ބީލަމަށް ދަޢުވަތު - އަލުން އިޢުލާން: ކޮންސަލްޓަންޓުންނަށް އިޢުލާން

ނ. އަތޮޅު އިދާރާއިން "ރީއިމެޖިން ނ. ބިނަވެށި" މަޝްރޫޢުގެ ރީޓެންޑަރގައި ބައިވެރިވުމަށް ޝަރުތު ހަމަވާ ކޮންސަލްޓަންޓުން ހޯދުމަށް ހުޅުވާލަމެވެ. މި މަޝްރޫޢުއަކީ ނ. އަތޮޅުގެ ގުދުރަތީ ވަސީލަތްތަކުގެ މިލްކުވެރިކަން މުޖުތަމަޢުއަށް ހަވާލުކުރުމާއެކު، ހުރިހާ ރަށެއްގެ މުޖުތަމަޢުތަކަށް ދެމެހެއްޓެނިވި މުސްތަޤުބަލެއް ކަށަވަރުކުރުމަށް ކުރެވޭ މުހިންމު މަސައްކަތެކެވެ.

ތަޢާރަފް

"ރީއިމެޖިން ނ. ބިނަވެށި" މަޝްރޫޢުގެ މަޤްޞަދަކީ އެކުލެވޭ އަދި ސްޓްރެޓެޖިކް ޕްލޭނިންގ މަސައްކަތްތަކެއްގެ ތެރެއިން ނ. އަތޮޅުގެ ގުދުރަތީ ވަސީލަތްތައް ބެލެހެއްޓުމާއި ރައްކާތެރިކުރުމުގައި ރަށްރަށުގެ މުޖުތަމަޢުތަކަށް ޙަރަކާތްތެރި ދައުރެއް އަދާކުރެވޭނެ މަގު ފަހިކޮށްދިނުމެވެ. މިހާރު ގިނަ ރަށްރަށުގައި ވަސީލަތްތައް ބޭނުންކުރުމުގައި ހަމަހަމަކަން ގެއްލިފައިވާ ގޮންޖެހުންތަކާ ކުރިމަތިލާންޖެހެއެވެ. ބައެއް މުޖުތަމަޢުތަކުގައި ބިމުގެ ދަތިކަމާއި ހިއްކުމުގެ ޕްރެޝަރު ކުރިމަތިވާއިރު، އަނެއްބައި ރަށްރަށުގައި އާބާދީ މަދުވުމުގެ ސަބަބުން ފުރުޞަތުތައް އެކަށީގެންވާ ގޮތުގައި ބޭނުން ނުކުރެވި ހުރެއެވެ. މި ބައިބައިވުމުގެ ސަބަބުން އިޤްތިޞާދީ ކުރިއެރުން ހަމަހަމަ ނުވެ، ތިމާވެށީގެ ދެމެހެއްޓެނިވިކަމަށް ނުރައްކާތަކެއް ކުރިމަތިވެއެވެ.

މި މަޝްރޫޢުއިން މަސައްކަތްކުރަނީ މުޖުތަމަޢުތަކަށް އެމީހުންގެ ގުދުރަތީ ވަސީލަތްތަކުގެ ބެލެނިވެރިކަން އިތުރަށް ލިބިދޭނެ އެއްހަމަ އޮނިގަނޑެއް އުފެއްދުމަށެވެ. މީގެތެރޭގައި އަތޮޅުގެ ހުރިހާ ރަށެއްގެ މުޖުތަމަޢުތަކުގެ ހަމަހަމަ އަދި ދެމެހެއްޓެނިވި ކުރިއެރުން ކަށަވަރުކުރުމަށްޓަކައި ހަމަހަމަ ބިން ބޭނުންކުރުމާއި، ދެމެހެއްޓެނިވި އުމްރާނީ ތަރައްޤީ، އަދި ތިމާވެށި ރައްކާތެރިކުރުން މައިގަނޑު ތަނބުތަކެއްގެ ގޮތުގައި ބަލައިގަނެވެއެވެ.

ނ. އަތޮޅު އިދާރާގެ ލީޑަރޝިޕްގެ ދަށުން، "ރީއިމެޖިން ނ. ބިނަވެށި" މަޝްރޫޢުއިން އަމާޒުކުރަނީ ފުރިހަމަ އަތޮޅު ބިން ބޭނުންކުރުމުގެ ޕްލޭނެއް (އެލް.ޔޫ.ޕީ) އެކުލަވާލުމަށެވެ. މި ޕްލޭނުން ނ. އަތޮޅުގެ ބޭނުންތަކަށް އަމާޒުކޮށް ދެމެހެއްޓެނިވި ތަރައްޤީ، ވަސީލަތްތަކުގެ މިލްކުވެރިކަން، އަދި ރިޒިލިއަންސް ބިނާކުރުމުގެ އިސްނެގުންތަކަށް ސްޓްރެޓެޖިކް ދިމާއެއް ކަނޑައަޅާނެއެވެ.

މަސައްކަތުގެ މަޤްޞަދުތައް

މި މަޝްރޫޢުއިން ހޯދަނީ ގިނަ ދާއިރާތަކުގެ މާހިރުންގެ ޓީމެއް ލީޑްކޮށް، އެއްގޮތްކުރެވިފައިވާ އަދި ޢަމަލީ އަތޮޅު ބިން ބޭނުންކުރުމުގެ ޕްލޭނެއް އެކުލަވާލާނެ އާރބަން ޕްލޭނިންގ ކޮންސަލްޓަންޓެކެވެ. ކޮންސަލްޓަންޓް ކަށަވަރުކުރަންވާނީ ދެމެހެއްޓެނިވި ތަރައްޤީގެ އުޞޫލުތަކާއި، ރިޒިލިއަންސް ބިނާކުރުމާއި، ނ. އަތޮޅުގެ މުޖުތަމަޢުތަކަށް އެމީހުންގެ ގުދުރަތީ ވަސީލަތްތައް އެކަށީގެންވާ ގޮތުގައި ބެލެހެއްޓޭނެ ބާރުވެރިކަން ދިނުމާ އެއްގޮތްވާ ގޮތުގެމަތިންނެވެ.

މައިގަނޑު ޓީމުގެ މަޤާމުތަކުގެ ތެރޭގައި ހިމެނެނީ:

• އިޤްތިޞާދީ އަދި އިޖްތިމާޢީ ސައިންސް ކޮންސަލްޓަންޓް - އިޖްތިމާޢީ-އިޤްތިޞާދީ ސްޓްރެޓެޖީތަކާއި، ސްޕޭޝަލް އިކޮނޮމީސް، އަދި ދެމެހެއްޓެނިވި ދިރިއުޅުމުގެ ވަސީލަތްތަކަށް އަމާޒުކުރެވިފައި

• ޤާނޫނީ ކޮންސަލްޓަންޓް - ގަވަރނަންސް އޮނިގަނޑުތަކާއި ޤާނޫނީ އެއްގޮތްވުން ކަށަވަރުކުރުމަށް ޒިންމާދާރު

• ދަތުރުފަތުރާއި ލޮޖިސްޓިކްސް ކޮންސަލްޓަންޓް - ދަތުރުފަތުރު، ގުޅުންތައް، އަދި ލޮޖިސްޓިކަލް ހަރުދަނާކަން ރަނގަޅުކުރުމަށް އަމާޒުކުރެވިފައި

• ސަރވޭކުރާ ޓީމް - އަސާސީ މަޢުލޫމާތު، ޗާޓުތައް، އަދި ތިމާވެށީގެ އެސެސްމަންޓްތައް އުފެއްދުމަށް ޙަވާލުކުރެވިފައި

,

އާބަން ޕްލޭނިންގ ކޮންސަލްޓަންޓް، މެތޮޑޮލޮޖީ އެކުލަވާލުމުގައި ހުރިހާ ޓީމް މެންބަރުންނާއި، ކޮމިއުނިޓީ ސްޓޭކްހޯލްޑަރުންނާއި އަދި އެހެނިހެން ގުޅުންހުރި ފަރާތްތަކުގެ ޚިޔާލު ހޯދައި، އެއްބަސްވެފައިވާ މުއްދަތުގެ ތެރޭގައި މަޝްރޫޢުގެ ލަނޑުދަނޑިތައް ހާސިލުކުރުމުގައި ހަރުދަނާކަން ކަށަވަރުކުރަންވާނެއެވެ.

ހުރިހާ ކޮންސަލްޓަންޓުންގެ އާންމު މަސްއޫލިއްޔަތުތައް:

1. ނ. އަތޮޅު ކައުންސިލް، ނ. އެލްއޭސީ އަދި އެހެނިހެން ކޮންސަލްޓަންޓުންނާއެކު މަސައްކަތްކޮށް، ކަނޑައެޅިފައިވާ މުއްދަތުގެ ތެރޭގައި ހުރިހާ ޑެލިވަރަބަލްތައް ނިންމޭނެ ގޮތަށް މަޝްރޫޢުގެ މެތޮޑޮލޮޖީ އެކުލަވާލުން. ސްކޯޕް އޮވަރލެޕްވާ ހިސާބުތަކާއި ރޯލްތައް ސާފުނުވާ ހިސާބުތަކުގައި، މެތޮޑޮލޮޖީ ނިމުމުން ފީތައް އަލުން ނެގޯޝިއޭޓް ކުރެވިދާނެއެވެ.

2. ހުރިހާ ހަރަކާތްތަކެއް ގުޅިލާމެހިފައިވާކަން ކަށަވަރުކުރުމަށް ޓީމް މަޝްވަރާތަކާއި ވަރކްޝޮޕްތަކުގައި ޢަމަލީގޮތުން ބައިވެރިވުން.

3. މަޝްރޫޢުގެ އެހެން ބައިތަކާ ގުޅުވައިގެން، އެމީހުންގެ ދާއިރާގެ ތަޖުރިބާ ފޯރުކޮށްދިނުން.

4. އެއްބަސްވެފައިވާ މެތޮޑޮލޮޖީ އާއި ޓައިމްލައިންއާ އެއްގޮތަށް ފެންވަރު ރަނގަޅު އައުޓްޕުޓްތައް ފޯރުކޮށްދީގެން އަތޮޅު ބިން ބޭނުންކުރުމުގެ ޕްލޭން އެކުލަވާލުމަށް އެހީތެރިވުން.

5. ކުރިއަށްދާ މިންވަރު ރިޕޯޓުކުރުމަށާއި ގޮންޖެހުންތަކަށް ހައްލު ހޯދުމަށް ނ. އަތޮޅު ކައުންސިލް އަދި ނ. އެލްއޭސީއާއެކު ގަވާއިދުން ބާއްވާ ކޯޑިނޭޝަން ބައްދަލުވުންތަކުގައި ބައިވެރިވުން.

6. ހުރިހާ ޑެލިވަރަބަލްތަކެއް ދެމެހެއްޓެނިވި ތަރައްޤީގެ ލަނޑުދަނޑިތަކާއި (އެސްޑީޖީ) އަދި ނ. އަތޮޅު ކައުންސިލްގެ އުސޫލުތަކާއި އިޢުލާންތަކާ އެއްގޮތްވާކަން ކަށަވަރުކުރުން.

މައިގަނޑު މަޝްރޫޢު ހަރަކާތްތައް

1. ކޮމިއުނިޓީގެ ބޭނުންތައް ދެނެގަތުން

2. އުސޫލުތައް ޤަބޫލުކުރުން

3. ދެމެހެއްޓެނިވި ރަށްތަކާއި އަތޮޅުގެ އޮނިގަނޑު އެކުލަވާލުން

4. މިހާރު ހުރި ވަސީލަތްތަކާއި ބިން ބޭނުންކުރެވޭގޮތް ވަޒަންކުރުން

5. އިދާރީ އޮނިގަނޑު އެކުލަވާލުން

6. އަތޮޅު ބިން ބޭނުންކުރުމުގެ ޕްލޭން އެކުލަވާލުން

7. އެކުވެގެންވާ އަތޮޅު ތަރައްޤީގެ ފޯރަމް

މުހިންމު ތާރީޚުތަކާއި ގަޑިތައް

1. ރަޖިސްޓްރޭޝަން - 21 އިން 25 ޖަނަވަރީ 2025، 00:00

2. ބިޑް މަޢުލޫމާތު ސެޝަން - 27 ޖަނަވަރީ 2025، 15:00

3. ބިޑް ސާފުކުރުން - 28 އިން 30 ޖަނަވަރީ 2025، 13:00

4. ބިޑް ހުށަހެޅުމުގެ ސުންގަޑި - 6 ފެބްރުއަރީ 2025، 13:00

5. އެވޯޑް ތާރީޚް - 10 ފެބްރުއަރީ 2025

,

ބީލަމުގައި ބައިވެރިވުމަށް ޝައުޤުވެރިވާ ފަރާތްތަކަށް ފޯމު ހުށަހަޅައިގެން ރަޖިސްޓްރީ ކުރެވޭނެއެވެ. ބީލަމުގެ މަޢުލޫމާތު ސެޝަން އޮންނާނީ އޮންލައިންކޮށެވެ. ރަޖިސްޓްރީވުމުން، ބައްދަލުވުމުގެ ލިންކް ހިމެނޭ ކަށަވަރުކުރުމުގެ އީމެއިލެއް ފޮނުވޭނެއެވެ.

ބީލަމުގެ މަޢުލޫމާތު ސެޝަން އޮތުމުގެ ކުރިން ރަޖިސްޓްރީވެފައިވާ ހުރިހާ ބީލަންވެރިންނަށް ތަފްޞީލީ ޓާރމްސް އޮފް ރެފަރެންސް ލިޔުމެއް ފޯރުކޮށްދެވޭނެއެވެ. މި ލިޔުމުގައި މަޝްރޫޢުގެ ވަކި މަޤްޞަދުތަކާއި، ސްކޯޕާއި، ނަތީޖާތަކާއި އަދި އުންމީދުތައް ބަޔާންކޮށްފައިވާނެއެވެ. މިއީ ބީލަންވެރިންނަށް ބޭނުންވާ ކަންތައްތައް ސާފުކޮށް އެނގޭނެ ގޮތަށެވެ.

ބީލަން ހުޅުވުމުގެ ޕްރޮސެސް

ބީލަންތައް ހުޅުވާނީ 6 ފެބްރުއަރީ 2025 ވަނަ ދުވަހުގެ 13:00 ގައި ބީލަންވެރިންގެ ހާޒިރުގައެވެ. މި ޕްރޮސެސް ކުރިއަށްދާނީ އޮންލައިންކޮށެވެ. ހުށަހެޅުމާ ގުޅޭ އިތުރު ތަފްޞީލުތަކާއި އިރުޝާދުތައް މަޢުލޫމާތު ސެޝަންގައި ދެވޭނެއެވެ.

ބީލަން ބާޠިލުކުރެވޭނެ ސަބަބުތައް

1. ރަޖިސްޓްރީ ނުކުރާ ބީލަންވެރިންނަށް ބީލަން ހުޅުވުމުގައި ބައިވެރިއެއް ނުވެވޭނެއެވެ.

   1. ސުންގަޑި ހަމަވުމަށްފަހު ހުށަހަޅާ ހުށަހެޅުންތައް ބާޠިލުކުރެވޭނެއެވެ.

   2. ހުށަހެޅުމުގެ ޝަރުޠުތަކުގައި ބަޔާންކޮށްފައިވާ އެއްވެސް މަޖުބޫރު ލިޔެކިޔުމެއް މަދުވާނަމަ ބާޠިލުކުރެވޭނެއެވެ.

   ތަފްޞީލީ ޓާރމްސް އޮފް ރެފަރެންސް އަދި ހުށަހެޅުމުގެ ޝަރުޠުތައް މިއާއެކު އެޓޭޗްކުރެވިފައިވާނެއެވެ.
   ކޮންމެ ކޮންސަލްޓަންޓަކަށް ހުށަހެޅުމުގެ ތަފްޞީލުތަކާއި އިވެލުއޭޝަން ކްރައިޓީރިއާ މި އިޢުލާނާއެކު ވަކިން އެޓޭޗްކުރެވިފައިވާނެއެވެ.