އީކޯ ޓޫރިޒަމް (ޕީސީ-006)
100%
Completed
- From:
- To:
އެޓޯލް ލޫޕް (ޕީސީ-005)
އެޓޯލް ލޫޕަކީ ނ. އަތޮޅުގެ ރަށްރަށުގެ ކައުންސިލްތަކަށް ބޭނުންވާ ޚާއްޞަ ޚިދުމަތްތައް ފޯރުކޮށްދިނުމަށް، އަތޮޅުގެ ރަށްރަށާ ދެމެދު ފަސޭހައިން އަދި އަގުހެޔޮކޮށް ދަތުރުފަތުރު ކުރެވޭނެ ނިޒާމެއް ޤާއިމްކުރުމަށް އަމާޒުކޮށްގެން ހިންގޭ އިޖްތިމާޢީ ވިޔަފާރި މަޝްރޫޢެކެވެ. މި މަޝްރޫޢަކީ ސަރުކާރާއި އަމިއްލަ ފަރާތްތަކާއި މަދަނީ މުޖުތަމަޢުގެ މެދުގައި އެއްބާރުލުން އިތުރުކުރުމަށް ބާރުއަޅައި، ސަރކިއުލަރ އިކޮނޮމީ ކުރިއެރުވުމަށް ސަރުކާރުން ގެންގުޅޭ ސިޔާސަތަށް އެހީތެރިވެދޭ މަޝްރޫޢެކެވެ.
އެޓޯލް ލޫޕްގެ މައިގަނޑު މަޤްޞަދަކީ ޤައުމުގެ ތިމާވެށްޓާއި އިޖްތިމާޢީ-އިޤްތިޞާދީ ދުޅަހެޔޮކަމަށް ޙިއްޞާކުރާ، ދެމެހެއްޓެނިވި ދިރިއުޅުމަށް މަގުފަހިކުރާ، ދެމެހެއްޓެނިވި ކުނި މެނޭޖްކުރުމުގެ ނިޒާމެއް ޤާއިމްކުރުމެވެ. މި ވިޔަފާރި މަޝްރޫޢު ދެމެހެއްޓެނިވި ގޮތެއްގައި ކުރިއަށް ގެންދިއުމަށްޓަކައި، ސިނާޢީ މުދާ އުފުލުމުގެ ޚިދުމަތާއި، މުނިސިޕަލް ޚިދުމަތްތަކުގެ މޮބައިލް ޔުނިޓާއި، ޕެސްޓް ކޮންޓްރޯލް ޚިދުމަތްތައް ހިމެނުމަށް ވަނީ ރޭވިފައެވެ.
މީގެ އިތުރުން، މުޖުތަމަޢުގެ ބައިވެރިވުމާއެކު އައު ޓެކްނޮލޮޖީ ބޭނުންކޮށްގެން، ކާރިސާތަކުން ލިބޭ ގެއްލުންތައް ކުޑަކުރުމަށް އަވަސް އިންޒާރުގެ ނިޒާމުތައް ޤާއިމްކޮށް، ރަށްރަށުގެ މުޖުތަމަޢުތަކުގެ ކާރިސާތަކަށް ތައްޔާރުވުމުގެ ޤާބިލްކަމާއި މޫސުމީ ބަދަލުތަކަށް ކެތްތެރިވުމުގެ ޤާބިލްކަން އިތުރުކުރުމަށް މަސައްކަތްކުރެވޭނެއެވެ.
44%
Completed
- From:
- To:
- Council Funding:
- MVR 5,000,000
- Other Funding:
- MVR 23,000,000
އެޓޯލް ހާވެސްޓް (ޕީސީ-009)
އެޓޯލް ހާވެސްޓް ޕްރޮގްރާމަކީ ނ. އަތޮޅުގައި ޕަރމަކަލްޗަރ، އެގްރޯފޮރެސްޓްރީ، މެރިކަލްޗަރ އަދި އެކުއަކަލްޗަރ އާއި އެކު ރަށްވެހިންގެ އިސްނެގުމުގައި ކުރިއަށްގެންދާ އައު އީޖާދީ އަދި މޫސުމަށް ރައްޓެހި ކާބޯތަކެތި އުފެއްދުމުގެ މަސައްކަތްތަކަށް އެހީތެރިވެދިނުމުގެ ގޮތުން ފުޅާ ދާއިރާއެއްގައި ކުރިއަށްގެންދާ، ކާބޯތަކެތީގެ ރައްކާތެރިކަން ކަށަވަރުކުރުމަށް ޚާއްޞަކުރެވިފައިވާ ޕްރޮގްރާމެކެވެ. މި ޕްރޮގްރާމުގެ މަޤްޞަދަކީ މުޖުތަމަޢު ބާރުވެރިކުރުވުމާއި، ބިން ކަނޑައެޅުމާއި ވަސީލަތްތައް މެނޭޖްކުރުމާއި، ފައިސާގެ އެހީތެރިކަން ފޯރުކޮށްދިނުމާއި މާކެޓް ގުޅުންތައް ޤާއިމުކޮށްދިނުމުގެ ތެރެއިން ދެމެހެއްޓެނިވި ދިރިއުޅުމެއް ބިނާކުރުމަށް މަގުފަހިކޮށްދީ، ނ. އަތޮޅު މުޖުތަމަޢުގެ ދުޅަހެޔޮކަމާއި ދެމިހުރުމަށް ހިއްސާކުރުމާއެކު، ދެމެހެއްޓެނިވި ގޮތެއްގައި ކާބޯތަކެތި އުފެއްދުމަށް ހަރުދަނާ ނިޒާމެއް ޤާއިމުކުރުމެވެ. މައިގަނޑު ހަރަކާތްތަކުގެ ތެރޭގައި ފިނިކުރާ ގުދަންތަކާއި ނާސަރީތައް ފަދަ މުހިންމު ވަސީލަތްތައް ތަރައްޤީކޮށް އެޓޯލް ލޫޕް ދަތުރުފަތުރުގެ ވިއުގައާ ގުޅުވައިދިނުމާއި، ޤާބިލުކަން އިތުރުކުރުމާއި ތަމްރީނުގެ ފުރުސަތުތައް ފޯރުކޮށްދިނުމާއި، ޕައިލެޓް ޕްރޮޖެކްޓްތައް ތަންފީޒުކުރުމާއި، މުޖުތަމަޢުގެ އިސްނެގުމުގައި ހިންގާ އެންމެންގެ މިލްކުވެރިކަން އެކުލެވޭ ކޯޕަރޭޓިވްތައް އުފެއްދުމަށް ކޯޕަރޭޓިވް ގަވަރނަންސް މޮޑެލް ބަލައި ދިރާސާކުރުމާއި، ގަދަ މޮނިޓަރިންގ އަދި ކޮލިޓީ އެޝުއަރެންސްގެ ތެރެއިން ކާބޯތަކެތީގެ ރައްކާތެރިކަމާއި ދެމެހެއްޓެނިވި އުސޫލުތައް ކަށަވަރުކުރުން ހިމެނެއެވެ.
43%
Completed
- From:
- To:
ކޮންވެންޝަން ހައުސް ޑިވެލޮޕްމަންޓް (ޕީސީ-001)
ކޮންވެންޝަން ހައުސް ޕްރޮޖެކްޓަކީ ނ. އަތޮޅު ސްޓޭޓް ހައުސް ކޮމްޕްލެކްސް މައިސް (މީޓިންގްސް، އިންސެންޓިވްސް، ކޮންފަރެންސަސް އަދި އިވެންޓްސް) މަންޒިލަކަށް ބަދަލުކުރުމަށް އަމާޒުކުރެވިފައިވާ މަޝްރޫޢެކެވެ. މި މަޝްރޫޢުގައި ކޮންވެންޝަން ހޯލެއް އިމާރާތްކުރުމާއި، އައު ރިހާބިލިޓޭޝަން ތަންތަން އިމާރާތްކުރުމާއި، މިހާރު ހުރި ސްޓޭޓް ހައުސްގެ ކޮޓަރިތައް އައުކުރުން ހިމެނެއެވެ. މީގެ އިތުރުން، މި މަޝްރޫޢުގައި ކައުންސިލް ސެކްރެޓޭރިއެޓް ބިލްޑިންގ އިންޓަގްރޭޓްކުރުމާއި، ގުޅުވައިދޭ ޑެކެއް ހެދުމާއި، ލޭންޑްސްކޭޕްކުރެވިފައިވާ އައުޓްޑޯ ސަރަހައްދެއް ތަރައްޤީކުރުމާއި، އެކި ވައްތަރުގެ ޚިދުމަތްތަކާއެކު ލޮބީ އޭރިއާއެއް ޤާއިމުކުރުމާއި، އޮފީސް ޖާގަ ހެދުމާއި، ރާއްޖޭގެ ކުރެހުންތެރިންގެ މާރުކޭޓްޕްލޭސްއެއް އުފެއްދުމާއި، ޖިމް، ކުޅިވަރު ވަސީލަތްތައް، ސްޕާ އަދި ފެންވަރާ ތަނެއް ހިމެނޭ އައު އިމާރާތެއް އެޅުން ހިމެނެއެވެ. މި ބައިތައް ތަންފީޒުކުރުމުން، ކޮންވެންޝަން ހައުސްއިން ދުނިޔޭގެ އެކި ކަންކޮޅުތަކުން ޒިޔާރަތްކުރާ ފަރާތްތަކަށް ފުޅާ ދާއިރާއެއްގައި ވަސީލަތްތަކާއި ޚިދުމަތްތައް ފޯރުކޮށްދީ، ނ. އަތޮޅުގެ އިޤްތިޞާދީ ކުރިއެރުމާއި ތަރައްޤީއަށް ހިއްސާކުރެވޭނެއެވެ.
27%
Completed
- From:
- To:
- Council Funding:
- MVR 5,000,000
- Other Funding:
- MVR 8,500,000