ބީލަމަށް ދަޢުވަތު - އަލުން އިޢުލާން: އެކްސްޓަރނަލް އޯޑިޓް ޚިދުމަތް ފޯރުކޮށްދިނުން

ތަޢާރަފު

ނޫނު އަތޮޅު އެލް.އޭ.ސީ ލިމިޓެޑަކީ ދިވެހިރާއްޖޭގެ ކުންފުންޏާބެހޭ ޤާނޫނު (07/2023) ގެ ދަށުން 2023 ވަނަ އަހަރު އުފައްދާފައިވާ، ނޫނު އަތޮޅު ކައުންސިލްގެ ސައްތަ އިންސައްތަ ހިއްސާ އޮންނަ ކުންފުންޏެކެވެ. މި ކުންފުނީގެ މަޤްޞަދުތަކުގެ ތެރޭގައި ފަތުރުވެރިކަން ތަރައްޤީކުރުން، އިއާދަކުރަނިވި ހަކަތަ، ދަނޑުވެރިކަން، ކުނި މެނޭޖްކުރުމާއި ރީސައިކަލްކުރުން، ޔުޓިލިޓީ ޚިދުމަތްތައް އަދި ނޫނު އަތޮޅު ކައުންސިލުން ހަވާލުކުރާ އެހެނިހެން މަޝްރޫޢުތަކާއި މަސައްކަތްތައް ހިމެނެއެވެ.

މަޤްޞަދު

މި މަސައްކަތުގެ މަޤްޞަދަކީ، 31 ޑިސެމްބަރު 2023 އަދި 31 ޑިސެމްބަރު 2024 އަށް ނިމުނު މާލީ އަހަރުތަކުގެ ނޫނު އަތޮޅު އެލް.އޭ.ސީ ލިމިޓެޑްގެ މާލީ ބަޔާންތަކުގެ ސައްހަކަމާއި އިންސާފުވެރިކަމާ މެދު ގޮތެއް ނިންމައި، އެސެސްމަންޓެއް ތައްޔާރުކުރުމަށް މިނިވަން އެކްސްޓަރނަލް އޮޑިޓަރެއް އައްޔަންކުރުމެވެ.

އޮޑިޓްގެ ދާއިރާ

އެކްސްޓަރނަލް އޮޑިޓް ކުރިއަށް ގެންދަންވާނީ މި އިޢުލާނާއެކު އެޓޭޗްކުރެވިފައިވާ ޓާމްސް އޮފް ރިފަރެންސް (TOR) އާ އެއްގޮތްވާ ގޮތުގެ މަތިން، މަތީގައި ބަޔާންކުރެވިފައިވާ މުއްދަތުތަކުގެ މާލީ ބަޔާންތައް ދިރާސާކޮށްގެންނެވެ.

އޮޑިޓަރުގެ ޝަރުޠުތައް

މި މަސައްކަތަށް ޝައުޤުވެރިވާ އޮޑިޓް ފާމްތަކަކީ، އެޓޭޗްކުރެވިފައިވާ TOR ގައި ބަޔާންކޮށްފައިވާ އެންމެ މަދުވެގެން ފުރިހަމަވާންޖެހޭ ޝަރުޠުތަކާއި ޓެކްނިކަލް ޝަރުޠުތައް ފުރިހަމަވާ ފަރާތްތަކަކަށް ވާންޖެހޭނެއެވެ.

ޕްރޮޕޯޒަލް ހުށަހެޅުމުގެ ޝަރުޠުތައް

ފާމްތަކުން ހުށަހަޅާ ޕްރޮޕޯޒަލަކީ TOR ގައި ބަޔާންކޮށްފައިވާ ހުރިހާ ތަފްސީލުތަކެއް ހިމެނޭ ފުރިހަމަ ޕްރޮޕޯޒަލަކަށް ވާންޖެހޭނެއެވެ.

އިވެލުއޭޝަން ކްރައިޓީރިއާ

ފަރާތްތައް ހޮވުމުގައި ބަލާނީ TOR ގައި ކަނޑައަޅާފައިވާ އިވެލުއޭޝަން ކްރައިޓީރިއާ އަށެވެ.

ހުށަހަޅަންޖެހޭ ގޮތް

ޝައުޤުވެރިވާ ފަރާތްތަކުން 2 ސެޕްޓެމްބަރު 2025، 18:00 ގެ ކުރިން ދެވިފައިވާ ރެޖިސްޓްރޭޝަން ލިންކް މެދުވެރިކޮށް ރެޖިސްޓްރޭޝަން ފޯމް ފުރިހަމަކޮށް އީމެއިލް ކުރަންވާނެއެވެ.

ރެޖިސްޓްރޭޝަން ލިންކް

ނޯޓް: މި މުއްދަތުގެ ކުރިން ރެޖިސްޓްރީ ނުކުރާ ފަރާތްތަކަށް ބިޑްގައި ބައިވެރިވުމުގެ ފުރުޞަތެއް ނޯންނާނެއެވެ.

މުހިންމު ތާރީޚުތައް

• ރެޖިސްޓްރޭޝަން ހުޅުވާލުން: 27 އޮގަސްޓް 2025، 14:00 (އޮންލައިންކޮށް: ރެޖިސްޓްރޭޝަން ލިންކް މެދުވެރިކޮށް)

  • ރެޖިސްޓްރޭޝަން ބަންދުވުން: 2 ސެޕްޓެމްބަރު 2025، 18:00

  • މަޢުލޫމާތު ސެޝަން: 3 ސެޕްޓެމްބަރު 2025، 14:00 (ޓީމްސް މެދުވެރިކޮށް)

  • ސުވާލުތަކަށް ޖަވާބުދިނުން: 4 ސެޕްޓެމްބަރު 2025، 14:00

  • ބިޑް ހުށަހެޅުމާއި ހުޅުވުން: 7 ސެޕްޓެމްބަރު 2025، 14:00

  • ,

    ހޮވުނު ފަރާތް އެންގުން: 14 ސެޕްޓެމްބަރު 2025، 14:00 ގަޑިން

  • ޝަކުވާ ހުށަހެޅުމުގެ ސުންގަޑި: 17 ސެޕްޓެމްބަރު 2025، 14:00 ގަޑިން

  ޕޮއިންޓް ދޭނެ އުސޫލު

  • އަގު (80%) – އެންމެ ކުޑަ އަގު ހުށަހަޅާ ފަރާތަކަށް ބަލައިގެން އެހެން ހުށަހެޅުންތަކަށް ޕޮއިންޓް ދެވޭނެއެވެ.

  • ތަޖުރިބާ (20%) – ގުޅުންހުރި މަޝްރޫއުތަކުގެ ތަޖުރިބާއަށް ބަލައި، ރެފަރެންސް ސިޓީތަކާއި ދައްކާފައިވާ ހުނަރުވެރިކަމަށް ބިނާކޮށް ޕޮއިންޓް ދެވޭނެއެވެ.

  ހުށަހަޅަންޖެހޭ ލިޔެކިޔުންތައް

  • ކުންފުނީގެ ޕްރޮފައިލް

  • ބިޑް ހުށަހަޅާ ފަރާތުގެ ރެފަރެންސްތައް

  • މަސައްކަތުގެ ދާއިރާއާ (scope of work) ގުޅޭގޮތުން ހުރި ޚިޔާލުތަކާއި އިސްލާހުތައް

  • މަސައްކަތް ކުރިއަށް ގެންދާނެ ގޮތުގެ ތަފްސީލު (methodology)

  • ޓީމުގައި ހިމެނޭ މީހުންނާއި އެމީހުންނާ ހަވާލުކުރެވޭ މަސައްކަތްތައް

  • ހުށަހަޅާ އަގު

  • ބިޑް ޑޭޓާގައި ބަޔާންކޮށްފައިވާ އިތުރު ފޯމުތައް

  ހުށަހަޅަންޖެހޭ ގޮތް

  ޕްރޮޕޯޒަލްތައް އީމެއިލް ކުރަންވާނީ hello@noonunaturally.com އަށެވެ. ޕްރޮޕޯޒަލް ފޮނުވަންވާނީ މަތީގައި ބަޔާންކޮށްފައިވާ ބިޑް ހުށަހެޅުމުގެ ސުންގަޑީގެ ކުރިން ނުވަތަ ސުންގަޑިއަށެވެ.