްކަން 'ނ' އަތޮޅުން ފޯރުވައިދޭނެއެވެ. ހުރިހާ ރައްޔިތުންނަށާއި ރަށްވެހީންނަށް ފޯރާ އަގުތަކުގައި އެންމެ އެކަށީގެންވާ، މަތީ ނަތީޖާ ނެރެދޭ، އިޖްތިމާއީ މަސްއޫލުވެރިކަމަށް ފެތޭ އިއާދަކުރެވޭ ހަކަތަ ފޯރުކޮށްދެވޭނެއެވެ. އިއާދަކުރެވޭ ހަކަތައަށް ހޭދަތައް ކުރުމާއި، ދިރުންތައް ވީރާނާވެ އުފެދޭ (ނުވަތަ &quot;ފޮސިލް&quot;) ތެޔޮ އެތެރެކޮށް، އޭގެ މައްޗަށް ބަރޯސާ ކުރާންޖެހޭ މަތީމިންވަރު ދަށްކުރުމަކީ ސަރުކާރާއި ކައުންސިލުން އިސް އަހައްމިއްޔަތުކަމެއް ދޭކަމެކެވެ. އެހެންކަމުން، ހަކަތައިގެ ސަލާމަތްތެރިކަން އިތުރުކޮށްދީ އިގްތިސާދު ހެޔޮގޮތުގައި ދެމިއޮތުމުގެ ބާރު އިތުރުކޮށްދެއެވެ. އިއާދަކުރެވޭ ހަކަތައަށާއި މަތީ ނަތީޖާ ނެރެވޭ ހަކަތައަށް ހޭދަތައް ކުރުމުން ދުނިޔޭގެ ހޫނުމިން އިތުރުކުރާ (ނުވަތަ &quot;ގްރީންހައުސް&quot;) ގޭސް ދޫކުރާ މިންވަރު ދަށްކުރުމުގެ ފުރުޞަތުތައް ލިބި، އިލެކްޓްރިކް އުފެއްދުމުގެ ޚަރަދުތަކާއި ފީތައް ކުޑަކުރެވޭނެއެވެ. ނ.އަތޮޅުގެ މީހުންދިރިއުޅޭ ހުރިހާ ރަށަކާއި، ރިސޯޓްތަކުގައި ހުރި ހަކަތައިގެ ނިޒާމުތަކާއި އިއާދަކުރެވޭ ހަކަތައިގެ ނިޒާމުތައް ލާމަހައި ގުޅުވާލުމަށާއި އަދި ސިނާއީ ހަރަކާތްތަކާއި ދަތުރުކޮށްދިނުމުގެ (ނުވަތަ 'ޓްރާންސްޕޯޓް) ދާއިރާއިން ގެދަބުޅި ދޫކުރާ މިންވަރުތައް ދަށްކުރުން މިހާރަށްވުރެ ހަލުވި ކުރަން ވަނީ ނިންމާފައެވެ.
<h1>އަމާޒު</h1>އިއާދަކުރެވޭ ހަކަތަ ބޭނުންކުރާ މިންވަރު އިތުރުކޮށް، ހަކަތައަށް ކުރާ ހަރަދު ކުޑަކޮށްދީ، ގެނދަބުޅި ދޫކުރާ މިންވަރު މަދުކުރުން.
<h1>މަގްސަދުތައް</h1><ol><li>    ހަކަތައަށް ކުރަންޖެހޭ ޚަރަދު ކުޑަކުރުން - ހަކަތައިން އިގްތިޞާދަށް ބާރުބޮޑުވާ މުޅި މިންވަރު އަހަރަކު 15 އިންސައްތައަށް ދަށްކުރުމަށް ފަރުމާކުރެވިފައިވާ ހިފެހެއްޓުންތެރިކަމުގެ ފިޔަވަޅުތައް އަޅަމުން، މަތީ ނަތީޖާތައް ނެރުމުގެ އަމާޒު ހިފެހެއްޓުން.</li><li>    ހަކަތަ ލިބިގަނެވޭ ވަޞީލަތްތަކުގެ ތަފާތު ގިނަކުރުން - އިޞްލާހުކުރެވިފައި މާކެޓް އޮނިގަނޑެއްގެ ތެރެއިން ކަނޑައެޅިފައިވާ އަމާޒުތަކުން، 2026 އާ ހަމައަށް ދެވޭއިރު، އިލެކްޓްރިކް ހަކަތަ ފޯރުވައިދެވޭ މިންވަރުގެ 70 އިންސައްތައަކީ އިއާދަކުރެވޭ ހަކަތައަށް ހެދުން.</li><li>އިލެކްޓްރިކް ހަކަތަ ލިބެވުމުގެ އިތުބާރު ބޮޑުކުރުން. ބޭނުންކުރާ ފަރާތްތަކުގެ މަޞްލަހަތުތައް ހިމާޔަތްކުރުމަށް ފަރުމާކުރެވިފައިވާ އަދި ގަވާއިދުތަކަށް ގެންނަންޖެހޭ އިޞްލާހުތަކާ، އިލެކްޓްރިކް ހަކަތަ ފޯރުވައިދިނުމުގެ ފެންވަރު މަތިކުރުން.</li><li>ހަކަތައާއި ގުޅުންހުރި މަޝްރޫއުތަކާ، ރޭވުންތައް ރާވައި ހިންގުމާ ހަކަތައައި ބެހޭ ހުއްދަތައް ދިނުމުގެ އިޖްރާއަތުތަކުގައި ތިމާވެއްޓަށް އަޅާލުން ހިމެނޭނެ ކަން ގާނޫނުތަކާ ގަވާއިދުތަކުން ކަށަވަރުކުރުން.</li><li>އިއާދަކުރެވޭ ހަކަތައަށް އަމިއްލަފަރަތްތަކުން ހޭދަކޮށް މަންފާހޯދުމުގެ ގާބިލްކަން ފޯރުވައިދޭނެ މާހައުލެއް އުފެއްދުމަށް، މާކެޓް އިންތިޒާމްތަކާ ތައުލީމު ދިނުމަށާ ތަމްރީނުތައް ކުރުމަށް ފަހިކޮށްދިނުން.</li></ol></body>

ހޯދައި ދެނެގަތުމާ ދިރާސާ

މާކެޓް ކުރުމާ މުވާޞަލާތު ކުރުން

އިންސާނީ ވަޞީލަތް

އިއާދަކުރެވޭ ސާފު ހަކަތައަށް ބަދަލުވުން

ޕްރޮގްރާމް ހަރަކާތްތައް