ބީލަމަށް ދަޢުވަތު - ނ. އަތޮޅު ލޯކަލް ގަވަރނަންސްއަށް ދިވެހި އޭ.އައި ޓްރާންސްކްރިޕްޝަން ޚިދުމަތް

މި މަސައްކަތުގެ މަގުސަދަކީ ބިޑަށް ހުޅުވާލައިގެން ދިވެހި އޭއައި ޓްރާންސްކްރިޕްޝަން (އަޑުން ލިޔުމަށް ބަދަލުކުރާ) ހިދުމަތެއް ހޯދުމަށް ބޭނުންވާ ޝަރުތުތަކާއި އުންމީދުކުރާ މިންގަނޑުތައް ބަޔާންކުރުމެވެ. ބިޑަށް ހުޅުވާލުމުގެ ބޭނުމަކީ ދިވެހި ބަހަށް ހާއްސަކޮށްގެން ތައްޔާރުކޮށްފައިވާ، ސައްހަ، ހަލުވި އަދި އިތުބާރު ހުރި ޓްރާންސްކްރިޕްޝަން ހިދުމަތެއް ފޯރުކޮށްދެވޭނެ ގާބިލު ފަރާތެއް ހޯދުމެވެ. މި ހިދުމަތަކީ ތަފާތު އެކި މަޝްރޫއުތަކަށް ބޭނުންވާ އޮޓޮމޭޓެޑް ޓްރާންސްކްރިޕްޝަން ފޯރުކޮށްދިނުމަށާއި، މަސައްކަތްތައް ފަސޭހަކުރުމަށާއި، އަދި ދިވެހި ބަހުން ފެންވަރު ރަނގަޅުކޮށް އަޑުން ލިޔުމަށް ބަދަލުކުރަންޖެހޭ މަސައްކަތްތަކަށް އެހީތެރިވެދޭނެ މުހިންމު ވަސީލަތެކެވެ.

1. މަސައްކަތުގެ ދާއިރާ

ހޮވޭ ފަރާތުން ތިރީގައިވާ ކަންކަމަށް ޒިންމާވާންޖެހޭނެއެވެ:

• ދިވެހި ބަހުން ސައްހަކޮށް ޓްރާންސްކްރިޕްޝަން ހެދުމަށް އޭއައި ބޭނުންކުރާ ނިޒާމެއް ގާއިމުކުރުން.

  • ދިވެހި ބަހުގެ ތަފާތު ރޭގަނޑުތަކާއި (accents) ބަހުރުވަތަކަށް އޭއައި ނިޒާމު އަހުލުވެރިކުރުވުން.

  • އޭއައި އިން ތައްޔާރުކުރާ ލިޔުންތަކަށް ބޭނުންވާ އިސްލާހުތައް ޔޫޒަރުންނަށް އަމިއްލައަށް ގެނެވޭނެ ފަދަ ފަސޭހަ ވަސީލަތްތައް ހިމެނުން.

  ފެންވަރު ހިފެހެއްޓުމުގެ މިންގަނޑުތައް:

  • ފޯރުކޮށްދޭ އޯޑިއޯގެ ފެންވަރު ރަނގަޅު ނަމަ، ޓްރާންސްކްރިޕްޝަންގެ ސައްހަކަން %80 އާއި %95 އާ ދެމެދުގައި ހިފެހެއްޓުން.

    • ވަގުތުން ކުރެވޭ (real-time) ޓްރާންސްކްރިޕްޝަނާއި ރެކޯޑުކޮށްފައިވާ އޯޑިއޯ ފައިލްތައް ޕްރޮސެސް ކުރުމުގެ ގާބިލުކަން ހުރުން.

    • ރަސްމީ ބޭނުންތަކަށް ބޭނުންކުރެވޭ ފަދަ ފެންވަރު ރަނގަޅު ލިޔުންތައް ނެރެދިނުން.

    ޓެކްނިކަލް އިންޓަގްރޭޝަން:

    • ނޫނު އަތޮޅު އިދާރީ ޕްލެޓްފޯމްތަކާ ނުވަތަ މައިކްރޯސޮފްޓް ކްލައުޑް އެންވަޔަރަންމަންޓް (SaaS) އާ މި ނިޒާމު ގުޅުވާލުމަށް ބޭނުންވާ API ނުވަތަ މޮޑިއުލްތައް ފޯރުކޮށްދިނުން.

      • ޑޭޓާގެ ރައްކާތެރިކަމާއި ސިއްރު ހިފެހެއްޓުމުގެ ވަރުގަދަ ފިޔަވަޅުތައް އެޅުން.

      މަރާމާތާއި އެހީތެރިކަން:

      • ޓްރާންސްކްރިޕްޝަންގެ ސައްހަކަމާއި ނިޒާމުގެ މަސައްކަތްތައް އިތުރަށް ފުރިހަމަކުރުމަށްޓަކައި އަޕްޑޭޓްތައް ދިނުން (ބޭނުންވާ ހާލަތްތަކުގައި މޮޑެލް ޓްރެއިނިންގް އަދި ރީ-ޓްރެއިނިންގް ފޯރުކޮށްދިނުން).

        • ނޫނު އަތޮޅު ކޮމްޕެނީގެ ބޭނުންތަކާ އެއްގޮތަށް، އަވަސް ޓެކްނިކަލް ސަޕޯޓާއި ދިގުމުއްދަތުގެ މަރާމާތުގެ ހިދުމަތް ފޯރުކޮށްދިނުން.

        2. މުހިންމު ތާރީހުތަކާއި ވަގުތުތައް:

        • ރަޖިސްޓްރީވުން: 3 އިން 10 ޑިސެމްބަރު 2024، 13:00 އަށް

          • ބިޑް މައުލޫމާތު ދިނުމުގެ ސެޝަން: 11 ޑިސެމްބަރު 2024، 13:00 ގައި

          • ބިޑާ ގުޅޭ މައުލޫމާތު ސާފުކުރުން: 11 އިން 15 ޑިސެމްބަރު 2024، 13:00 އަށް

          • ބިޑް ހުޅުވުން: 16 ޑިސެމްބަރު 2024، 13:00 ގައި

          ,

          މި ބިޑުގައި ބައިވެރިވާން އެދޭ ފަރާތްތަކުން، ދެވިފައިވާ ރަޖިސްޓްރޭޝަން ފޯމު ފުރިހަމަކުރައްވައި ހުށަހެޅުއްވުމުން ރަޖިސްޓްރީ ކުރެވޭނެއެވެ. ބިޑާ ގުޅޭ މަޢުލޫމާތު ދިނުމުގެ ސެޝަން ކުރިއަށްދާނީ އޮންލައިންކޮށެވެ. އަދި ރަޖިސްޓްރީވުމުން، މީޓިންގް ލިންކް ހިމެނޭ ކޮންފާމޭޝަން އީމެއިލެއް ފޮނުވޭނެއެވެ.

          3. ބިޑު ހުށަހަޅާ ފަރާތްތަކަށް ހުރި އިރުޝާދުތައް

          3.1 ބިޑު ތައްޔާރުކުރުން:

          • މަޢުލޫމާތު ސެޝަނަށްފަހު ދޫކުރެވޭ ޓާމްސް އޮފް ރިފަރެންސް (TOR) ގައި ބަޔާންކޮށްފައިވާ ހުރިހާ ޚިދުމަތްތަކަކަށް އަގު ހުށަހަޅަންވާނެއެވެ.

            • ހުށަހަޅާ އަގުތަކަކީ ބިޑު ހުޅުވާ ރަސްމީ ތާރީޚުން ފެށިގެން މަދުވެގެން 90 ދުވަހުގެ މުއްދަތަށް ސައްހަ އަގުތަކަކަށް ވާންޖެހޭނެއެވެ.

            3.2 ބިޑާއެކު ހުށަހަޅަންޖެހޭ ލިޔެކިޔުންތައް:

            • ކޯޓޭޝަން (މަސައްކަތް ނިންމާނެ މުއްދަތާއި ފައިސާ ދެއްކުމަށް އެދޭ ގޮތް ހިމެނޭގޮތަށް)

              • ކުންފުނީގެ ޕްރޮފައިލް (ޕޯޓްފޯލިއޯ)

              • ކުންފުނި ރަޖިސްޓްރީކުރި ކަމުގެ ސެޓުފިކެޓު

              • ޖީ.އެސް.ޓީ ރަޖިސްޓްރޭޝަން ސެޓުފިކެޓު

              • މުއްދަތު ހަމަނުވާ (ވޭތުވެދިޔަ 6 މަސްދުވަހުގެ) ޓެކްސް ކްލިއަރެންސް ރިޕޯޓު

              • ގުޅޭނެ މަޢުލޫމާތު (ނަން، މަޤާމު، މޮބައިލް ނަންބަރު އަދި އީމެއިލް)

              • އަމިއްލަ ފަރުދުންގެ ވިޔަފާރިއެއްނަމަ: ރަޖިސްޓްރޭޝަން ސެޓުފިކެޓާއި އައި.ޑީ ކާޑުގެ ކޮޕީ

              • މީގެ ކުރިން ކޮށްފައިވާ މިފަދަ މަސައްކަތްތަކުގެ ތަޖުރިބާ ބަޔާންކުރާ ލިޔުންތައް (މި ލިޔުންތަކުގައި ކުރި މަސައްކަތާއި މަޝްރޫޢުގެ އަގު ސާފުކޮށް އެނގެން އޮންނަންވާނެއެވެ)

              ހުރިހާ ލިޔެކިޔުންތަކެއް ހުންނަންވާނީ އެއް ސިޓީއުރައަކަށް ލާފައެވެ. އަދި ސިޓީއުރައިގެ ބޭރުގައި ކުންފުނީގެ ނަމާއި ޓެންޑަރ ރިފަރެންސް ނަންބަރު ލިޔެފައި އޮންނަންވާނެއެވެ.

              3.3 ބިޑު ހުޅުވުމުގެ މަރުޙަލާ:

              • ބިޑު ހުޅުވުން އޮންނާނީ 16 ޑިސެމްބަރު 2024 ވާ ދުވަހުގެ 13:00 ގައެވެ. ބިޑު ހުޅުވުމުގެ ރަސްމިއްޔާތުގައި ބިޑު ހުށަހަޅާ ފަރާތްތަކަށް ބައިވެރިވެވޭނެއެވެ.

                • ބިޑު ހުޅުވުން އޮންނާނީ ނ. މަނަދޫގައި ހުންނަ ނޫނު އަތޮޅު ކޮމްޕެނީގެ އޮފީހުގައެވެ.

                • އީމެއިލް ނުވަތަ އިލެކްޓްރޯނިކް ވަސީލަތްތައް މެދުވެރިކޮށް ހުށަހަޅާ ބިޑުތައް ބަލައެއް ނުގަނެވޭނެއެވެ.

                3.4 ބިޑު ބާތިލުވާނެ ސަބަބުތައް:

                • ރަޖިސްޓްރީ ނުކުރާ ފަރާތްތަކަށް ބިޑު ހުޅުވުމުގެ މަރުޙަލާގައި ބައިވެރިއެއް ނުވެވޭނެއެވެ.

                  • މަޢުލޫމާތު ސެޝަނަށް ހާޒިރުނުވާ ފަރާތްތަކުގެ ބިޑު ބަލައެއް ނުގަނެވޭނެއެވެ.

                  • ގަޑިޖެހުމަށްފަހު ހުށަހަޅާ ބިޑުތައް ބަލައެއް ނުގަނެވޭނެއެވެ.

                  • މާއްދާ 3.2 ގައި ބަޔާންކޮށްފައިވާ ލިޔެކިޔުންތަކުގެ ތެރެއިން ލިޔުމެއް މަދުނަމަ ބިޑު ބާތިލުވާނެއެވެ.

                  3.5 އިވެލުއޭޝަން ކްރައިޓީރިއާ:

                  • އަގަށް: 60%

                    • ,

                      ޑެލިވަރީ ތާވަލު: 20%

                    • ޕްރޮފެޝަނަލް ތަޖުރިބާ: 20%

                    އީމެއިލްގެ ސަބްޖެކްޓް ލައިންގައި "ދިވެހި އޭއައި ޓްރާންސްކްރިޕްޝަން ސަރވިސް ބިޑް" ހިމަނުއްވުން އެދެމެވެ. ހުރިހާ ސުވާލުތަކެއް ހުށަހަޅަންވާނީ މަޢުލޫމާތު ސާފުކުރުމުގެ މުއްދަތު ހަމަވުމުގެ ކުރިންނެވެ.