ބީލަމަށް ދަޢުވަތު - އިޖްތިމާޢީ-އިޤްތިޞާދީ ކޮންސަލްޓަންޓް

ނ. އަތޮޅުގެ ރަށްތަކަށް ކުރިމަތިވަމުންދާ ބޭނުންތަކަށް ރިއާޔަތްކޮށް، މުޅި އަތޮޅަށް އަމާޒުކޮށްގެން އެކުލަވާލާ "އަތޮޅު ލޭންޑް ޔޫސް ޕްލޭން" (އެލް.ޔޫ.ޕީ) ތައްޔާރުކުރުމުގެ މަސައްކަތުގައި ބައިވެރިވުމުގެ ފުރުސަތު ނޫނު އަތޮޅު ކައުންސިލް އިދާރާއިން ހުޅުވާލަމެވެ. މި މަޝްރޫޢުގެ މަގުސަދަކީ ދެމެހެއްޓެނިވި ތަރައްޤީ ކުރިއެރުވުމާއި، ބިމުގެ ވަސީލަތްތައް އެންމެ އެދެވޭ ގޮތެއްގައި ބޭނުންކުރުމާއި، މޫސުމަށް އަންނަ ބަދަލުތަކަށް ހޭނުމާއި ލޯކަލް ގަވަރނަންސް ހަރުދަނާކުރުން ފަދަ ގޮންޖެހުންތަކަށް ފައިދާހުރި ހައްލުތަކެއް ހޯދުމެވެ.

މި ލަނޑުދަނޑިތައް ހާސިލުކުރުމަށްޓަކައި، "ސޯޝިއޯ-އިކޮނޮމިކް ކޮންސަލްޓަންޓް" ގެ މަގާމަށް ބިޑް ހުށަހެޅުމުގެ ފުރުސަތު ހުޅުވާލަމެވެ. މިއީ މުޅި އަތޮޅުގެ ލޭންޑް ޔޫސް ޕްލޭން އެކުލަވާލުމުގައި މުޖުތަމައުގެ ބޭނުންތަކާއި އިޖުތިމާއީ އަދި އިގްތިސާދީ ތަސައްވަރުތައް ހިމެނުމަށް މަގުފަހިކޮށްދޭ މުހިންމު ދައުރެކެވެ. ހޮވޭ ކޮންސަލްޓަންޓް މަސައްކަތް ކުރާނީ ތަފާތު ދާއިރާތަކުގެ މާހިރުން ހިމެނޭ ޓީމަކާއެކު، ނޫނު އަތޮޅުގެ ރައްޔިތުންނަށް ފައިދާކުރަނިވި، ޝާމިލު އަދި ނަތީޖާ ނެރެދޭ ފަދަ ޕްލޭނެއް އެކުލަވާލުމަށެވެ.

މަޝްރޫޢުގެ ޚުލާސާ

ސޯޝިއޯ-އިކޮނޮމިކް ކޮންސަލްޓަންޓެއްގެ ހައިސިއްޔަތުން، ތިޔަ ފަރާތުގެ ދައުރަކީ އިޖުތިމާއީ އަދި އިގްތިސާދީ ދިރާސާތައް ކުރުމާއި، މުޖުތަމައުގެ އިސްކަންދޭ ކަންކަން ރަންގަޅަށް ދެނެގަނެވޭނެ ފަދަ އިސްތިރާތީޖީތައް އެކުލަވާލުމެވެ. މީގެ އިތުރުން، އަތޮޅުގެ މިހާރުގެ އަދި ކުރިމަގުގެ އިޖުތިމާއީ-އިގްތިސާދީ އޮއިވަރުތައް ދެނެގަތުމާއި، ހަމަހަމަކަމާއި، ވަސީލަތްތައް ބެހިގެންވާ ގޮތާއި، އަދި އާމްދަނީ ހޯދުމުގެ ފުރުސަތުތަކާ ގުޅޭ މައްސަލަތަކަށް ހައްލު ހޯދުމުގައި ކޮންސަލްޓަންޓް މުހިންމު ދައުރެއް އަދާކުރާނެއެވެ. ކޮންސަލްޓަންޓްގެ ހުށަހެޅުންތަކަކީ އިންސާނީ ތަރައްޤީއަށް އިސްކަންދޭ، ދެމެހެއްޓެނިވި ތަރައްޤީގެ އުސޫލުތަކުގެ މައްޗަށް ބިނާވެފައިވާ، އެއްވެސް މުޖުތަމައެއް ބާކީނުވާނެކަން ކަށަވަރުކޮށްދޭނެ ކަންކަމެވެ. ވަކިން ހާއްސަކޮށް، ތިރީގައިވާ މުހިންމު ކަންކަމުގައި އިޖުތިމާއީ އަދި އިގްތިސާދީ ދާއިރާ ހިމެނުމަށް މަސައްކަތް ކުރެވޭނެއެވެ:

• އަތޮޅުގެ އެކި ރަށްތަކުގެ ތަފާތު ބޭނުންތައް ދެނެގަތުމަށް "ކޮމިއުނިޓީ ނީޑްސް އެސެސްމަންޓް" އެއް ހެދުން.
• ޝާމިލު އިޖުތިމާއީ-އިގްތިސާދީ ޕްލޭނިންގްގެ މައްޗަށް ބިނާވެފައިވާ، "ރެސިލިއަންޓް އައިލެންޑް އެންޑް އެޓޯލް ކޮމިއުނިޓީސް" (ލޮޅުންތަކަށް ކެތްކުރެވޭ ރަށްތަކާއި މުޖުތަމައުތައް) ބިނާކުރުމަށް ބޭނުންވާ އޮނިގަނޑުތައް އެކުލަވާލުން.
• އިޖުތިމާއީ ހަމަހަމަކަމާއި ތިމާވެށީގެ ރައްކާތެރިކަމާއެކު ތަރައްޤީ ބެލެންސްކުރެވޭނެ ގޮތަށް އަތޮޅު ލޭންޑް ޔޫސް ޕްލޭން (އެލް.ޔޫ.ޕީ) ބައްޓަންކުރުން.
• އަލުން ކަނޑައެޅޭ ޕްލޭންތަކުގައި ހިމެނޭ ތަސައްވަރުތަކަށް އަމާޒުކޮށްގެން، ނޫނު އަތޮޅު ކައުންސިލުން ގާއިމުކުރާނެ މުހިންމު އިޖުތިމާއީ ވިޔަފާރި (ސޯޝަލް ބިޒްނަސް) މަޝްރޫޢުތައް ފަރުމާކުރުން.

މި ޕްލޭނިންގް ފުރިހަމަކުރުމަށްޓަކައި، ކޮންސަލްޓަންސީ ޓީމުގައި ތިރީގައިވާ ދާއިރާތަކުގެ މާހިރުން ވެސް ހިމެނޭނެއެވެ:

• އާބަން ޕްލޭނިންގް
• ގާނޫނީ އޮނިގަނޑު
• ޓްރާންސްޕޯޓް އަދި ލޮޖިސްޓިކްސް
• ސާވޭއިންގް

މި މާހިރުންގެ ޓީމުން ފޯރުކޮށްދޭ މަޢުލޫމާތާއި ދިރާސާތަކުގެ އެހީގައި، އެކުލަވާލެވޭ ލޭންޑް ޔޫސް ޕްލޭނަކީ ވަރުގަދަ، ޝާމިލު، އަދި އަތޮޅުގެ ތަފާތު ބޭނުންތަކަށް ފަރުމާކުރެވިފައިވާ ޕްލޭނެއްކަން ކަށަވަރުކުރެވޭނެއެވެ.

މަސައްކަތުގެ ދާއިރާ އަދި ހުށަހަޅަންޖެހޭ ތަކެތި

ކޮންސަލްޓަންސީގެ ކޮންމެ ދައުރަކަށް ކަނޑައެޅިފައިވާ ތަފްސީލީ މަސައްކަތްތަކާއި ޒިންމާތައް "ޓާމްސް އޮފް ރެފަރެންސް" (ޓީ.އޯ.އާރް) ލިޔުމުގައި ބަޔާންކުރެވިފައިވާނެއެވެ. ޝައުގުވެރިވާ ކޮންސަލްޓަންޓުން ޕްރޮޕޯޒަލް ހުށަހެޅުމުގެ ކުރިން ޓީ.އޯ.އާރް ރަނގަޅަށް ދިރާސާކުރުމަށް ދަންނަވަމެވެ.

,

މެތޮޑޮލޮޖީގައި ކަނޑައެޅިފައިވާ ގޮތުގެ މަތިން އަދި ނޫނު އަތޮޅު ކައުންސިލް ނުވަތަ އެލް.އޭ.ސީ އިން ހުއްދަދީފައިވާ ގޮތަށް، ނޫނު އަތޮޅަށް ކުރަންޖެހޭ ދަތުރުތަކުގެ ޚަރަދާއި، ހުރުމާއި ކެއުމުގެ ޚަރަދުތައް ހަމަޖައްސާނީ ނޫނު އަތޮޅު ކައުންސިލް/ނޫނު އެލް.އޭ.ސީ އިންނެވެ. އެހެންކަމުން، މި ޚަރަދުތައް ކޮންސަލްޓަންޓުން ހުށަހަޅާ ފީގެ ތެރޭގައި ހިމަނައިގެން ނުވާނެއެވެ. ކޮންސަލްޓަންޓުން ފީ ހުށަހަޅަންވާނީ ތިރީގައިވާ މަސައްކަތްތަކަށެވެ:

މި މަޝްރޫޢުގެ ދަށުން ފުރިހަމަކުރަންޖެހޭ މަސައްކަތްތަކާއި، އެ މަސައްކަތްތަކަށް ހުށަހަޅާ ފީ (ދިވެހި ރުފިޔާއިން) ތިރީގައި ބަޔާންކުރެވިފައި އެވަނީއެވެ:

1. މަޝްރޫޢު ކުރިއަށްގެންދާނެ ފައިނަލް މެތޮޑޮލޮޖީ

   1. މުޖުތަމަޢުގެ ބޭނުންތައް ދެނެގަތުމުގެ އެސެސްމަންޓް

   2. މަސައްކަތުގެ މައިގަނޑު އުސޫލުތައް (Guiding Principles) ގަބޫލުކުރިކަމުގެ ލިޔުން

   3. ރެސިލިއަންޓް އައިލެންޑްސް އެންޑް އަތޮޅު ފްރޭމްވޯކް އެކުލަވައިލުން

   4. މިހާރު ހުރި ވަސީލަތްތަކާއި ބިން ބޭނުންކުރާ ގޮތުގެ އިވެލުއޭޝަން

   5. އިދާރީ އޮނިގަނޑު (Administrative Framework) އެކުލަވައިލުން

   6. އަތޮޅުގެ ލޭންޑް ޔޫސް ޕްލޭން އެކުލަވައިލުން

   7. އިންޓަގްރޭޓެޑް އަތޮޅު ޑިވެލޮޕްމަންޓް ފޯރަމް

   8. އަތޮޅު އިދާރާއާ ގުޅުންހުރި އިޖުތިމާޢީ ވިޔަފާރި މަޝްރޫޢުތަކުގެ ޕްރޮޕޯޒަލްތައް ޑްރާފްޓްކުރުން

   ބިޑް ކުރުމުގެ މަރުހަލާ

   މުހިންމު ތާރީޚުތަކާއި ވަގުތުތައް

   1. ރަޖިސްޓްރީވުން – 18 އިން 30 ޑިސެމްބަރު 2024، 13:00 އަށް

      1. ބިޑް މަޢުލޫމާތު ދިނުމުގެ ސެޝަން – 31 ޑިސެމްބަރު 2024، 13:00 ގައި

      2. ބިޑާ ގުޅޭ ސުވާލުތައް ފޮނުވުން – 1 އިން 4 ޖެނުއަރީ 2025، 13:00 އަށް

      3. ބިޑް ހުށަހެޅުމުގެ ސުންގަޑި – 8 ޖެނުއަރީ 2025، 13:00 ގައި

      ޝައުޤުވެރިވާ ފަރާތްތަކަށް މި ފޯމު ހުށަހަޅައިގެން ބިޑްގައި ރަޖިސްޓްރީ ކުރެވޭނެއެވެ. ބިޑް މަޢުލޫމާތު ދިނުމުގެ ސެޝަން ކުރިއަށްދާނީ އޮންލައިންކޮށެވެ. ރަޖިސްޓްރީވުމުން، ބައްދަލުވުމުގެ ލިންކާއެކު ކޮންފަރމޭޝަން އީމެއިލެއް ފޮނުވޭނެއެވެ.

      ރަޖިސްޓްރީވާ ހުރިހާ ފަރާތްތަކަށް، ބިޑް މަޢުލޫމާތު ދިނުމުގެ ސެޝަންގެ ކުރިން ތަފްސީލީ ޓާމްސް އޮފް ރިފަރެންސް (ToR) ލިޔުން ފޮނުވޭނެއެވެ. މި ލިޔުމުގައި މަޝްރޫޢުގެ މަޤްޞަދުތަކާއި، މަސައްކަތުގެ ދާއިރާ، ފުރިހަމަކުރަންޖެހޭ ކަންތައްތަކާއި، ބިޑް ހުށަހަޅާ ފަރާތްތަކުން އުންމީދުކުރެވޭ ކަންތައްތައް ތަފްސީލުކޮށް ބަޔާންކުރެވިފައިވާނެއެވެ.

      ބިޑް ހުޅުވުމުގެ މަރުހަލާ

      ބިޑް ހުޅުވުން އޮންނާނީ 8 ޖެނުއަރީ 2025 ވާ ބުދަ ދުވަހުގެ 13:00 ގައި، ބިޑް ހުށަހަޅާ ފަރާތްތަކުގެ ހާޒިރުގައެވެ. ބިޑް ހުޅުވުން އޮންނާނީ ނޫނު އަތޮޅު ކައުންސިލް އިދާރާ (ނ. މަނަދޫ) ގައެވެ. އީމެއިލް މެދުވެރިކޮށް ހުށަހަޅާ ބިޑްތައް ބަލައެއް ނުގަނެވޭނެއެވެ. ހުރިހާ ލިޔެކިޔުންތަކެއް ހުންނަންވާނީ ބަންދުކުރެވިފައިވާ ސިޓީއުރައެއްގައެވެ. ސިޓީއުރައިގެ ބޭރުގައި ކުންފުނީގެ ނުވަތަ ފަރުދީ ނަމާއި ޓެންޑަރ ރިފަރެންސް ނަންބަރު ލިޔެފައި އޮންނަންވާނެއެވެ.

      ބިޑް ބާތިލުވާނެ ސަބަބުތައް

      ,

      1. ބިޑުގައި ރަޖިސްޓްރީ ނުކުރާ ފަރާތްތަކަށް ބިޑް ހުޅުވުމުގެ ފުރުސަތެއް ނުލިބޭނެއެވެ.

         1. މައުލޫމާތު ސެޝަނަށް ހާޒިރުވުމަކީ މަޖުބޫރު ކަމެކެވެ. ހާޒިރުނުވާ ފަރާތްތައް ޑިސްކޮލިފައިވާނެއެވެ.

         2. ސުންގަޑި ހަމަވުމަށްފަހު ހުށަހަޅާ ބިޑްތައް ބަލައެއް ނުގަނެވޭނެއެވެ.

         3. ހުށަހަޅަންޖެހޭ ލިޔެކިޔުންތަކުގެ ތެރެއިން އެއްވެސް ލިޔުމެއް މަދުނަމަ ބިޑް ބާތިލުކުރެވޭނެއެވެ.

         ހުށަހަޅަންޖެހޭ ތަކެތި

         ޝައުގުވެރިވާ ކޮންސަލްޓަންޓުން ނުވަތަ ފާމްތަކުން ޕްރޮޕޯސަލްއާއެކު ތިރީގައިވާ ތަކެތި ހުށަހަޅަންވާނެއެވެ:

         1. ޓެކްނިކަލް ޕްރޮޕޯސަލް

            • ހުށަހަޅާ މަސައްކަތްތައް ކުރިއަށް ގެންދާނެ ގޮތުގެ ތަފްސީލީ މެތޮޑޮލޮޖީ އަދި އެޕްރޯޗް.

              • މަސައްކަތުގެ ތަފްސީލީ ޕްލޭން އަދި ތާވަލު.

              • ކޮންސަލްޓިންގ ޓީމުގައި ހިމެނޭ މެންބަރުން (ޓީމެއްގެ ގޮތުގައި ހުށަހަޅާނަމަ).

              2. ފައިނޭންޝަލް ޕްރޮޕޯސަލް

              • ފުރިހަމަކޮށްފައިވާ ފީ ޕްރޮޕޯސަލް ޓޭބަލް (ހުރިހާ މަސައްކަތްތަކެއްގެ އަގު ހިމެނޭ ގޮތަށް).

                3. ތައުލީމާއި ތަޖުރިބާ

                • މަސައްކަތުގައި ބައިވެރިވާ މުހިންމު މުވައްޒަފުންގެ ސީވީ.

                  • މީގެ ކުރިން ކޮށްފައިވާ މިފަދަ މަސައްކަތްތަކުގެ ޕޯޓްފޯލިއޯ.

                  • ކުރިން މަސައްކަތް ކޮށްދީފައިވާ ފަރާތްތަކުގެ ރެފަރެންސް.

                  4. ގާނޫނީ އަދި އިދާރީ ލިޔެކިޔުންތައް

                  • ކުންފުނި ނުވަތަ އިދާރާގެ ރަޖިސްޓްރޭޝަން ކޮޕީ (އިދާރާއެއް ނަމަ).

                    • ޖީ.އެސް.ޓީ ރަޖިސްޓްރޭޝަން ސެޓްފިކެޓް (އޮތް ނަމަ).

                    • މުއްދަތު ހަމަނުވާ (6 މަސް ދުވަސް ހަމަނުވާ) ޓެކްސް ކްލިއަރެންސް ރިޕޯޓް (އޮތް ނަމަ).

                    • ގުޅޭނެ މައުލޫމާތު (ނަން، މަގާމު، ފޯނު ނަންބަރު، އީމެއިލް).

                    • ޓެކްސް ކޮމްޕްލަޔަންސް ސެޓްފިކެޓް (އޮތް ނަމަ).

                    އިވެލުއޭޓް ކުރާނެ މިންގަނޑު

                    ޕްރޮޕޯސަލްތައް އިވެލުއޭޓް ކުރާނީ ތިރީގައިވާ މިންގަނޑުތަކަށެވެ:

                    1. ޓެކްނިކަލް ޕްރޮޕޯސަލް (40%)

                       • މަޝްރޫއުގެ މަގްސަދުތަކާއި މަސައްކަތުގެ ދާއިރާ (scope of work) ދެނެގަނެފައިވާ މިންވަރު.

                         • ހުށަހަޅާފައިވާ މެތޮޑޮލޮޖީ އަދި މަސައްކަތުގެ ޕްލޭންގެ ފެންވަރާއި އެކަން ކުރެވިދާނެ މިންވަރު.

                         2. ތައުލީމާއި ތަޖުރިބާ (30%)

                         • މިފަދަ މަސައްކަތްތަކުގައި ހުރި ތަޖުރިބާ.

                           • ހުށަހަޅާފައިވާ ފަރުދުން ނުވަތަ ޓީމުގެ ފަންނީ ގާބިލުކަން.

                           3. ފައިނޭންޝަލް ޕްރޮޕޯސަލް (20%)

                           • އަގުގެ އެކަށީގެންވާ މިންވަރާއި ހަރަދާ އަޅާބަލާއިރު ލިބޭ ފައިދާ.

                             4. ރެފަރެންސް އަދި ކުރީގެ މަސައްކަތްތައް (10%)

                             • ކުރިން މަސައްކަތް ކޮށްދީފައިވާ ފަރާތްތަކުގެ ފީޑްބެކް.

                               • މީގެ ކުރިން ކޮށްފައިވާ މިފަދަ މަސައްކަތްތަކުގެ ޕޯޓްފޯލިއޯ.

                               ,

                               ނ. އަތޮޅުގެ ދެމެހެއްޓެނިވި މުސްތަޤްބަލެއް އެކުލަވާލުމަށް ޝައުޤުވެރިވެލައްވާ ހުނަރުވެރި ފަރާތްތަކާއެކު މަސައްކަތްކުރުމަށާއި، ތިޔަ ފަރާތްތަކުގެ ހުށަހެޅުންތައް ލިބުމަށް އަޅުގަނޑުމެން ވަރަށް ބޮޑަށް އުންމީދުކުރަމެވެ. އެކުގައި މަސައްކަތްކޮށްގެން އަޅުގަނޑުމެންނަށް މުޖުތަމަޢުގެ ދުޅަހެޔޮކަމަށް އިސްކަންދޭ، ކުރިއަށް ވިސްނާ އަދި ހަމަހަމަ ގޮތެއްގައި އަތޮޅު ތަރައްޤީކުރުމުގެ މަގެއް ކަނޑައެޅިދާނެއެވެ.