ޑރ. ތޯމަސް ޖޭ. އެފް. ގޯރޯ އާއެކު އިކޯވާރސް ރީޖެނެރޭޝަން ޑެމޮންސްޓްރޭޝަންތައް

ނ. އަތޮޅު އިދާރާއިން އިސްނަގައިގެން، ދުނިޔޭގެ ފެންވަރުގައި ފާހަގަކޮށްލެވޭ ތަޖުރިބާކާރެއް ކަމަށްވާ ޑރ. ތޯމަސް ޖޭ. އެފް. ގޯރޯއާއެކު "އިކޯވާރސް ރީޖެނެރޭޝަން ޑެމޮންސްޓްރޭޝަންސް" ގެ ނަމުގައި ކުރިއަށްގެންދާ ޚާއްޞަ ހަރަކާތް އިޢުލާނުކުރުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެކެވެ. މިއީ ކަނޑާއި އެއްގަމުގެ ދިރުންތައް އިއާދަކުރުމަށް ބޭނުންކުރާ އެންމެ ފަހުގެ ޓެކްނޮލޮޖީތަކާއި ހައްލުތައް ދައްކާލުމަށް ކުރިއަށްގެންދާ ގުޅިފައިވާ މަސައްކަތެކެވެ.

މި ހަރަކާތާ ބެހޭގޮތުން

ތިމާވެށީގެ ދިރުންތައް އިއާދަކުރުމުގެ ދާއިރާއިން ދުނިޔޭގެ ފެންވަރުގައި މަގުބޫލުކަން ހޯއްދަވާފައިވާ ޑރ. ގޯރޯގެ އެހީތެރިކަމާއެކު ކުރިއަށްގެންދާ މި ހަރަކާތުގައި، ކަނޑުގެ ދިރުންތައް އިއާދަކުރުމާއި، ފަރުތައް ދިރުވުމާއި، ފަސްގަނޑުގެ މުއްސަނދިކަން އިތުރުކުރުމުގެ އިތުރުން ކާބަން ސީކުއެސްޓްރޭޝަން (ޖައްވުން ކާބަން ދަމައިގަތުން) ޓެކްނޮލޮޖީތައް އަމަލީގޮތުން ބޭނުންކުރާނެ ގޮތްތައް ދައްކާލެވޭނެއެވެ. މި ހަރަކާތަކީ ނ. އަތޮޅު ކައުންސިލްގެ ކްލައިމެޓް ރެޒިލިއަންސް (މޫސުމީ ބަދަލުތަކަށް ހޭނުމުގެ) ޕްރޮގްރާމްތަކާ ގުޅުވައިގެން، ދިރުންތައް އާލާކޮށް، ތިމާވެށީގެ ރައްކާތެރިކަން ވަރުގަދަކޮށް، ދެމެހެއްޓެނިވި ތަރައްޤީއަށް މަގުފަހިކުރުމަށް ކުރިއަށްގެންދާ އީޖާދީ މަސައްކަތެކެވެ.

މި ހަރަކާތުގެ މުހިންމު ބައިތައް

• ފަރުތަކާއި ގޮނޑުދޮށްތައް އިއާދަކޮށްގެން ރަށް ގިރުމުން ސަލާމަތްކުރުން: ފަރުތަކުގެ ދިރުން އިއާދަކޮށް ރައްކާތެރިކުރުމަށް ބޭނުންކުރާ ކުރިއަރާފައިވާ ޓެކްނޮލޮޖީތަކުގެ އަމަލީ މަސައްކަތްތައް ބައްލަވާލެއްވުން. (ވެލިދޫ، 9-14 ޑިސެމްބަރު)

  • ކަނޑުގެ ދިރުންތައް އިއާދަކުރުން: މޫދުވިނަ ނުވަތަ މޫދުކޮށިތަކާއި ކަނޑުގެ ދިރުންތައް އާލާކުރުމަށް ބޭނުންކުރާ އެންމެ ފަހުގެ އުކުޅުތައް ދެނެގަތުން. (މާފަރު، 14 ޑިސެމްބަރު)

    • ފަސްގަނޑުގެ މުއްސަނދިކަން އިއާދަކުރުމާއި ކާބަން ސީކުއެސްޓްރޭޝަން ޓެކްނޮލޮޖީ: ދަނޑުވެރިކަމުގެ ދެމެހެއްޓެނިވިކަމަށްޓަކައި ފަސްގަނޑުގެ ދިރުން އިއާދަކުރާނެ އީޖާދީ ގޮތްތައް ދަސްކުރުން. އަދި ޖައްވުން ކާބަން ދަމައިގަނެ ރައްކާކުރުމުގެ ޒަރީއާއިން މޫސުމީ ބަދަލުތަކުގެ ނޭދެވޭ އަސަރުތައް ކުޑަކުރުމަށް ހުރި ހައްލުތައް ހޯދުން. (ކެނދިކުޅުދޫ، 15 ޑިސެމްބަރު)

      މީގެ މުހިންމުކަން

      އިކޯވާރސް ރީޖެނެރޭޝަން ޑެމޮންސްޓްރޭޝަންސް އިން ދޭ މެސެޖަކީ ސާފު މެސެޖެކެވެ. އެއީ ތިމާވެށި ބަދަލުކޮށްލެވޭ ފަދަ ހައްލުތައް އަޅުގަނޑުމެންގެ އަތްފޯރާފަށުގައި ހުރިކަމެވެ. ޑރ. ގޯރޯގެ ތަޖުރިބާއާއި ކައުންސިލްގެ ތަޞައްވުރު ގުޅުވާލައިގެން، އަޅުގަނޑުމެންގެ އަމާޒަކީ މުޖުތަމައުގެ ބައިވެރިވުން އިތުރުކޮށް، މުހިންމު ގުޅުންތަކެއް އުފައްދައި، ތިމާވެށީގެ ދިރުންތައް ރައްކާތެރިކުރުމުގެ މުހިންމުކަމާ މެދު ހޭލުންތެރިކަން އިތުރުކުރުމެވެ.

      މި ހަރަކާތަކީ ހަމައެކަނި ދައްކާލުމެއް ނޫނެވެ. މިއީ އަމަލީ ގޮތުން މަސައްކަތަށް ނުކުތުމަށް ގޮވާލާ ގޮވާލުމެކެވެ. މީގެ މަގުސަދަކީ މުޖުތަމައު ބާރުވެރިކުރުވައި، ބައިވެރިވުންތައް އުފައްދައި، ނ. އަތޮޅުގެ ދެމެހެއްޓެނިވި މުސްތަގުބަލަކަށްޓަކައި މިފަދަ ހައްލުތައް ފުޅާކުރުމެވެ. އެންމެން ގުޅިގެން، އަޅުގަނޑުމެންގެ ވަށައިގެންވާ އަގުނުކުރެވޭ ފަދަ ގުދުރަތީ ވަސީލަތްތައް އިއާދަކޮށް ރައްކާތެރިކުރެވިދާނެއެވެ. ތިމާވެށީގެ ދިރުންތައް އިއާދަކުރުމުގެ މުސްތަގުބަލު އަމަލީގޮތުން ބައްލަވާލެއްވުމަށާއި، އެންމެންނަށްޓަކައި ދެމެހެއްޓެނިވި އަދި ރައްކާތެރި މުސްތަގުބަލެއް ބިނާކުރުމުގައި ބައިވެރިވުމަށް އަޅުގަނޑުމެން ދައުވަތު އަރުވަމެވެ.

      ,

      މި ހަރަކާތްތަކުގެ ތެރޭގައި އަމަލީ މަސައްކަތްތަކާއި ތަމްރީނު ސެޝަންތަކާއި، މައުލޫމާތު ދިނުމުގެ ސެޝަންތަކުގެ އިތުރުން އިންޓަރެކްޓިވް ވޯކްޝޮޕްތައް ހިމެނޭނެއެވެ. އަމަލީ ތަޖުރިބާ ހޯއްދަވައި، މި ދާއިރާގެ މާހިރުންގެ ފަރާތުން އަގުހުރި މައުލޫމާތުތަކެއް ހޯއްދަވާށެވެ. އީކޯސިސްޓަމް އާލާކުރުމުގެ މުހިންމުކަމާއި، ދެމެހެއްޓެނިވި އަދި ތަހައްމަލުކުރެވޭ މުސްތަގުބަލެއް ބިނާކުރުމުގައި އޭގެ ދައުރާ ބެހޭގޮތުން ތިޔަބޭފުޅުންގެ ހޭލުންތެރިކަން އިތުރުކުރައްވާށެވެ. ނޫނު އަތޮޅުގެ ރައްޔިތުންނަށާއި އެހެން ހިސާބުތަކުގެ ފަރާތްތަކަށް ވެސް މި ހަރަކާތުގައި ބައިވެރިވެ، ތިމާވެއްޓަށް ދެމެހެއްޓެނިވި އަދި އުޖާލާ މުސްތަގުބަލެއް ބިނާކުރުމުގައި އަމަލީ ގޮތުން ހިއްސާވުމަށް އަޅުގަނޑުމެން ހޫނު މަރުހަބާއެއް ކިޔަމެވެ. އެންމެން ގުޅިގެން ބަދަލުތަކެއް ގެނެސް، ފެހި މާދަމާއެއް ބިނާކުރަމާ ހިނގާށެވެ.

      ބައިވެރިވާނީ ކޮންބައެއް؟

      މި ހަރަކާތަކީ ދަރިވަރުންނާއި، ކައުންސިލްތަކުގެ އިސްވެރިންނާއި، އާންމު ރައްޔިތުންނާއި، މަދަނީ ޖަމިއްޔާތަކުގެ އިތުރުން ސަރުކާރުގެ އިދާރާތަކަށް ހާއްސަކޮށްގެން ބާއްވާ ހަރަކާތެކެވެ. މިއީ ނޫނު އަތޮޅާއި މުޅި ރާއްޖޭގެ ތިމާވެށި ރައްކާތެރިކުރުމަށާއި، ދިރުންތަކުގެ މުއްސަނދިކަމަށާއި، ދެމެހެއްޓެނިވި ތަރައްގީއަށް މަސައްކަތްކުރާ ކޮންމެ ފަރާތަކަށްވެސް ނުހަނު މުހިންމު ބައްދަލުވުމެކެވެ.

      އިޖުތިމާއީ ގުޅުން ބަދަހިކުރުމަށާއި ތިމާވެށީގެ ދެމެހެއްޓެނިވިކަން ކުރިއެރުވުމަށް ފަރުމާކޮށްފައިވާ، ޝައުގުވެރި އަދި މައުލޫމާތުން ފުރިގެންވާ މި ހަރަކާތްތަކުގައި ބައިވެރިވުމަށް ތިޔަބޭފުޅުންނަށް އިހުލާސްތެރިކަމާއެކު ދައުވަތު އަރުވަމެވެ. މި ހަރަކާތްތައް ޑިސެމްބަރު 9 އިން 16 އަށް ވެލިދޫ، މާފަރު އަދި ކެނދިކުޅުދޫގައި ކުރިއަށްދާނެއެވެ. މިއީ އީކޯސިސްޓަމް އާލާކުރުމުން ލިބޭ ހެޔޮ ބަދަލުތައް ނޫނު އަތޮޅުގެ ރައްޔިތުންނަށް އަމަލީ ގޮތުން ފެނިގެންދާނެ ރަނގަޅު ފުރުސަތެކެވެ. އެކި ރަށްރަށުގައި މި ހަރަކާތްތައް ބޭއްވުމުގެ މަގުސަދަކީ ވީހާވެސް ގިނަ ބަޔަކު ބައިވެރިކޮށް، ދެމެހެއްޓެނިވި އުސޫލުތަކުގެ ސަބަބުން ކުރާ ހެޔޮ އަސަރުތައް ގިނަ ބަޔަކަށް ދައްކައިދިނުމެވެ.

      މި ހަރަކާތްތަކުގައި ބައިވެރިވުމާ ގުޅޭ އިތުރު މައުލޫމާތު ހޯއްދެވުމަށް ތިރީގައިވާ ފޯކަލް ޕޮއިންޓުންނާ ގުޅުއްވުން އެދެމެވެ. އެ ފަރާތްތަކުން ބައިވެރިވުމަށް ބޭނުންވާ ހުރިހާ ތަފްސީލެއް ފޯރުކޮށްދޭނެއެވެ. މުހައިމިން 9777066، މާޒިން 7228707، ބައޯކަލޯ (އެންޖީއޯ)، ވެލިދޫ: އަބްދުﷲ އަލީ 7901573، މާފަރު: އާމިނަތު މުހައްމަދު 9969919، ކެނދިކުޅުދޫ: މުހައްމަދު ހުޒާމް (އެސްޖީ) 7619622