ލޭންޑްސްކޭޕިންގ

އިމާރާތަށް ވަދެނިކުމެވުމަށާއި މީހުން ހިނގާބިނގާވެ އުޅުމަށް މަގުތަކާއި ޕޭވްމަންޓްތައް ފަރުމާކުރުން. ކޮންކްރީޓް، ލަކުޑި އަދި ޕޭވްމަންޓް ބްރިކް ފަދަ ތަކެތި ބޭނުންކޮށްގެން މަގުތަކާއި ޕޭވްމަންޓްތައް ހެދުން. ރައްކާތެރިކަމާއި ސަލާމަތްތެރިކަމަށްޓަކައި މަގުތަކުގައި ބައްތިތައް ހަރުކުރުން.

ގަސްތަކަށާއި، ގަސްކާނާއަށާއި، ލޯންތަކަށް ފެން ފޯރުކޮށްދިނުމަށް އިރިގޭޝަން ސިސްޓަމެއް ފަރުމާކުރުން. ބިމުގެ އަޑިން ހޮޅިތައް އަޅައި، ސްޕްރިންކްލަރ ނުވަތަ ޑްރިޕް އިރިގޭޝަން ސިސްޓަމްތައް ހަރުކުރުން. ތަނުގެ ޒީނަތްތެރިކަން އިތުރުކުރުމަށް ފައުންޓެއިން ނުވަތަ ފެންގަނޑު ފަދަ ފެނުގެ ވަސީލަތްތައް ހަރުކުރުން. މެހުމާނުންނަށް އަރާމުކޮށް ވަށައިގެންވާ މާހައުލު އިހުސާސްކުރެވޭގޮތަށް އައުޓްޑޯ އިށީނދެ އިނުމުގެ ސަރަހައްދުތައް ތައްޔާރުކުރުން.

މިހާރު ބޭނުންކުރަން ނުކުރެވޭވަރަށް ހަލާކުވެފައިވާ ނުވަތަ ދެރަވެފައިވާ ކޮމްޕައުންޑް ވޯލްތައް ތަޅާލައި، އަދި ފަންނީގޮތުން ރަނގަޅު، ރީތި، އަދި ސަލާމަތްތެރިކަމާއި ޕްރައިވަސީ ލިބޭގޮތަށް އަލުން ފާރު ރޭނުން ހިމެނެއެވެ. އަލަށް ރާނާ ފާރުތައް ކޮންވެންޝަން ހައުސް ކޮމްޕްލެކްސްގެ މުޅި ޢިމާރާތުގެ ސިފައާ ގުޅޭގޮތަށް ފަރުމާކުރެވި، ގޯތީގެ ސަރަޙައްދު ރައްކާތެރިކަމާއެކު ވަކިކޮށްދޭނެއެވެ. މީގެ އިތުރުން، އަލަށް ރާނާ ފާރުތަކުގެ ސަބަބުން މުޅި ސަރަޙައްދު ވަށައިގެން ޕޭވްމަންޓް އެޅުމަށް ޖާގަ ލިބިގެންދާނެއެވެ.

ކޮމްޕްލެކްސްގެ އެކި ސަރަހައްދުތަކަށް ވަދެނިކުމެވޭ ގޮތަށް، މެހުމާނުންނާއި މުވައްޒަފުންނަށް ފަސޭހަކަމާއެކު އަދި ރައްކާތެރިކަމާއެކު ހިނގާބިނގާވެ އުޅެވޭނެ ގޮތަށް ޕޭވްމަންޓް އެޅިގެންދާނެއެވެ. އަދި މި ޕޭވްމަންޓްތައް ފަރުމާކުރެވިފައި ހުންނާނީ ވަށައިގެންވާ ސަރަހައްދުގެ ޖަމާލިއްޔަތުކަން އިތުރުކޮށް، ފައިމަގުން ދަތުރުކުރާ މީހުންނަށް ފަސޭހަވާނެ ގޮތަށް އަދި ކޮމްޕްލެކްސްގެ މުޅި ސިފަ ރީތިކޮށްދޭ ގޮތަށެވެ.

ބިން އެއްވަރުކުރުމާއި، ކުނިތަކާއި ހުރަސްތައް ނައްތާލައި ލޭންޑްސްކޭޕިންގ އަށް ބިން ތައްޔާރުކުރުން. މޫސުމާއި، ފަސްގަނޑުގެ ޙާލަތާއި، ބޭނުންވާ ރީތިކަމުގެ މައްޗަށް ބިނާކޮށް އެކަށޭނަ ގަހުގެ ބާވަތްތައް ޚިޔާރުކުރުމާއި، އެކަށީގެންވާ ދުރުމިނުގައި ބެހެއްޓުމާއި، ފަސްގަނޑު ރަނގަޅަށް ތައްޔާރުކޮށްގެން ކަނޑައެޅިފައިވާ ސަރަޙައްދުތަކުގައި ގަސް އިންދުން. ފެހިކަން ގެނުވައިދޭ ރީތި މަންޒަރުތައް އުފެއްދުމަށް ގަސްގަހާއި، މާމެލާމެލި އަދި އެހެނިހެން ގަސްތައް އިންދުން.