ޤާނޫނީ ލަފާދޭ ފަރާތެއް (ރިޓެއިނަރ) - ޚިދުމަތުގެ އެއްބަސްވުމުގެ ފުރުޞަތު

ނޫނު އަތޮޅު ކޮމްޕެނީ (ނޫނު އެލް.އޭ.ސީ)، ނޫނު އަތޮޅު ކައުންސިލްގެ އިދާރާ އަދި ރަށު ކައުންސިލްތަކަށް ބޭނުންވާ ގާނޫނީ ލަފަޔާއި އިރުޝާދު ދިނުމަށާއި، ގާނޫނީ އިމުގެ ތެރެއިން ކަންކަން ނިންމުމަށް އެހީތެރިވެދޭނެ ރީޓެއިނަރ އުސޫލުން މަސައްކަތްކުރާނެ ގާނޫނީ ކޮންސަލްޓަންޓެއް (ވަކި ފަރުދެއް ނުވަތަ ފާމެއް) ހޯދަން ބޭނުންވެއެވެ.

ދޭންޖެހޭ ޚިދުމަތްތަކުގެ ދާއިރާ

ގާނޫނީ ކޮންސަލްޓަންޓް ފޯރުކޮށްދޭންޖެހޭ މައިގަނޑު ޚިދުމަތްތަކަކީ:

ހ. އާންމު ގާނޫނީ ލަފާދިނުން: ނޫނު އަތޮޅު ކޮމްޕެނީ، އަތޮޅު އިދާރާ އަދި ރަށު ކައުންސިލްތަކަށް ދިވެހިރާއްޖޭގެ ގާނޫނުތަކާ ގުޅޭ ފުރިހަމަ ލަފާ ފޯރުކޮށްދިނުން. މީގެ ތެރޭގައި ކޯޕަރޭޓް، ކޮންޓްރެކްޓް، ވަޒީފާއާބެހޭ، ތިމާވެށީގެ އަދި ލޯކަލް ގަވަރނަންސްއާ ގުޅޭ ދާއިރާތައް ހިމެނެއެވެ. އަދި ކަންކަމުގައި ރަނގަޅު ނިންމުންތައް ނިންމުމަށްޓަކައި މުވައްޒަފުން ކުރާ ގާނޫނީ ސުވާލުތަކަށް އަވަސް ޖަވާބު ދިނުން.

ށ. އެއްބަސްވުންތަކާ ގުޅޭ ކަންކަން: އަތޮޅުގެ އިންފްރާސްޓްރަކްޗަރ، އާންމު ޚިދުމަތްތައް އަދި ވަސީލަތްތައް ބެލެހެއްޓުމާ ގުޅޭ އެއްބަސްވުންތައް ޑްރާފްޓްކުރުމާއި، މުރާޖައާކުރުމާއި، މަޝްވަރާކުރުން. އަދި އަތޮޅު ކައުންސިލާއި ރަށު ކައުންސިލްތަކުން ކުރިއަށްގެންދާ މަޝްރޫއުތަކުގައި ހުރި ގާނޫނީ ޒިންމާތަކާއި، ކުރިމަތިވެދާނެ ނުރައްކާތައް (ރިސްކް) ދެނެގަނެ، އެކަންކަން ހައްލުކުރާނެ ގޮތުގެ ފަންނީ ލަފާދިނުން.

ނ. ގަވާއިދުތަކަށް އަމަލުކުރުމާއި ހުއްދަތައް ހޯދުން: ކޮމްޕެނީއާއި، އަތޮޅު އިދާރާއާއި، ރަށު ކައުންސިލްތަކުގެ މަސައްކަތްތަކަށް ބަދަލު އަތުވެދާނެ ފަދަ ގާނޫނުތަކާއި ގަވާއިދުތަކަށް އަންނަ ބަދަލުތައް ބަލައި ލަފާދިނުން. ޚާއްސަކޮށް ބިން ބޭނުންކުރުމާއި، ތިމާވެށި ހިމާޔަތްކުރުމާއި، ލޯކަލް ގަވަރނަންސްއާ ގުޅޭ ކަންކަމުގައި އެހީތެރިވުން. އަދި މަޝްރޫއުތަކަށް ބޭނުންވާ ހުއްދަތަކާއި ލައިސަންސްތައް ހޯދުމުގައި އެހީތެރިވެދިނުން.

ރ. މައްސަލަ ހައްލުކުރުމާއި ގާނޫނީ ވަކާލާތުކުރުން: ގާނޫނީ ގޮތުން ކުރިމަތިވާ ޚިޔާލުތަފާތުވުންތައް ހައްލުކުރުމަށް މަޝްވަރާކުރުމާއި މެދުވެރިއެއްގެ ދައުރު އަދާކުރުން ފަދަ އުސޫލުތައް އެކުލަވާލައި ތަންފީޒުކުރުން. އަދި މައްސަލަ ހައްލުކުރުމުގެ މަރުހަލާތަކުގައި އިދާރާތައް ތަމްސީލުކުރުމާއި، ލޯކަލް ގަވަރނަންސް އަދި އާންމު މަސްލަހަތާ ގުޅޭ މައްސަލަތަކުގައި ޝަރުއީ މަރުހަލާގައި ލަފާދިނުން.

ބ. ކޯޕަރޭޓް އަދި ލޯކަލް ގަވަރނަންސް: ނޫނު އަތޮޅު ކޮމްޕެނީގެ ކޯޕަރޭޓް ގަވަރނަންސް އަދި އަތޮޅު އިދާރާއާއި ރަށު ކައުންސިލްތަކުގެ ލޯކަލް ގަވަރނަންސް ހަރުދަނާކުރުމަށް ގާނޫނީ ލަފާދިނުން. އަދި ލޯކަލް ގަވަރނަންސްގެ ބޭނުންތަކަށް ޚާއްސަކޮށްގެން ތައްޔާރުކުރަންޖެހޭ ގާނޫނީ ލިޔެކިޔުންތައް ތައްޔާރުކުރުމުގައި އެހީތެރިވުން.

ޅ. ގާނޫނީ ތަމްރީނާއި ގާބިލުކަން އިތުރުކުރުން: އިދާރާތަކުގެ މެނޭޖްމަންޓާއި މުވައްޒަފުންނަށް އަމާޒުކޮށްގެން، ރަށު ފެންވަރުގައި ތަރައްގީގެ މަސައްކަތްތަކާއި، ތިމާވެށި ބެލެހެއްޓުމާއި، އާންމު ޚިދުމަތްތައް ފޯރުކޮށްދިނުމާ ގުޅޭ ގާނޫނީ ދާއިރާތަކުން ޚާއްސަ ތަމްރީނުތަކާއި ވޯކްޝޮޕްތައް ހިންގުން.

,

ޖ. ޤާނޫނީ ދިރާސާ އަދި ތަޙުލީލުކުރުން: ލޯކަލް ގަވަރނަންސް، ތިމާވެށީގެ ޤާނޫނު، އަދި ތަރައްޤީގެ މަޝްރޫޢުތަކާ ގުޅުންހުރި ކަންކަމުގައި ފުންކޮށް ޤާނޫނީ ދިރާސާތަކާއި ތަޙުލީލުތައް ކުރުމާއި، ސާފު އަދި އަމަލީ ގޮތުން ބޭނުންކުރެވޭނެ މަޢުލޫމާތު ފޯރުކޮށްދިނުން.

ޏ. ބައްދަލުވުންތަކުގައި ބައިވެރިވުމާއި ލަފާދިނުން: ކުންފުނީގެ ބައްދަލުވުންތަކާއި، އަތޮޅު ކައުންސިލް އަދި ރަށު ކައުންސިލްތަކުގެ ބައްދަލުވުންތަކަށް ބޭނުންވާ ހާލަތްތަކުގައި ހާޒިރުވުމާއި، އިސްތިރާތީޖީ ނިންމުންތައް ނިންމުމުގައި ޤާނޫނީ ލަފަޔާއި އެހީތެރިކަން ފޯރުކޮށްދިނުން.

ހުށަހަޅަންޖެހޭ ތަކެތި (Deliverables)

ކޮންސަލްޓަންޓް ތިރީގައިވާ ތަކެތި ފޯރުކޮށްދޭންވާނެއެވެ:

ހ. ވަގުތުން ވަގުތަށް ދެވޭ އިތުބާރުހުރި ޤާނޫނީ ލަފާ.

ށ. ޑްރާފްޓްކޮށްފައިވާ އަދި މުރާޖަޢާކޮށްފައިވާ ޤާނޫނީ ލިޔެކިޔުންތައް.

ނ. ޤާނޫނުތަކާއި ގަވާއިދުތަކަށް އަންނަ ބަދަލުތަކާ ގުޅޭ ރިޕޯޓުތައް.

ރ. ޤާނޫނީ ތަމްރީނު ދިނުމަށް ބޭނުންވާ ތަކެތި.

ބ. ނިންމާފައިވާ މަސައްކަތްތަކުގެ ގަވާއިދުން ހުށަހަޅާ ރިޕޯޓުތައް.

ޝަރުޜުތަކާއި ތަޖުރިބާ

ތިރީގައިވާ ޝަރުޜުތައް ފުރިހަމަވާ ފަރުދުންނަށް ނުވަތަ ފާމްތަކަށް ކުރިމަތިލުމުގެ ފުރުޞަތު ހުޅުވާލަމެވެ:

ކޮންސަލްޓަންޓްގެ ކިބައިގައި ތިރީގައިވާ ޝަރުޜުތަކާއި ތަޖުރިބާ ހުންނަންވާނެއެވެ:

ހ. ޤަބޫލުކުރެވޭ ޔުނިވަރސިޓީއަކުން ބެޗްލަރ އޮފް ލޯސް (LLB) ހާސިލްކޮށްފައިވުން (ފާމެއް ނަމަ، މިއީ ޓީމުގެ ވަކިވަކި މެންބަރުންގެ ކިބައިގައި ހުންނަންޖެހޭނެ ޝަރުޜެކެވެ).

ށ. ދިވެހިރާއްޖޭގެ ޖުމްހޫރިއްޔާގައި ޤާނޫނީ ވަކީލުކަން ކުރުމުގެ ސައްހަ ހުއްދައެއް އޮތުން.

ނ. ޤާނޫނީ ދާއިރާގައި މަދުވެގެން 03 އަހަރު ދުވަހުގެ ތަޖުރިބާ ލިބިފައިވުން، ޚާއްޞަކޮށް މަދަނީ އަދި/ނުވަތަ ކޯޕަރޭޓް ލޯގެ ދާއިރާއިން.

ރ. ދިވެހިރާއްޖޭގެ ޤާނޫނުތަކާއި ގަވާއިދުތަކަށް ފުރިހަމައަށް އަހުލުވެރިވެފައިވުން.

ބ. މުޢާމަލާތުކުރުމުގެ ހުނަރާއި މީހުންނާ ގުޅިގެން މަސައްކަތްކުރުމުގެ ފުރިހަމަ ހުނަރު ހުރުން.

ޅ. ސާފު އަދި އަމަލީ ގޮތުން ބޭނުންކުރެވޭނެ ޤާނޫނީ ލަފާ ދިނުމުގެ ޤާބިލުކަން ހުރުން.

ކ. އެއްބަސްވުންތައް ޑްރާފްޓްކުރުމާއި މަޝްވަރާކޮށްގެން ކަންކަން ނިންމުމުގެ ސާބިތު ތަޖުރިބާ ހުރުން.

އ. މައްސަލަ ހައްލުކުރުމުގައި (dispute resolution) ކްލައިންޓުން ތަމްސީލުކުރުމުގެ ތަޖުރިބާ ހުރުން.

ވ. ޝަރީޢަތްތަކުގައި ވަކާލާތުކުރުމުގެ (litigation) ތަޖުރިބާ ހުރުން.

މަސައްކަތުގެ މުއްދަތު

މަސައްކަތުގެ މުއްދަތަކީ ފުރަތަމަ އެއް އަހަރު ދުވަހެވެ. އަދި ދެފަރާތުން އެއްބަސްވާ ނަމަ މުއްދަތު އިތުރުކުރެވިދާނެއެވެ.

ރިޓެއިނަރ ފީ ހުށަހެޅުން

ޕްރޮޕޯޒަލްގައި ތިރީގައިވާ ކަންކަން ހިމަނަންވާނެއެވެ:

ހ. ކަނޑައެޅިފައިވާ މަސައްކަތްތަކަށް މަހަކު ދެއްކުމަށް ހުށަހަޅާ ރިޓެއިނަރ ފީ (ދިވެހި ރުފިޔާއިން).

ށ. ރިޓެއިނަރގެ ދާއިރާއިން ބޭރުން ކުރެވޭ އިތުރު މަސައްކަތްތަކަށް (ޝަރީޢަތްތަކުގައި ވަކާލާތުކުރުން ހިމެނޭ ގޮތަށް) ގަޑިއިރަކަށް ނަގާނެ ފީ (ދިވެހި ރުފިޔާއިން).

ނ. ފައިސާ ދެއްކުމުގައި އަމަލުކުރާނެ އުސޫލުތައް.

ހުށަހަޅަންޖެހޭ ސުންގަޑި

ޝައުޤުވެރިވާ ފަރާތްތަކުން 18 މާރިޗު 2025 ވާ އަންގާރަ ދުވަހުގެ 14:00 ގެ ކުރިން ޕްރޮޕޯޒަލް ހުށަހަޅަންވާނެއެވެ. ޕްރޮޕޯޒަލް އީމެއިލް މެދުވެރިކޮށް admin@noonunaturally.com އަށް ނުވަތަ ބަންދުކޮށްފައިވާ ސިޓީއުރައެއްގައި ތިރީގައިވާ އެޑްރެހަށް ހުށަހެޅިދާނެއެވެ:

,

އޮޕަރޭޝަންސް ޑިޕާޓްމަންޓް، ނޫނު އަތޮޅު ކޮމްޕެނީ LAC.LTD.
ނޫނު އަތޮޅު ކައުންސިލްގެ އިދާރާ، ނ. މަނަދޫ

ހުށަހަޅާ ލިޔެކިޔުންތަކުގައި ތިރީގައިވާ ތަކެތި ހިމަނަންވާނެއެވެ:

އަމިއްލަ ފަރުދުންނަށް:

• ޝައުގުވެރިކަން ފާޅުކުރާ ސިޓީ (EOI).

  • ދިވެހި ރައްޔިތެއްކަން އަންގައިދޭ ކާޑުގެ ކޮޕީ.

  • ތައުލީމީ ސެޓްފިކެޓްތަކުގެ ކޮޕީ.

  • މުއްދަތު ހަމަނުވާ ގާނޫނީ ވަކީލުކަމުގެ ހުއްދައިގެ ކޮޕީ.

  • ގުޅުންހުރި ތަޖުރިބާ އާއި ހުނަރުތައް ހިމެނޭ ވަނަވަރު (CV).

  • މިހާރުގެ ނުވަތަ ކުރީގެ ވަޒީފާދިން ފަރާތްތަކުގެ ރެފަރެންސް ސިޓީ.

  ކުންފުނި/ފާމްތަކަށް:

  • ޝައުގުވެރިކަން ފާޅުކުރާ ސިޓީ (EOI).

    • ވިޔަފާރި ރަޖިސްޓްރީ ކުރިކަމުގެ ސެޓްފިކެޓް.

    • ޓެކްސް ކްލިއަރެންސް ރިޕޯޓް.

    • ކަނޑައަޅާފައިވާ މަންދޫބުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީ.

    • މަސައްކަތުގެ ދާއިރާއާ ގުޅޭ ގާބިލުކަން ހުރިކަން އަންގައިދޭ ފާމް ޕްރޮފައިލް.

    • މަދުވެގެން ޖުމްލަ 3 އަހަރު ދުވަހުގެ މަސައްކަތުގެ ތަޖުރިބާ ހުރިކަން އަންގައިދޭ ރެފަރެންސް ސިޓީ.

    އިވެލުއޭޝަން ކްރައިޓީރިއާ (ޕޮއިންޓް ދެވޭނެ އުސޫލު)

    ހުށަހެޅުންތައް އިވެލުއޭޓް ކުރެވޭނީ ތިރީގައިވާ މިންގަނޑުތަކަށް ބަލައިގެންނެވެ:

    • ތައުލީމީ ގާބިލުކަން - 40

      އެކްރެޑިޓް ކުރެވިފައިވާ ސެޓްފިކެޓް – 20.
      މުއްދަތު ހަމަނުވާ ގާނޫނީ ވަކީލުކަމުގެ ހުއްދަ – 20.

      • ތަޖުރިބާ – 20.

        • މަސައްކަތުގެ ފެންވަރު (ލިބިފައިވާ ރެފަރެންސް މައުލޫމާތަށް ބަލައި) - 10

        • މުާމަލާތުކުރުމުގެ ހުނަރު (އިންޓަވިއު) - 30

        އަޅުގަނޑުމެންގެ ސްޓްރެޓީޖިކް ލަނޑުދަނޑިތައް ހާސިލުކުރުމަށް އެހީތެރިވެދިނުމަށް، ޝަރުތުހަމަވާ ގާނޫނީ ވަކީލުންނާއި ފާމްތަކުން މި ފުރުސަތުގެ ބޭނުން ހިފުމަށް ދައުވަތު އަރުވަމެވެ. އިތުރު މައުލޫމާތު ސާފުކުރެއްވުމަށް admin@noonunaturally.com އަށް އީމެއިލް ކުރެއްވުން އެދެމެވެ.

        ތިޔަ ފަރާތްތަކުގެ ހުށަހެޅުންތަކަށް އިންތިޒާރު ކުރަމެވެ.