ނޫނު ނެޗުރަލީ > މަގު ޗާޓު > ތަރައްޤީގެ މަޝްރޫޢުތައް Reimagine Noonu Binaaveshi (PC-003)

އަތޮޅު ޖިއޯސްޕޭޝަލް ޕްލެޓްފޯމް ތަރައްޤީކުރުން

ނ. އަތޮޅުގެ މުޖުތަމަޢުތަކަށް ބާރުވެރިކަން ދިނުމަށްޓަކައި، ދެފުށް ފެންނަ، ރައްޔިތުންނަށް އަމާޒުކުރެވިފައިވާ ޖިއޯސްޕޭޝަލް ޕްލެޓްފޯމެއް ޤާއިމްކުރުން. މިގޮތުން ޢާންމުންނަށް ލިބެންހުންނަ ޑޭޓާ ޢާންމު ދާއިރާއަށް އެއްކޮށްލައި، ތިމާވެށި ދެމެހެއްޓެނިވި ގޮތެއްގައި ބެލެހެއްޓުމާއި، ހަމަހަމަ ބިމުގެ ޙައްޤުތަކާއި، އިޤްތިޞާދީ ކުރިއެރުން ޔަޤީންކުރުމާއެކު، ވެރިކަން ހިންގުމުގައި އިތުބާރުހުރި ރައްޔިތުންގެ ބައިވެރިވުން އިތުރުކުރުން. ތިމާވެށި ބެލެހެއްޓުމާއި، ބިން ބޭނުންކުރުމާއި، އިޤްތިޞާދީ ފުރުޞަތުތަކަށް ހުޅުވާލެވިފައިވާ، ލައިވް ޑޭޓާ ފޯރުކޮށްދިނުމަށް ޖިއޯސްޕޭޝަލް ޓެކްނޮލޮޖީ ބޭނުންކުރުން، އަދި ރަށު ކައުންސިލްތަކާއި ސަރުކާރުގެ ޕްލޭނިންގ ނިންމުންތަކުގައި ރައްކާތެރި، އެކްރެޑިޓްކުރެވިފައިވާ ރައްޔިތުންގެ ބައިވެރިވުމަށް ދިވެހިރާއްޖޭގެ ޑިޖިޓަލް އައިޑެންޓިޓީ އެއްކޮށްލުން.

ފެށޭ ތާރީޚް:: ޖޫން 2024
ފެށޭ ތާރީޚް:: އޭޕްރީލު 2025

100%

Completed

Chronology

ޕްލެޓްފޯމް ތަރައްޤީކުރުމާއި އާންމު ބައިވެރިވުން

މި މަޝްރޫޢުގެ މަޤްޞަދަކީ ނ. އަތޮޅުގެ އާންމު ދާއިރާގައި ފުރިހަމައަށް އެކުލެވޭ، ހުޅުވާލެވިފައިވާ އަދި ހަރަކާތްތެރި ޖިއޯސްޕޭޝަލް ޕްލެޓްފޯމެއް ބިނާކޮށް، ރައްޔިތުންގެ ބައިވެރިވުމާއި ވާޞިލުވުން ކަށަވަރުކުރުމެވެ. މިކަން ހާޞިލުކުރުމަށްޓަކައި، ކައުންސިލުން އާންމުކޮށް ހޯސްޓްކުރެވޭ ވެބް-ބޭސްޑް ޕްލެޓްފޯމެއް ތަރައްޤީކުރާނެއެވެ. މިގޮތުން އޯޕަން-ސޯސް ޖީ.އައި.އެސް ޓޫލްސް ބޭނުންކޮށްގެން ޚަރަދު ކުޑަކޮށް ފުޅާކުރެވޭނެ ގޮތަށް ފަރުމާކުރެވޭނެއެވެ. މި ޕްލެޓްފޯމުގައި ރާއްޖޭގެ ޑިޖިޓަލް އައިޑެންޓިޓީ ސިސްޓަމް (އީފާސް) އެކުލެވޭނެއެވެ. އަދި މީގެ ސަބަބުން ރައްކާތެރި ލޮގިންއެއް މެދުވެރިކޮށް ރައްޔިތުންނަށް ސީދާ މަޢުލޫމާތާ ގުޅުވައިދޭނެއެވެ. ސެޓެލައިޓް އިމޭޖަރީ އަދި ޑްރޯން މެދުވެރިކޮށް ރިއަލް-ޓައިމް ޑޭޓާ އެއްކުރެވޭނެއެވެ. އަދި ހުރިހާ ޑޭޓާސެޓްތަކަކީވެސް ޑައުންލޯޑްކުރެވޭ އަދި ޑައިނަމިކް ޑޭޓާސެޓްތަކެއްގެ ގޮތުގައި ހުންނާނެއެވެ. މިއީ ހާމަކަން ބޮޑުކުރުމަށް ކުރެވޭ ކަމެކެވެ. ޕްލެޓްފޯމް މެދުވެރިކޮށް އިތުބާރުހުރި އަދި ޒިންމާދާރު ގޮތެއްގައި ރައްޔިތުންގެ ބައިވެރިވުން ކަށަވަރުކުރުމަށްޓަކައި، ހުރިހާ ކޮމެންޓްތަކާއި ވޯޓުތައް ޞައްޙަކަން ކަށަވަރުކުރުމަށް ރާއްޖޭގެ ޑިޖިޓަލް އައިޑީ މެދުވެރިކޮށް ވެރިފައިކުރެވޭނެއެވެ. މިގޮތުން ޒިންމާދާރުނޫން ކޮންޓެންޓް ފިލްޓަރކުރެވޭނެ މޮޑަރޭޝަން ގައިޑްލައިންތަކެއް އޮންނާނެއެވެ. ނަމަވެސް ޚިޔާލު ފާޅުކުރުމުގެ މިނިވަންކަން ދެމެހެއްޓޭނެއެވެ. ފީޑްބެކްގެ ޚުލާޞާތަކާއި ކައުންސިލްގެ ޖަވާބުތައް ޝާއިޢުކުރެވޭނެއެވެ. އަދި ފާސްކުރެވޭ ޕްލޭންތައް ފަދަ ބައިވެރިވުމުގެ ނަތީޖާ ދައްކުވައިދޭ ވެބް ޕޯޓަލްއެއް ހުންނާނެއެވެ. މިއީ ހާމަކަމާއި ޖަވާބުދާރީވުން ކަށަވަރުކުރުމަށްޓަކައެވެ.

ހަމަހަމަ ގޮތެއްގައި ބިމާއި ވަސީލަތްތައް ބޭނުންކުރުމުގެ ޕްލޭން

މި މަޤްޞަދުގައި އަމާޒުކުރެވިފައިވަނީ ބިމާއި ކަނޑުގެ ވަސީލަތްތައް ޕްލޭންކުރުމުގައި ދެފުށް ފެންނަ ގޮތަށް، ރައްޔިތުންގެ ޚިޔާލު ހޯދައިގެން ނިންމުންތައް ނިންމުމަށެވެ. ކައުންސިލުން ގޭގެއާއި، ފަތުރުވެރިކަމާއި، ތިމާވެށި ހިމާޔަތްކުރާ ސަރަޙައްދުތަކުގެ ތަފްޞީލީ ބިން ބޭނުންކުރާ ގޮތުގެ ޗާޓުތަކާއި، މަސްވެރިކަމާއި ފަތުރުވެރިކަމުގެ ޖާގައިގެ ކަނޑުގެ ޗާޓުތައް ޝާއިޢުކޮށް، އާންމުންގެ ޚިޔާލު ހޯދުމަށް ހުޅުވާލެވޭނެއެވެ. ޑިޖިޓަލް އައިޑީއާ ގުޅިފައިވާ ވޯޓުލުމުގެ ނިޒާމެއްގެ ތެރެއިން ކައުންސިލުގެ ޕްލޭނިންގ ހުށަހެޅުންތަކަށް ރައްޔިތުންނަށް ތާއީދުކުރުމާއި ދެކޮޅުހެދުމުގެ ފުރުޞަތު ލިބި، އެމީހުންގެ އަޑު ނިންމުންތަކަށް އަސަރުކުރާނެއެވެ. ރިސޯޓު ތަރައްޤީކުރުން ފަދަ ތަރައްޤީގެ މަޝްރޫޢުތަކުގެ ސިމިއުލޭޝަންތައް ހަދައި، ޚިޔާލު ހޯދުމަށް އާންމުކޮށް ހިއްސާކުރެވޭނެއެވެ.

ޢާންމު ބިމުގެ ދަފްތަރުތަކާއި ސްމާޓް ގަވަރނަންސް

މިކަމުގެ މަޤްޞަދަކީ ބިމުގެ ރެކޯޑުތަކާއި ޔުޓިލިޓީ ޚިދުމަތްތައް ފުރިހަމަ ހާމަކަމާއެކު ޑިޖިޓަލްކޮށް، ރައްޔިތުންނަށް ވެރިކަން ހިންގުމުގައި ބައިވެރިވެ ބެލެހެއްޓުމުގެ ބާރު ދިނުމެވެ. ބިމުގެ ދަފްތަރެއް ތަޢާރަފުކުރެވި، އާންމުކޮށް ބެލޭގޮތަށް ހުޅުވާލެވި، މިލްކުވެރިކަން ކަށަވަރުކުރުމަށް ޑިޖިޓަލް އައިޑީއާ ގުޅުވާލެވޭނެއެވެ. އަދި ޑިޖިޓަލްކުރެވިފައިވާ ހުރިހާ ރެކޯޑުތަކެއް މައްސަލަތަކާއި އޮޅުންތަކާ ގުޅޭގޮތުން ޚިޔާލު ހުށަހެޅުމަށް ޝާއިޢުކުރެވޭނެއެވެ. ފެނާއި ކުނީގެ ޚިދުމަތްތަކުގެ ވިއުގަތައް ރިއަލްޓައިމްކޮށް އަދި އާންމުކޮށް ފެންނަ ޑޭޓާއާއެކު މެޕްކުރެވި، ރައްޔިތުންނަށް ޚިދުމަތުގެ މައްސަލަތަކާ ގުޅޭގޮތުން ޚިޔާލު ހުށަހެޅޭނެއެވެ.

ޢިޤްތިޞާދީ އަދި ތިމާވެށީގެ މުދާ ބެލެހެއްޓުން

މަޤްޞަދަކީ ގުދުރަތީ އަދި އިޤްތިޞާދީ މުދާ ދެމެހެއްޓެނިވި ގޮތެއްގައި ބެލެހެއްޓުން، އަދި މިކަން ކުރިއަށްދާނީ ޢާންމުންނަށް ޖަވާބުދާރީވާ ގޮތަށެވެ. ކައުންސިލުން މަސްވެރިކަމާއި އަދި ވަނަވެއްސާ ފަދަ މުދަލުގެ އިންވެންޓްރީތައް ޝާއިޢުކުރާނެއެވެ. މީގެ ތެރޭގައި އިޤްތިޞާދީ އަގުތައް ހިމެނޭނެއެވެ. އަދި ހާމަކަން ބޮޑު ގޮތެއްގައި މަޢުލޫމާތުތައް އަޕްޑޭޓްކުރެވޭނެއެވެ. އިޔާދަކުރަނިވި ހަކަތައިގެ ސަރަޙައްދުތައް، އިރުގެ އަލިން އަދި ވައިން ހަކަތަ އުފެއްދޭނެ ތަންތަން ދެނެގަނެވި، ފީސިބިލިޓީ ދިރާސާތައް ރައްޔިތުންގެ ޚިޔާލު ހޯދުމަށް ޢާންމުކޮށް ހިއްސާކުރެވޭނެއެވެ. ޙިމާޔަތްކުރުމަށް އިސްކަންދޭ މެނޭޖްމަންޓް ޕްލޭންތަކަށް ޕްލެޓްފޯމް މެދުވެރިކޮށް ޚިޔާލު ހުށަހެޅުމުގެ ފުރުޞަތު ހުޅުވާލެވޭނެއެވެ. އަދި މުދަލުގެ މަޢުލޫމާތުތައް ކާބަން ކްރެޑިޓް ފަދަ އިޤްތިޞާދީ ފުރުޞަތުތަކާ ގުޅުވާލެވޭނެއެވެ.

ކާބަން މާކެޓްތަކާއި އިޤްތިޞާދީ ތަރައްޤީ

މި މަޝްރޫޢުގެ މަޤްޞަދަކީ ކާބަން މާކެޓްތަކާއި އައު ޞިނާޢަތްތަކުގެ ޒަރީޢާއިން އާމްދަނީ ހޯދުމެވެ. މިކަން ކުރިއަށްދާނީ ރައްޔިތުންގެ ބައިވެރިވުމާއެކު، ފުރިހަމަ ހާމަކަމާއެކުގައެވެ. ކަނޑުގެ ކުޅިތަކާއި ވިނަގަސްތަކުގައި ހުރި ކާބަން މިންވަރު ބަލައި، މަޢުލޫމާތު ޝާއިޢުކޮށް، ބައިނަލްއަޤްވާމީ މިންގަނޑުތަކުގެ ދަށުން ކްރެޑިޓް ސެޓިފައިކުރެވޭނެއެވެ. އަދި ކުރިއަށްދާ މިންވަރު ހާމަކަމާއެކު ހިއްސާކުރެވޭނެއެވެ. އިއާދަކުރަނިވި ހަކަތައިގެ ޕައިލެޓް މަޝްރޫޢުތަކާއި ދެމެހެއްޓެނިވި މަސްވެރިކަމުގެ ކޯޓާތައް ތަޢާރަފުކުރެވި، ޑިޖިޓަލް އައިޑީ މެދުވެރިކޮށް އިސްކަންދޭނެ ކަންކަމަށް ރައްޔިތުން ވޯޓުލާނެއެވެ. ވިޔަފާރި ފަސޭހަކުރުމަށް ބްރޯކަރުންނާއެކު ގުޅުން ބަދަހިކުރެވި، މާލީ ލަފާކުރުންތައް ހާމަކަމާއެކު ޝާއިޢުކުރެވޭނެއެވެ. ނ. އަތޮޅުގެ މަސައްކަތްތައް ކާމިޔާބީގެ ޓްރެކަރއަކާއެކު ދުނިޔޭގެ ފެންވަރުގައި ޕްރޮމޯޓްކުރެވޭނެއެވެ.

ކާރިސާތަކަށް ތައްޔާރުވުމާއި އަލުން އާރާސްތުވުން

މި މަޤްޞަދުގެ ބޭނުމަކީ ރައްޔިތުންނަށް ބޭނުންކުރެވޭ ވަސީލަތްތަކާއި އަދި އެމީހުންގެ ޢަމަލީ ބައިވެރިވުމާއެކު ކާރިސާތަކާ ކުރިމަތިލުމުގެ ޤާބިލުކަން އިތުރުކުރުމެވެ. ސަލާމަތްވުމަށް ބޭނުންކުރާނެ މަގުތަކާއި ރައްކާތެރި ސަރަޙައްދުތައް ޗާޓުކޮށް ޢާންމުކުރެވޭނެއެވެ. އަދި މި ޕްލެޓްފޯމް މެދުވެރިކޮށް ރައްޔިތުންނަށް އިޞްލާޙީ ޚިޔާލު ހުށަހެޅުމުގެ ފުރުޞަތު ދެވޭނެއެވެ. ޑިޖިޓަލް އައިޑީ މެދުވެރިކޮށް ކާރިސާއަކަށްފަހު ގެއްލުން ވަޒަންކުރުމަށް ޢާންމު ވަސީލަތެއް ބޭނުންކުރެވޭނެއެވެ. އަދި ސުނާމީ ފަދަ ކާރިސާތަކުގެ ސިމިއުލޭޝަންތައް ހަދައި، އޭގެ މައްޗަށް މުޖުތަމަޢުގެ ޚިޔާލު ހޯދޭނެއެވެ. ތައްޔާރީ ހާލަތުގައި މި ޕްލެޓްފޯމް ބޭނުންކުރުމަށް ރައްޔިތުންނަށް ތަމްރީނު ދެވި، އިސްނަގައިގެން ޢަމަލުކުރެވޭނެ ދައުރެއް ކަށަވަރުކުރެވޭނެއެވެ.

ސަގާފީ ތަރިކައާއި ތަޢުލީމު

މިކަމުގެ މަޤްޞަދަކީ ހުޅުވާލެވިފައިވާ ޖިއޯސްޕޭޝަލް ޑޭޓާ ބޭނުންކޮށްގެން ސަގާފީ ތަރިކަ ރައްކާތެރިކޮށް އާންމުންނަށް މަޢުލޫމާތު ފޯރުކޮށްދިނުމެވެ. ސަގާފީ ތަރިކައިގެ ޗާޓެއް ޝާއިޢުކުރެވި، ރައްޔިތުންނަށް ޑިޖިޓަލް އައިޑީ މެދުވެރިކޮށް ތަންތަން ހުށަހެޅުމުގެ ފުރުޞަތު ލިބި، މުޖުތަމަޢުގެ ބައިވެރިވުމާއެކު ތަރިކަ ރައްކާތެރިކުރެވޭނެއެވެ. ޕްލެޓްފޯމްގެ މަޢުލޫމާތު ސްކޫލްތަކާއި ދިރާސާކުރާ ފަރާތްތަކާ ހިއްސާކުރެވި، އާންމު މަޝްރޫޢުތައް ކުރިއަރުވައި، އިންޓަރެކްޓިވް ތަރިކައިގެ ގައިޑްތަކުން ފަތުރުވެރިކަން ހާމަކަން ބޮޑު ގޮތެއްގައި ކުރިއަރުވާނެއެވެ. އަހަރީ "ޖިއޯ-އެންގޭޖްމަންޓް" ހަރަކާތްތަކުން ރައްޔިތުންގެ ހިއްސާ ފާހަގަކޮށް، ތަޢުލީމާއި ފަޚުރުވެރިކަން އިތުރުކުރެވޭނެއެވެ.

ގައުމީ، ސަރަޙައްދީ އަދި ބައިނަލްއަޤްވާމީ އެއްބާރުލުން

މަޤްޞަދަކީ ޒިންމާދާރު ގޮތެއްގައި މަޢުލޫމާތު ހިއްސާކޮށް، ގައުމީ، ސަރަޙައްދީ އަދި ބައިނަލްއަޤްވާމީ ބައިވެރިންނާއެކު މަސައްކަތްކޮށްގެން ނ. އަތޮޅުގެ ނަތީޖާ އިތުރުކުރުމެވެ. އެހެން އަތޮޅުތަކާއި، މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓް ފަދަ ގައުމީ އިދާރާތަކާއި، އދ ފަދަ ބައިނަލްއަޤްވާމީ ފަރާތްތަކުން ބޭނުންކުރުމަށް، ގައުމީ ޖިއޯސްޕޭޝަލް މިންގަނޑުތަކާއި ސިޔާސަތުތަކާ އެއްގޮތްވާ ގޮތުގެ މަތިން، ނަން ނުހިމެނޭ ޑޭޓާސެޓްތައް ކައުންސިލުން ޝާއިޢުކުރާނެއެވެ. ނ. އަތޮޅުން ސަރަޙައްދީ ޖީ.އައި.އެސް ނެޓްވޯކްތަކުގައި ބައިވެރިވެ، އީފާސް ފަދަ ގައުމީ ނިޒާމުތަކާ ގުޅިގެން، މަޢުލޫމާތު ހިއްސާކުރުން ފަސޭހަކުރުމަށް، ދިވެހިރާއްޖެއަށް އެކަށޭނަ އެއް އޮނިގަނޑެއް އެކުލަވާލުމަށް ވަކާލާތުކުރާނެއެވެ. ޕްލެޓްފޯމްގެ ހާމަކަން ބޮޑު މޮޑެލް ދައްކުވައިދިނުމަށް އާންމު ވެބިނަރތައް ބޭއްވުމާއެކު، އެއްބާރުލުމުގެ އިސްކަންދޭ ކަންކަމުގައި ރައްޔިތުންގެ ޚިޔާލު ހޯދައި، ގައުމީ ދިރާސާ މުއައްސަސާތަކާއި ބައިނަލްއަޤްވާމީ ޖަމްޢިއްޔާތަކާއެކު ގުޅުން ބަދަހިކޮށްގެން ފަންނީ އަދި މާލީ އެހީތެރިކަން އިތުރުކުރެވޭނެއެވެ.

ތިމާވެށި ބެލެހެއްޓުމުގައި ހާމަކަން ބޮޑު އަދި މޫސުމަށް އަންނަ ބަދަލުތަކާއި އެކު ދެމެހެއްޓެނިވި ގޮތެއްގައި ކުރިއަށް ދިއުން

މިތަނުގައި މައިގަނޑު މަޤްޞަދަކީ ތިމާވެށި ރައްކާތެރިކޮށް، މޮނިޓަރކޮށް، އަދި އާންމުންނަށް މައުލޫމާތު ލިބޭނެ ގޮތް ހަދައި، މޫސުމަށް އަންނަ ބަދަލުތަކާއި އެކު ދެމެހެއްޓެނިވި ގޮތެއްގައި ކުރިއަށް ދިއުމަށް ރައްޔިތުންގެ ޚިޔާލު ހޯދުމެވެ. ކައުންސިލުން މުރަކަތަކާއި، ކަނޑުހުޅިތަކާއި، އަދި ރަށްގިރުމާއި ތަޣައްޔަރުވުން ފަދަ ތިމާވެށީގެ ނުރައްކާތައް ދައްކުވައިދޭ ހަގީގީ ވަގުތުގެ ޗާޓުތައް ޝާއިޢުކުރާނެއެވެ. މިގޮތުން ހުރިހާ މަޢުލޫމާތެއްވެސް ޑައުންލޯޑްކުރެވޭނެ އަދި އަޕްޑޭޓްކުރެވެމުންދާނެއެވެ. މޫދުގެ ލޮނުގަނޑު އުފުލުން ފަދަ މޫސުމީ ނުރައްކާތައް ދެނެގަތުމަށް ޕްރެޑިކްޓިވް މޮޑެލިންގ ބޭނުންކުރެވޭނެއެވެ. އަދި މިކަންކަމަށް ހޯދޭ ހައްލުތައް އާންމުކޮށް ހިއްސާކުރެވޭނެއެވެ. ރައްޔިތުންނަށް ތިމާވެށީގެ މައްސަލަތައް ރިޕޯޓުކުރުމުގެ ބާރު ލިބިދެވި، އިތުބާރުހުރި ގޮތެއްގައި ބައިވެރިވުމަށް މަގުފަހިކުރެވޭނެއެވެ. އަދި އާންމު އިންޒާރުދިނުމުގެ ޑޭޝްބޯޑެއް މެދުވެރިކޮށް މުޖުތަމަޢުއަށް ކުރިމަތިވެދާނެ ނުރައްކާތަކުގެ މަޢުލޫމާތު ފޯރުކޮށްދެވޭނެއެވެ.