ތިމާވެށްޓާއި ތަރިކަ ރައްކާތެރިކުރުމުގެ ފަތުރުވެރިކަން ތަޢާރަފްކުރުން ތިމާވެށްޓާއި ތަރިކަ ރައްކާތެރިކުރާ ދެމެހެއްޓެނިވި ފަތުރުވެރިކަން ކުރިއެރުވުން. "ތިމާވެށްޓާއި ތަރިކަ ރައްކާތެރިކުރުމުގެ ފަތުރުވެރިކަން" ގެ އައު އިސްނެގުމެއް ތަޢާރަފްކުރުން. ފަތުރުވެރިންނަށް ޒިންމާދާރު ގޮތެއްގައި ދެއްކޭނެ ގުދުރަތީ ރީތިކަމާއި ސަގާފީ މުހިންމުކަން ހުރި ސަރަޙައްދުތައް ދެނެގަތުމަށް ފުރިހަމަ ރޭވުންތެރިކަމާއި ވަޒަންކުރުމަކުން ފެށުން. ތިމާވެށްޓަށް ކުރާ އަސަރު ކުޑަކޮށް އަދި ޚާއްޞަ ތަރިކަ ފާހަގަކުރެވޭ ތިމާވެއްޓާ ރައްޓެހި ފަތުރުވެރިކަމުގެ ޕެކޭޖްތައް ތައްޔާރުކުރުން. މި މަސައްކަތުގައި ރަށުގެ މުޖުތަމަޢު ބައިވެރިކޮށް، ފަތުރުވެރިކަމުގެ ފައިދާ ރައްޔިތުންނަށް ލިބޭކަން ކަށަވަރުކޮށް، ސަގާފަތް ދެމެހެއްޓުމަށް މަގުފަހިކުރުން. އަތޮޅުގައި ޒިންމާދާރު އަދި ދެމެހެއްޓެނިވި ފަތުރުވެރިކަން ތަރައްޤީކުރުމަށްޓަކައި، ތިމާވެއްޓަށާއި މުޖުތަމަޢުއަށް ކުރާ އަސަރު ބަލައި، ބޭނުންވާ ބަދަލުތައް ގެނައުން.

ނާޒުކު އިކޯސިސްޓަމްތަކާއި، ނެތިދިއުމުގެ ބިރުހީވެފައިވާ ދިރޭތަކެއްޗާއި، ސަގާފީގޮތުން މުހިންމު އާސާރީ ތަންތަން ހިމާޔަތްކުރުމުގެ ޕްރޮގްރާމްތައް ތަންފީޒުކުރުން. މޫސުމަށް އަންނަ ބަދަލުތަކާއި ފަތުރުވެރިކަމުގެ އަސަރުތަކުން ރައްކާތެރިވުމަށް، ގެއްލުން ލިބިފައިވާ ސަރަޙައްދުތައް އާރާސްތުކޮށް ރީހެބިލިޓޭޓްކުރުމުގެ މަޝްރޫޢުތައް ހިންގުން. ޒިންމާދާރު ޓުއަރ އޮޕަރޭޝަންތަކާއި، ހޯމްސްޓޭތަކާއި، އަތްތެރި މަސައްކަތުގެ ވިޔަފާރިއާއި، ސަގާފީ ޝޯތަކުގެ ތެރެއިން ރަށުގެ މުޖުތަމަޢުތަކަށް ފަތުރުވެރިކަމުގެ ތަރައްގީގައި ބައިވެރިވެ، މަންފާ ލިބޭނެ ފުރުސަތުތައް އުފެއްދުން. ހޮސްޕިޓަލިޓީއާއި، ތިމާވެށީގެ ހޭލުންތެރިކަމާއި، ސަގާފީ މަޢުލޫމާތު ފޯރުކޮށްދިނުމާ ގުޅޭގޮތުން މުޖުތަމަޢުގެ މެންބަރުންނަށް ތަމްރީނު ޕްރޮގްރާމްތައް ތަރައްގީކުރުން. އިއާދަކުރަނިވި ހަކަތައިގެ ހައްލުތަކާއި، ކުނި މެނޭޖްކުރާ ވަސީލަތްތަކާއި، ދެމެހެއްޓެނިވި ދަތުރުފަތުރުގެ އޮޕްޝަންތައް ފަދަ ތިމާވެއްޓާ ރައްޓެހި އިންފްރާސްޓްރަކްޗަރގައި އިންވެސްޓްކުރުން. ތިމާވެއްޓަށް ކުޑަ އަސަރެއްކުރާ ގޮތަށް، ކަނޑައެޅިފައިވާ ރަށްރަށުގައި އިކޯ-ލޮޖްތަކާއި، ހޯމްސްޓޭތަކާއި، ކުދި މިންވަރެއްގެ ހުރުމުގެ ޚިދުމަތްތައް ގާއިމުކުރުމަށް ރިޢާޔަތްކުރުން. އަތޮޅުގެ ތިމާވެށްޓާއި ސަގާފީ ޚާއްޞަ ކަންކަން ފާހަގަކޮށްދޭ، އަދި އިކޯ-ޓޫރިޒަމާއި، ސަގާފީ އަހުލުވެރިވުމާއި، ހިމާޔަތްކުރުމުގެ މަސައްކަތްތަކަށް ޝައުގުވެރިވާ ޒިންމާދާރު ދަތުރުވެރިންނާއި ވަކި ޚާއްޞަ މާކެޓްތަކަށް އަމާޒުކުރެވޭ މާކެޓިންގ ސްޓްރެޓެޖީއެއް އެކުލަވާލުން. ޑިޖިޓަލް ޕްލެޓްފޯމްތައް ބޭނުންކޮށް، އިކޯ-ޓޫރިޒަމް އޭޖެންސީތަކާއެކު މަސައްކަތްކޮށް، ދެމެހެއްޓެނިވި ފަތުރުވެރިކަމުގެ ވިޔަފާރީގެ މައުރަޒުތަކުގައި ބައިވެރިވުން.

ފަތުރުވެރިންގެ އަދަދު، ކުނި އުފެދޭ މިންވަރު، ވަސީލަތްތައް ބޭނުންކުރެވޭ މިންވަރު އަދި ރައްޔިތުންގެ ދިރިއުޅުމުގެ ހާލަތު ފަދަ މުހިންމު ދާއިރާތައް ބެލުމަށް މޮނިޓަރިންގ ނިޒާމުތައް ޤާއިމުކުރުން. މޮނިޓަރިންގ ޑޭޓާ އަދި ސްޓޭކްހޯލްޑަރުންގެ ޚިޔާލުތަކުގެ މައްޗަށް ބިނާކޮށް ފަތުރުވެރިކަން ތަރައްޤީކުރުމުގެ ޕްލޭން ވަގުތުން ވަގުތަށް އިވެލުއޭޓްކުރުން. ތިމާވެށި، މުޖުތަމަޢު އަދި ފަތުރުވެރިކަމުގެ ސިނާޢަތަށް ދެމެހެއްޓެނިވި ގޮތެއްގައި ފައިދާ ލިބޭކަން ޔަޤީންކުރުމަށްޓަކައި ޕްލޭން އެކަށީގެންވާ ގޮތަށް ބަދަލުކޮށް އެޑްޖަސްޓްކުރުން.