ބީލަމަށް ދަޢުވަތު: އެކްސްޓަރނަލް އޯޑިޓް ޚިދުމަތް ފޯރުކޮށްދިނުން

ތަޢާރަފު:

ނޫނު އަތޮޅު އެލް.އޭ.ސީ. ލިމިޓެޑަކީ ނޫނު އަތޮޅު ކައުންސިލްގެ 100 އިންސައްތަ ހިއްސާ އޮންނަ، ދިވެހިރާއްޖޭގެ ކުންފުނީގެ ޤާނޫނު (07/2023) ގެ ދަށުން 2023 ވަނަ އަހަރު ރަޖިސްޓްރީކޮށްފައިވާ ކުންފުންޏެކެވެ. މި ކުންފުނީގެ މައިގަނޑު މަޤްޞަދުތަކުގެ ތެރޭގައި ފަތުރުވެރިކަން ތަރައްޤީކުރުން، އިއާދަކުރަނިވި ހަކަތަ، ދަނޑުވެރިކަން، ކުނި މެނޭޖްކުރުމާއި ރީސައިކަލްކުރުން، ޔުޓިލިޓީ ޚިދުމަތްތައް، އަދި ނޫނު އަތޮޅު ކައުންސިލުން ހަވާލުކުރާ އެހެނިހެން މަޝްރޫޢުތަކާއި މަސައްކަތްތައް ހިމެނެއެވެ.

މަޤްޞަދު:

• 31 ޑިސެމްބަރު 2023 އަދި 31 ޑިސެމްބަރު 2024 އަށް ނިމުނު މާލީ އަހަރުތަކުގެ ނޫނު އަތޮޅު އެލް.އޭ.ސީ. ލިމިޓެޑްގެ މާލީ ބަޔާންތަކުގެ ސައްޙަކަމާއި ފުރިހަމަކަމާ މެދު މިނިވަން އެސެސްމަންޓެއް ހަދައި ރައުޔެއް ފާޅުކުރުން.

  އޮޑިޓްގެ ދާއިރާ:

  • އެކްސްޓަރނަލް އޮޑިޓްގެ ތެރޭގައި، މި އިޢުލާނާއެކު އެޓޭޗްކުރެވިފައިވާ ޓާމްސް އޮފް ރިފަރެންސް (TOR) ގައި ބަޔާންކޮށްފައިވާ ފަދައިން، ކުންފުނީގެ މާލީ ބަޔާންތައް ބަލައި ތަޙުޤީޤުކުރުން ހިމެނެއެވެ.

    އޮޑިޓަރުގެ ޝަރުޠުތަކާއި ބޭނުންވާ ކަންތައްތައް:

    • ޝައުޤުވެރިވާ އޮޑިޓް ފާމްތަކަކީ ޓާމްސް އޮފް ރިފަރެންސް (TOR) ގައި ބަޔާންކޮށްފައިވާ އެންމެ މަދުވެގެން ފުރިހަމަވާންޖެހޭ ޝަރުޠުތައް ހަމަވާ ފަރާތްތަކަކަށް ވާންޖެހޭނެއެވެ.

      ޕްރޮޕޯޒަލް ހުށަހެޅުމުގައި ބޭނުންވާ ކަންތައްތައް:

      • ޝައުޤުވެރިވާ ފަރާތްތަކުން ހުށަހަޅާ ޕްރޮޕޯޒަލަކީ ޓާމްސް އޮފް ރިފަރެންސް (TOR) ގައި ބަޔާންކޮށްފައިވާ ހުރިހާ މަޢުލޫމާތެއް ހިމެނޭ ފުރިހަމަ ޕްރޮޕޯޒަލަކަށް ވާންޖެހޭނެއެވެ.

        އިވެލުއޭޝަން ކްރައިޓީރިއާ (ބިޑް ވަޒަންކުރާނެ ގޮތް):

        • އެކްސްޓަރނަލް އޮޑިޓަރަކު ހޮވުމުގައި ބަލާނީ ޓާމްސް އޮފް ރިފަރެންސް (TOR) ގައި ބަޔާންކޮށްފައިވާ މިންގަނޑުތަކަށެވެ.

          ހުށަހަޅަންޖެހޭ ސުންގަޑި:

          • 18 މެއި 2025 ގެ 14:00 އަށް.

            ހުށަހަޅަންޖެހޭ ގޮތުގެ އިރުޝާދު:

            • ޝައުޤުވެރިވާ ފަރާތްތަކުން ރަޖިސްޓްރޭޝަން ފޯމް ފުރިހަމަކުރުމަށްފަހު، 10 މެއި 2025 ގެ 16:00 ގެ ކުރިން މި ރަޖިސްޓްރޭޝަން ލިންކް މެދުވެރިކޮށް އީމެއިލް ކުރަންވާނެއެވެ.

              މި ދެންނެވި ތާރީޚުގެ ކުރިން ރަޖިސްޓްރީ ނުކުރާ ފަރާތްތަކަށް މި ބިޑްގައި ބައިވެރިވުމުގެ ފުރުޞަތެއް ނޯންނާނެއެވެ.

              މުހިންމު ތާރީޚުތައް:

              • ރަޖިސްޓްރޭޝަން ހުޅުވާލުން: 4 އިން 9 މެއި 2025 އަށް، 14:00 ގައި (އޮންލައިންކޮށް: މި ރަޖިސްޓްރޭޝަން ލިންކް މެދުވެރިކޮށް)

                • ,

                  ރަޖިސްޓްރީވުމުގެ ސުންގަޑި: 10 މެއި 2025، 16:00 ގައި

                • މައުލޫމާތު ސެޝަން: 10 މެއި 2025، 12:30 ގައި (ޓީމްސް މެދުވެރިކޮށް)

                • ބިޑާ ގުޅޭ ސުވާލު ހުށަހެޅުން: 11 އިން 15 މެއި 2025، 16:00 އަށް

                • ސުވާލުތަކުގެ ޖަވާބު ދިނުން: 16 މެއި 2025، 16:00 ގައި

                • ބިޑް ހުށަހެޅުމާއި ހުޅުވުން: 18 މެއި 2025، 14:00 ގައި (އޮންލައިންކޮށް: މީޓިންގ ލިންކް ރަޖިސްޓްރީވެފައިވާ ފަރާތްތަކަށް 17 މެއި 2025 ގެ 14:00 ގެ ކުރިން ފޮނުވޭނެއެވެ)

                • ހޮވުނު ފަރާތް އެންގުން: 22 މެއި 2025

                • ޝަކުވާ ހުށަހެޅުމުގެ ސުންގަޑި: 25 މެއި 2025، 16:00 ގައި

                • ކޮންޓްރެކްޓް ހަވާލުކުރުން: 01 ޖޫން 2025

                ޕޮއިންޓް ދޭނެ އުސޫލު:

                ޕްރޮޕޯސަލްތައް ވަޒަންކުރާނީ އަންނަަނިވި ކަންކަމަށް ބަލައިގެންނެވެ:

                • އަގު (20%): އެންމެ ކުޑަ އަގު ހުށަހަޅާ ފަރާތަށް ބަލައިގެން އެހެން ފަރާތްތަކަށް ޕޮއިންޓް ދެވޭނެއެވެ.

                  • ތަޖުރިބާ (80%): މިފަދަ މަޝްރޫއުތައް ހިންގާފައިވާ މިންވަރަށާއި، ރެފަރެންސް ސިޓީތަކާއި ފަންނީ ގާބިލުކަމަށް ބަލައި ޕޮއިންޓް ދެވޭނެއެވެ.

                  ބޭނުންވާ ލިޔެކިޔުންތައް:

                  • ކުންފުނީގެ ޕްރޮފައިލް

                    • ބިޑް ހުށަހަޅާ ފަރާތުގެ ރެފަރެންސްތައް

                    • މަސައްކަތުގެ ދާއިރާއާ (scope of work) ގުޅޭގޮތުން ހުށަހަޅާ ޚިޔާލާއި މަޝްވަރާ

                    • މަސައްކަތް ކުރިއަށް ގެންދާނެ ގޮތުގެ ތަފްސީލު (methodology)

                    • ޓީމުގައި ހިމެނޭ މީހުންނާއި މަސައްކަތްތައް ބަހާލެވިފައިވާ ގޮތް

                    • ހުށަހަޅާ އަގު

                    • ބިޑް ޑޭޓާގައި ބަޔާންކޮށްފައިވާ އިތުރު ފޯމުތައް

                    ހުށަހަޅަންޖެހޭ ގޮތް:

                    ޝައުގުވެރިވާ ފަރާތްތަކުން ނުވަތަ ކުންފުނިތަކުން ޕްރޮޕޯސަލްތައް finance@noonunaturally.com އަށް މަތީގައިވާ ގަޑީގެ ކުރިން ފޮނުއްވުން އެދެމެވެ.