ބީލަމަށް ދަޢުވަތު - އަލުން އިޢުލާން: ކޮންސަލްޓަންޓުންނަށް އިޢުލާން

ނ. އަތޮޅު ކައުންސިލްގެ ފަރާތުން "ރީއިމޭޖިން ނޫނު ބިނާވެށި" މަޝްރޫޢުގެ މަސައްކަތްތަކަށް ކޮންސަލްޓަންޓުން ހޯދުމަށް އަލުން އިޢުލާންކުރަމެވެ. މިއީ ނޫނު އަތޮޅުގެ ގުދުރަތީ ވަސީލަތްތަކަކީ އަތޮޅުގެ ރައްޔިތުންގެ މިލްކެއްކަމުގެ އިހުސާސް އަށަގަންނުވައި، ހުރިހާ ރަށެއްގެ މުޖުތަމަޢުތަކަށް ހަމަހަމަ އަދި ދެމެހެއްޓެނިވި މުސްތަޤުބަލެއް ބިނާކުރުމަށްޓަކައި ކުރިއަށްގެންދެވޭ މުހިންމު މަސައްކަތެކެވެ.

ފަސްމަންޒަރު 

"ރީއިމޭޖިން ނޫނު ބިނާވެށި" މަޝްރޫޢުގެ މަޤްޞަދަކީ، ޝާމިލު އަދި އިސްތިރާތީޖީ ރޭވުންތަކެއްގެ ތެރެއިން، ނޫނު އަތޮޅުގެ ގުދުރަތީ ވަސީލަތްތައް ބެލެހެއްޓުމާއި ހިމާޔަތްކުރުމުގައި ރަށްރަށުގެ މުޖުތަމަޢުތަކުގެ ދައުރު ފުޅާކުރުމެވެ. މިހާރު އަތޮޅުގެ ގިނަ ރަށްތަކަކަށް ވަނީ ވަސީލަތްތައް ބޭނުންކުރުމުގައި ހަމަހަމަކަން ނެތުމުގެ ގޮންޖެހުންތަކާ ކުރިމަތިލާން ޖެހިފައެވެ. އެގޮތުން ބައެއް ރަށްރަށަށް ބިން ދަތިވުމާއި ބިން ހިއްކުމުގެ މަޖުބޫރުކަން ކުރިމަތިވެފައިވާއިރު، އަނެއްބައި ރަށްރަށުގައި މީހުން ދިރިއުޅޭ މިންވަރު މަދުވުމުގެ ސަބަބުން ލިބެންހުރި ފުރުޞަތުތަކުގެ ބޭނުން އެންމެ އެދެވޭ ގޮތެއްގައި ނުހިފެއެވެ. މިފަދަ ވަކިވަކިވުންތަކުގެ ސަބަބުން އިޤްތިޞާދީ ކުރިއެރުން ހަމަހަމަ ގޮތެއްގައި ނުލިބުމުގެ އިތުރުން، ތިމާވެށީގެ ދެމެހެއްޓެނިވިކަމަށް ވެސް ނުރައްކާވެއެވެ.

މި މަޝްރޫޢުގެ އަމާޒަކީ، ރައްޔިތުންގެ ގުދުރަތީ ވަސީލަތްތަކުގެ މައްޗަށް ރައްޔިތުންގެ ބާރުވެރިކަން އިތުރުކޮށްދޭނެ އެކުލަވާލެވިފައިވާ އޮނިގަނޑެއްގެ ތެރެއިން މި ނިޒާމު ބަދަލުކުރުމެވެ. މީގެ ތެރޭގައި ބިން ބޭނުންކުރުމުގައި އެއްގޮތް އުސޫލުތަކެއް ގެންގުޅުމާއި، ދެމެހެއްޓެނިވި އުމްރާނީ ތަރައްޤީއާއި، ތިމާވެށި ހިމާޔަތްކުރުމަކީ އަތޮޅުގެ ހުރިހާ ރަށެއްގެ މުޖުތަމަޢުތަކަށް ހަމަހަމަ އަދި ދެމެހެއްޓެނިވި ކުރިއެރުން ކަށަވަރުކޮށްދޭނެ މައިގަނޑު އަސާސްތަކެވެ.

ނ. އަތޮޅު ކައުންސިލްގެ އިސްނެގުމުގެ ދަށުން ކުރިއަށްގެންދާ "ރީއިމޭޖިން ނޫނު ބިނާވެށި" މަޝްރޫޢުގައި މައިގަނޑު ގޮތެއްގައި މަސައްކަތް ކުރާނީ އަތޮޅުގެ ފެންވަރުގައި ބިން ބޭނުންކުރާނެ ފުރިހަމަ ޕްލޭނެއް (އެޓޯލް ލޭންޑް ޔޫސް ޕްލޭން) އެކުލަވާލުމަށެވެ. މި ޕްލޭނަކީ ނޫނު އަތޮޅުގެ ބޭނުންތަކަށް ފަރުމާކުރެވިފައިވާ، ދެމެހެއްޓެނިވި ތަރައްޤީއާއި، ވަސީލަތްތަކުގެ މިލްކުވެރިކަމާއި، އަދި ކުރިމަތިވާ ގޮންޖެހުންތަކުން އަރައިގަތުމުގެ ޤާބިލުކަން އިތުރުކުރުމަށް މަގުދައްކައިދޭނެ އިސްތިރާތީޖީ ޕްލޭނެކެވެ.

މަސައްކަތުގެ މަޤްޞަދުތައް

މި މަޝްރޫޢަށް ބޭނުންވަނީ ތަފާތު ދާއިރާތަކުގެ މާހިރުން ހިމެނޭ ޓީމެއްގެ އިސްވެރިއެއްގެ ގޮތުގައި މަސައްކަތްކޮށް، އަމަލީގޮތުން ތަންފީޒުކުރެވޭނެ އަތޮޅު ފެންވަރުގެ ބިން ބޭނުންކުރާނެ ޕްލޭނެއް އެކުލަވާލާނެ އާބަން ޕްލޭނިންގ ކޮންސަލްޓަންޓެކެވެ. މި ކޮންސަލްޓަންޓްގެ މަސްއޫލިއްޔަތަކީ ދެމެހެއްޓެނިވި ތަރައްޤީގެ އުސޫލުތަކާއި، ގޮންޖެހުންތަކުން އަރައިގަތުމުގެ ޤާބިލުކަން އިތުރުކުރުމާއި، އަދި ނޫނު އަތޮޅުގެ ރައްޔިތުންގެ ގުދުރަތީ ވަސީލަތްތައް އެންމެ ފުރިހަމަ ގޮތުގައި ބެލެހެއްޓުމަށް ބާރުވެރިކުރުވުން ކަށަވަރުކުރުމެވެ.

ޓީމުގައި ހިމެނޭ މައިގަނޑު ދާއިރާތައް:

• އިޤްތިޞާދީ އަދި އިޖުތިމާޢީ ސައިންސް ކޮންސަލްޓަންޓް – އިޖުތިމާޢީ-އިޤްތިޞާދީ އިސްތިރާތީޖީތަކާއި، ސަރަޙައްދީ އިޤްތިޞާދާއި، އަދި ދެމެހެއްޓެނިވި ގޮތެއްގައި އާމްދަނީ ހޯދޭނެ މަގުތަކަށް އަމާޒުކޮށްގެން މަސައްކަތްކުރުން.

  • ޤާނޫނީ ކޮންސަލްޓަންޓް – ހިންގުމުގެ އޮނިގަނޑުތަކާއި ޤާނޫނީ ގޮތުން ފުރިހަމަވާންޖެހޭ ކަންކަން ކަށަވަރުކުރުން.

  • ދަތުރުފަތުރާއި ލޮޖިސްޓިކްސް ކޮންސަލްޓަންޓް – ދަތުރުފަތުރުގެ ނިޒާމު ހަރުދަނާކުރުމާއި، ގުޅުންތައް ބަދަހިކުރުމާއި، އަދި ލޮޖިސްޓިކްސްގެ މަސައްކަތްތައް ހަލުވިކުރުމަށް އަމާޒުކޮށްގެން މަސައްކަތްކުރުން.

  • ސާވޭ ކުރާ ޓީމު – ބޭނުންވާ އަސާސީ މަޢުލޫމާތު އެއްކުރުމާއި، ޗާޓުތައް ތައްޔާރުކުރުމާއި، އަދި ތިމާވެށީގެ ދިރާސާތައް ކުރުން.

  ,

  އާބަން ޕްލޭނިންގ ކޮންސަލްޓަންޓް، މަޝްރޫޢުގެ މެތޮޑޮލޮޖީ ނިންމުމުގައި ޓީމުގެ ހުރިހާ މެންބަރުންނާއި، މުޖުތަމަޢުގެ ހިއްސާދާރުން އަދި ކަމާގުޅޭ އެހެނިހެން ފަރާތްތަކުގެ ޚިޔާލާއި މަޝްވަރާ ހިމަނަންވާނެއެވެ. އަދި އެއްބަސްވެފައިވާ ތާވަލާ އެއްގޮތަށް މަޝްރޫޢުގެ މަޤްޞަދުތައް ހާސިލުކުރުމުގައި ހަރުދަނާކަން ކަށަވަރުކުރަންވާނެއެވެ.

  ހުރިހާ ކޮންސަލްޓަންޓުންގެ އާންމު ޒިންމާތައް:

  1. ކަނޑައެޅިފައިވާ މުއްދަތުގެ ތެރޭގައި ހުރިހާ މަސައްކަތްތަކެއް ނިންމާ ހަވާލުކުރެވޭނެކަން ކަށަވަރުކުރުމަށްޓަކައި، ނޫނު އަތޮޅު ކައުންސިލާއި، ނޫނު އެލް.އޭ.ސީ އަދި އެހެނިހެން ކޮންސަލްޓަންޓުންނާ ގުޅިގެން މަޝްރޫޢުގެ މެތޮޑޮލޮޖީ ފައިނަލްކުރުން. މަސައްކަތުގެ ދާއިރާ ފުށުއަރާ ހާލަތްތަކުގައާއި ޒިންމާތައް ސާފުނުވާ ހާލަތްތަކުގައި، މެތޮޑޮލޮޖީ ނިމުމުން ފީއާ މެދު އަލުން މަޝްވަރާ ކުރެވިދާނެއެވެ.

     2. ހުރިހާ ހަރަކާތްތަކެއް އެއް އަމާޒަކަށް ބައްޓަންކުރުމަށްޓަކައި، ޓީމުގެ މަޝްވަރާތަކާއި ވޯކްޝޮޕްތަކުގައި ހީވާގިކަމާއެކު ބައިވެރިވުން.

     3. މަޝްރޫޢުގެ އެހެނިހެން ބައިތަކާ ގުޅުވާލައިގެން، އެ ބޭފުޅަކު ތަޚައްޞުޞްވެފައިވާ ދާއިރާއިން ފަންނީ ލަފާދިނުން.

     4. އެއްބަސްވެފައިވާ މެތޮޑޮލޮޖީއާއި ތާވަލާ އެއްގޮތަށް، ފެންވަރު ރަނގަޅު ނަތީޖާތަކެއް ނެރެދީގެން އަތޮޅު ބިން ބޭނުންކުރާނެ ގޮތުގެ ޕްލޭން (އެޓޯލް ލޭންޑް ޔޫސް ޕްލޭން) އެކުލަވާލުމުގައި އެހީތެރިވުން.

     5. މަސައްކަތުގެ ކުރިއެރުން ހިއްސާކުރުމަށާއި ދިމާވާ ގޮންޖެހުންތަކަށް ހައްލު ހޯދުމަށްޓަކައި، ނޫނު އަތޮޅު ކައުންސިލާއި ނޫނު އެލް.އޭ.ސީ އާއެކު ބާއްވާ ކޯޑިނޭޝަން ބައްދަލުވުންތަކުގައި ގަވާއިދުން ބައިވެރިވުން.

     6. ހަވާލުކުރާ ހުރިހާ މަސައްކަތްތަކަކީ ދެމެހެއްޓެނިވި ތަރައްޤީގެ ލަނޑުދަނޑިތަކާއި (SDGs)، ނޫނު އަތޮޅު ކައުންސިލްގެ އިރުޝާދުތަކާއި އުސޫލުތަކާ އެއްގޮތްވާ މަސައްކަތްތަކެއްކަން ކަށަވަރުކުރުން.

     މަޝްރޫޢުގެ މައިގަނޑު ހަރަކާތްތަކުގެ ލިސްޓު

     1. މުޖުތަމަޢުގެ ބޭނުންތައް ދެނެގަތުމުގެ އެސެސްމަންޓް ހެދުން

        2. މަގުދައްކައިދޭ އުސޫލުތައް ބަލައިގަތުން

        3. ވިލުންތެރި ރަށްތަކާއި އަތޮޅުގެ އޮނިގަނޑު (ފްރޭމްވޯކް) އެކުލަވާލުން

        4. މިހާރު ހުރި ވަސީލަތްތަކާއި ބިން ބޭނުންކުރާ ގޮތް އިވެލުއޭޓްކުރުން

        5. އިދާރީ އޮނިގަނޑު އެކުލަވާލުން

        6. އަތޮޅު ބިން ބޭނުންކުރާނެ ގޮތުގެ ޕްލޭން އެކުލަވާލުން

        7. އިންޓެގްރޭޓެޑް އެޓޯލް ޑިވެލޮޕްމަންޓް ފޯރަމް

        މުހިންމު ތާރީޚުތަކާއި ވަގުތުތައް

        1. ރަޖިސްޓްރީވުން – 21 އިން 25 ޖެނުއަރީ 2025، 00:00 އަށް

           1. އަންދާސީ ހިސާބާ ގުޅޭ މަޢުލޫމާތު ސެޝަން – 27 ޖެނުއަރީ 2025، 15:00 ގައި

           2. އަންދާސީ ހިސާބާ ގުޅޭގޮތުން ސާފުކުރަންޖެހޭ ކަންކަން ސާފުކުރުން – 28 އިން 30 ޖެނުއަރީ 2025، 13:00 އަށް

           3. އަންދާސީ ހިސާބު ހުށަހެޅުމުގެ ސުންގަޑި – 6 ފެބްރުއަރީ 2025، 13:00 އަށް

           4. މަސައްކަތް ހަވާލުކުރާ ތާރީޚު - 10 ފެބްރުއަރީ 2025

           ,

           މި ބިޑުގައި ބައިވެރިވާން އެދޭ ފަރާތްތަކުން ފޯމު ހުށަހަޅައިގެން ރަޖިސްޓަރީ ކުރެވޭނެއެވެ. ބިޑާ ގުޅޭ މަޢުލޫމާތު ދިނުމުގެ ސެޝަން ކުރިއަށްދާނީ އޮންލައިންކޮށެވެ. ރަޖިސްޓަރީ ކުރުމުން، ބައްދަލުވުމުގެ ލިންކާއެކު ކަށަވަރުކުރުމުގެ އީމެއިލެއް ފޮނުވޭނެއެވެ.

           މަޢުލޫމާތު ދިނުމުގެ ސެޝަންގެ ކުރިން، ރަޖިސްޓަރީވެފައިވާ ހުރިހާ ފަރާތްތަކަށް ތަފްސީލީ ޓާމްސް އޮފް ރިފަރެންސް (TOR) ލިޔުން ފޯރުކޮށްދެވޭނެއެވެ. މި ލިޔުމުގައި މަޝްރޫޢުގެ މަޤްޞަދުތަކާއި، މަސައްކަތުގެ ދާއިރާ، ހުށަހަޅަންޖެހޭ ތަކެތި އަދި އުންމީދުކުރާ ނަތީޖާތައް ބަޔާންކޮށްފައިވާނެއެވެ. މިއީ ބިޑު ހުށަހަޅާ ފަރާތްތަކަށް ބޭނުންވާ ކަންކަން ސާފުކޮށް އޮޅުންފިލުވައިދިނުމަށްޓަކައެވެ.

           ބިޑު ހުޅުވުމުގެ މަރުޙަލާ

           ބިޑު ހުޅުވުން އޮންނާނީ 6 ފެބުރުވަރީ 2025 ވާ ބުރާސްފަތި ދުވަހުގެ 13:00 ގައެވެ. ބިޑު ހުޅުވުން ކުރިއަށްދާނީ ބިޑު ހުށަހަޅާ ފަރާތްތަކުގެ ހާޒިރުގައި އޮންލައިންކޮށެވެ. ބިޑު ހުށަހަޅާނެ ގޮތުގެ އިތުރު ތަފްސީލާއި އިރުޝާދުތައް މަޢުލޫމާތު ދިނުމުގެ ސެޝަންގައި ހިއްސާކުރެވޭނެއެވެ.

           ބިޑު ބާތިލުވާނެ ސަބަބުތައް

           1. ރަޖިސްޓަރީ ނުކުރާ ފަރާތްތަކަށް ބިޑު ހުޅުވުމުގެ މަރުޙަލާގައި ބައިވެރިއެއް ނުވެވޭނެއެވެ.

              1. ސުންގަޑި ހަމަވުމަށްފަހު ހުށަހަޅާ ބިޑުތައް ބަލައެއް ނުގަނެވޭނެއެވެ.

              2. ހުށަހަޅަންޖެހޭ ލިޔެކިޔުންތަކުގެ ތެރެއިން އެއްވެސް ލިޔުމެއް މަދުނަމަ ބިޑު ބާތިލުވާނެއެވެ.

              ތަފްސީލީ ޓާމްސް އޮފް ރިފަރެންސް އަދި ބިޑު ހުށަހަޅަންޖެހޭ ގޮތުގެ ތަފްސީލު މި އިޢުލާނާއެކު އެޓޭޗް ކުރެވިފައިވާނެއެވެ. މީގެ އިތުރުން، ކޮންސަލްޓަންޓުންނަށް ކަނޑައެޅިފައިވާ އިވެލުއޭޝަން ކްރައިޓީރިއާ (މާކްސް ދޭނެ އުސޫލު) ވެސް ވަކިން އެޓޭޗް ކުރެވިފައިވާނެއެވެ.