ބީލަމަށް ދަޢުވަތު - ލީގަލް ކޮންސަލްޓަންޓް

ނ. އަތޮޅު ކައުންސިލްގެ އިދާރާއިން “ރީއިމޭޖިން ނޫނު ބިނާވެށި” މަޝްރޫޢަށް ކުރިމަތިލުމުގެ ފުރުޞަތު ހުޅުވާލައިފީމެވެ. މި މަޝްރޫޢަކީ ދެމެހެއްޓެނިވި ތަރައްޤީއަށް މަގުފަހިކުރުމަށާއި، ބިމުގެ ވަސީލަތްތަކުގެ ބޭނުން އެންމެ ފުރިހަމަ ގޮތުގައި ހިފުމަށާއި، މޫސުމަށް އަންނަ ބަދަލުތަކާއި ގަވަރނަންސްގެ ދާއިރާއިން ނޫނު އަތޮޅުގެ ރަށްތަކަށް ކުރިމަތިވަމުންދާ ބޭނުންތަކަށް ޙައްލު ހޯދައިދިނުމަށްޓަކައި، އަތޮޅުގެ ބިނާވެށީގެ ޕްލޭނެއް (ލޭންޑް ޔޫސް ޕްލޭން) އެކުލަވާލުމަށް ހިންގޭ މަޝްރޫޢެކެވެ. މި ތަޞައްވުރު ޙަޤީޤަތަކަށް ހެދުމަށްޓަކައި، މި މަސައްކަތުގައި ޓީމެއްގެ ގޮތުގައި ބައިވެރިވެވަޑައިގަންނަވާނެ ލީގަލް ކޮންސަލްޓަންޓް ނުވަތަ ޤާނޫނީ މުޝީރެއް ހޯދުމަށް ބީލަން ހުށަހެޅުމުގެ ފުރުޞަތު ހުޅުވާލަމެވެ.

މަޝްރޫޢުގެ ޚުލާޞާ

ނ. އަތޮޅު ކައުންސިލްގެ އިދާރާއިން ކުރިއަށްގެންދާ “ރީއިމޭޖިން ނޫނު ބިނާވެށި” މަޝްރޫޢުގެ ލީގަލް ކޮންސަލްޓަންޓެއްގެ ހައިސިއްޔަތުން، ދެމެހެއްޓެނިވި އަދި ޤާނޫނީ އޮނިގަނޑުގެ ތެރެއިން އެކުލަވާލެވޭ ބިނާވެށީގެ ޕްލޭނެއް ތައްޔާރުކުރުމަށް ބޭނުންވާ މުހިންމު މަސައްކަތްތަކެއް ކުރަންޖެހޭނެއެވެ. މީހުން ދިރިއުޅޭ ރަށްތަކާއި ފަޅުރަށްތަކުގެ އިތުރުން، އެ ރަށްރަށާ ގުޅިފައިވާ ފަރުތަކާއި ފަޅުތަކާ ގުޅޭ ޤާނޫނީ ގޮންޖެހުންތަކަށް ޙައްލު ހޯދުމުގައި ކޮންސަލްޓަންޓް އިސް ދައުރެއް އަދާކުރަންޖެހޭނެއެވެ. މީގެ ތެރޭގައި، ލާމަރުކަޒީ އުޞޫލުތަކާ އެއްގޮތްވާ ގޮތުގެ މަތިން، މި ވަސީލަތްތައް ހަމަހަމަކަމާއެކު ބެލެހެއްޓޭނެ ގޮތްތަކާ ގުޅޭގޮތުން ފަންނީ ލަފާދިނުން ހިމެނެއެވެ.

މި މަޤާމުގެ މުހިންމު އެއް ޒިންމާއަކީ ފަޅުރަށްރަށް ކުއްޔަށް ދިނުމާ ގުޅޭގޮތުން ހުރި ޤާނޫނީ މައްސަލަތަކާ ޙަވާލުވެ، އެ މައްސަލަތައް ޙައްލުކުރުމެވެ. އަދި ލާމަރުކަޒީ ޤާނޫނަށް ތަބާވުމާއި، މަރުކަޒީ ސަރުކާރުގެ ނިންމުންތަކުގެ ސަބަބުން ކުރިމަތިވެދާނެ ޚިޔާލުތަފާތުވުންތަކަށް ޙައްލު ހޯދުން ހިމެނެއެވެ. ކޮންސަލްޓަންޓްގެ މަސައްކަތުން ނޫނު އަތޮޅުގެ ރަށްތަކުގެ ޙައްޤުތަކާއި އަމިއްލަ އިޚްތިޔާރު ރައްކާތެރިކޮށްދީ، މުޅި އަތޮޅުގައި ދެމެހެއްޓެނިވި ތަރައްޤީއަށް މަގުފަހިވެގެންދާނެއެވެ. ފުރިހަމަ ޤާނޫނީ ލަފާގެ އެހީގައި، ރަށު ފެންވަރުގެ އަގުތަކަށް އިޙްތިރާމްކުރާ، ލާމަރުކަޒީ ނިޒާމަށް ބާރުދޭ، އަދި އަތޮޅުގެ ރައްޔިތުންނަށް ދިގު މުއްދަތުގެ ތަނަވަސްކަން ގެނެސްދޭނެ ބިނާވެށީގެ ޕްލޭނެއް އެކުލަވާލުމަށް މަގުފަހިވެގެންދާނެއެވެ.

ހޮވޭ ކޮންސަލްޓަންޓް މަސައްކަތް ކުރައްވާނީ ނ. އަތޮޅު ކައުންސިލްގެ އިދާރާއާއި އެކި ދާއިރާތަކުގެ ފަންނީ މާހިރުން ހިމެނޭ ޓީމަކާ ގުޅިގެންނެވެ. މި ޓީމުން ގުޅިގެން ތިިރީގައިވާ މުހިންމު ނަތީޖާތައް ޙާޞިލުކުރާނެއެވެ:

1. ރައްޔިތުންގެ ބޭނުންތައް ދެނެގަތުމަށް ފުރިހަމަ އެސެސްމަންޓެއް ހެދުން.

   1. ރަށްތަކާއި އަތޮޅުގެ ކުރިއެރުމަށް ބޭނުންވާ "ރެސިލިއަންޓް އައިލެންޑްސް އެންޑް އަތޮޅު ފްރޭމްވޯކް" އެކުލަވާލުން.

   2. އަތޮޅުގެ ރަސްމީ ބިނާވެށީގެ ޕްލޭން (ލޭންޑް ޔޫސް ޕްލޭން) ތައްޔާރުކުރުން.

   މި ޕްލޭނަކީ ހުރިހާ ދާއިރާއަކުން ފުރިހަމަ ޕްލޭނަކަށް ހެދުމަށްޓަކައި، ކޮންސަލްޓަންސީ ޓީމުގައި ތިރީގައިވާ ދާއިރާތަކުގެ މާހިރުންވެސް ހިމެނޭނެއެވެ:

   • އާބަން ޕްލޭނިންގ (ރަށްވެހި ފަރުމާކުރުން)

     • އިޤްތިޞާދީ އަދި އިޖުތިމާޢީ ޢިލްމު

     • ދަތުރުފަތުރާއި ލޮޖިސްޓިކްސް

     • ސާވޭކުރުން

     މި މާހިރުންގެ ފަރާތުން ލިބޭ ފަންނީ މަޢުލޫމާތާއި ދިރާސާތަކުގެ އެހީގައި، އެކުލަވާލެވޭ ބިނާވެށީގެ ޕްލޭނަކީ ހަރުދަނާ، ހުރިހާ ފަރާތްތަކެއް ޝާމިލުވާ، އަދި އަތޮޅުގެ ތަފާތު ބޭނުންތަކަށް ފެތޭ ޕްލޭނެއްކަން ކަށަވަރުކުރެވޭނެއެވެ.

     މަސައްކަތުގެ ދާއިރާއާއި ޙާޞިލުކުރަންޖެހޭ ނަތީޖާތައް

     ,

     ކޮންސަލްޓަންސީގެ ކޮންމެ ރޯލަކަށް ކަނޑައެޅިފައިވާ މަސައްކަތްތަކާއި ޒިންމާތަކުގެ ތަފްސީލު "ޓާމްސް އޮފް ރިފަރެންސް" (TOR) ލިޔުމުގައި ބަޔާންކުރެވިފައިވާނެއެވެ. ޕްރޮޕޯޒަލް ހުށަހެޅުމުގެ ކުރިން، ޝައުގުވެރިވާ ކޮންސަލްޓަންޓުން TOR ރަނގަޅަށް ދިރާސާކުރުމަށް އަންގަމެވެ.

     މަސައްކަތުގެ މެތޮޑޮލޮޖީގައި ކަނޑައެޅިފައިވާ އަދި ނޫނު އަތޮޅު ކައުންސިލް ނުވަތަ އެލް.އޭ.ސީ (LAC) އިން ހުއްދަދޭ ގޮތުގެ މަތިން، ނޫނު އަތޮޅަށް ކުރަންޖެހޭ ދަތުރުތަކުގެ ޓިކެޓާއި، ހުރުމާއި، އަދި ކެއުމުގެ ހަރަދުތައް ހަމަޖައްސާނީ ނޫނު އަތޮޅު ކައުންސިލް/ނޫނު އެލް.އޭ.ސީ އިންނެވެ. އެހެންކަމުން، މި ހަރަދުތައް ހުށަހަޅާ ފީގެ ތެރޭގައި ހިމަނައިގެން ނުވާނެއެވެ. ކޮންސަލްޓަންޓުން ފީ ހުށަހަޅަންވާނީ ތިރީގައިވާ މަސައްކަތްތަކަށެވެ:

     މި މަޝްރޫޢުގެ ދަށުން ފުރިހަމަކުރަންޖެހޭ މަސައްކަތްތަކާއި، އެ މަސައްކަތްތަކަށް ހުށަހަޅާ ފީ (ދިވެހި ރުފިޔާއިން) ތިރީގައި ބަޔާންކުރެވިފައި އެވަނީއެވެ:

     1. ޕްރޮޖެކްޓް މެތޮޑޮލޮޖީ ފައިނަލްކުރުން

        1. މުޖުތަމައުގެ ބޭނުންތައް ދެނެގަތުމުގެ އެސެސްމަންޓް ހެދުން

        2. މަސައްކަތުގެ މައިގަނޑު އުސޫލުތައް (Guiding Principles) ގަބޫލުކުރުން

        3. ރެޒިލިއަންޓް އައިލެންޑްސް އެންޑް އަތޮޅު ފްރޭމްވޯކް އެކުލަވާލުން

        4. މިހާރު ހުރި ވަސީލަތްތަކާއި ބިން ބޭނުންކުރާ ގޮތް އިވެލުއޭޓްކުރުން

        5. އިދާރީ އޮނިގަނޑު (Administrative Framework) އެކުލަވާލުން

        6. އަތޮޅު ލޭންޑް ޔޫސް ޕްލޭން އެކުލަވާލުން

        7. އިންޓެގްރޭޓެޑް އަތޮޅު ޑިވެލޮޕްމަންޓް ފޯރަމް ބޭއްވުން

        8. ފަޅުރަށްތައް ކުއްޔަށް ދިނުމާ ގުޅޭ ގާނޫނީ މައްސަލަތަކާ ހަވާލުވުން

        ނޯޓް: ވަކި ހާއްސަ ދާއިރާތަކަށް ކުރިމަތިލާ ކޮންސަލްޓަންޓުން ފީ ހުށަހަޅަންވާނީ ހަމައެކަނި އެ ބޭފުޅެއްގެ ތަޖުރިބާއާ ގުޅޭ މަސައްކަތްތަކަށެވެ.

        ބިޑް ކުރުމުގެ މަރުހަލާ

        މުހިންމު ތާރީޚުތަކާއި ވަގުތުތައް

        1. ރަޖިސްޓްރީވުން – 18 އިން 30 ޑިސެމްބަރު 2024، 13:00 އަށް

           1. ބިޑް މައުލޫމާތު ސެޝަން – 31 ޑިސެމްބަރު 2024، 13:00 ގައި

           2. މައުލޫމާތު ސާފުކުރުން – 1 އިން 4 ޖެނުއަރީ 2025، 13:00 އަށް

           3. ބިޑް ހުށަހެޅުމުގެ ސުންގަޑި – 8 ޖެނުއަރީ 2025، 13:00 ގައި

           ބިޑުގައި ބައިވެރިވުމަށް ޝައުގުވެރިވާ ފަރާތްތަކުން މި ފޯމު ފުރިހަމަކުރައްވައި ރަޖިސްޓްރީ ކުރެއްވޭނެއެވެ. ބިޑް މައުލޫމާތު ސެޝަން ކުރިއަށްދާނީ އޮންލައިންކޮށެވެ. ރަޖިސްޓްރީވުމުން، ބައްދަލުވުމުގެ ލިންކާއެކު ކޮންފާމޭޝަން އީމެއިލެއް ފޮނުވޭނެއެވެ.

           ބިޑް މައުލޫމާތު ސެޝަންގެ ކުރިން، ރަޖިސްޓްރީވެފައިވާ ހުރިހާ ފަރާތްތަކަށް ތަފްސީލީ TOR ލިޔުން ފޮނުވޭނެއެވެ. މި ލިޔުމުގައި މަޝްރޫޢުގެ މަގްސަދުތަކާއި، މަސައްކަތުގެ ދާއިރާ، ހުށަހަޅަންޖެހޭ ތަކެތި އަދި އުންމީދުކުރާ ނަތީޖާތައް ބަޔާންކޮށްފައިވާނެއެވެ. މިއީ ބިޑްކުރާ ފަރާތްތަކަށް ބޭނުންވާ ކަންކަން ސާފުކޮށް އޮޅުންފިލުވައިދިނުމަށްޓަކައެވެ.

           ބިޑް ހުޅުވުމުގެ މަރުހަލާ

           ,

           އަންދާސީހިސާބު ހުޅުވުން އޮންނާނީ 8 ޖެނުއަރީ 2025 ވާ ބުދަ ދުވަހުގެ 13:00 ގައި، އަންދާސީހިސާބު ހުށަހަޅާ ފަރާތްތަކުގެ ހާޒިރުގައެވެ. މިކަން ކުރިއަށްދާނީ ނ. އަތޮޅު ކައުންސިލް އިދާރާ، ނ. މަނަދޫ، ދިވެހިރާއްޖޭގައެވެ. އިލެކްޓްރޯނިކް ޒަރީޢާއިން ފޮނުވާ އަންދާސީހިސާބުތައް ބަލައެއް ނުގަނެވޭނެއެވެ. ހުރިހާ ލިޔެކިޔުންތަކެއް ހުންނަންވާނީ ބަންދުކުރެވިފައިވާ އެއް ސިޓީއުރައެއްގައެވެ. އަދި ސިޓީއުރައިގެ ބޭރުގައި ހުށަހަޅާ ފަރާތުގެ ނަމާއި އިޢުލާން ނަންބަރު ލިޔެފައި އޮންނަންވާނެއެވެ.

           އަންދާސީހިސާބު ބާތިލުވާނެ ސަބަބުތައް

           1. ރަޖިސްޓްރީ ނުކުރާ ފަރާތްތަކަށް އަންދާސީހިސާބު ހުށަހެޅުމުގެ ފުރުޞަތެއް ނޯންނާނެއެވެ.

              1. މަޢުލޫމާތު ސާފުކުރުމުގެ ސެޝަނަށް ހާޒިރުވުމަކީ މަޖުބޫރު ކަމެކެވެ. ހާޒިރުނުވާ ފަރާތްތަކަށް އަންދާސީހިސާބު ހުށަހެޅުމުގެ ފުރުޞަތެއް ނޯންނާނެއެވެ.

              2. ގަޑިޖެހުމަށްފަހު ހުށަހަޅާ އަންދާސީހިސާބުތައް ބަލައެއް ނުގަނެވޭނެއެވެ.

              3. ހުށަހަޅަންޖެހޭ ލިޔެކިޔުންތަކުގެ ތެރެއިން ލިޔުމެއް މަދުވެއްޖެނަމަ އަންދާސީހިސާބު ބާތިލުވާނެއެވެ.

              ހުށަހަޅަންޖެހޭ ތަކެތި

              ޝައުޤުވެރިވާ ކޮންސަލްޓަންޓުން ނުވަތަ ކުންފުނިތަކުން ޕްރޮޕޯޒަލްއާއެކު ތިރީގައިވާ ތަކެތި ހުށަހަޅަންވާނެއެވެ:

              1. ޓެކްނިކަލް ޕްރޮޕޯޒަލް

                 • މަސައްކަތް ކުރިއަށް ގެންދާނެ ގޮތުގެ ތަފްސީލީ މެތޮޑޮލޮޖީ.

                   • މަސައްކަތުގެ ތަފްސީލީ ތާވަލު (ވޯކް ޕްލޭން).

                   • ކޮންސަލްޓިންގ ޓީމުގައި ހިމެނޭ މެންބަރުން (ޓީމެއްގެ ގޮތުގައި ހުށަހަޅާނަމަ).

                   2. ފައިނޭންޝަލް ޕްރޮޕޯޒަލް

                   • ފުރިހަމަކޮށްފައިވާ ފީ ޕްރޮޕޯޒަލް ތާވަލު (ހުރިހާ މަސައްކަތްތަކެއް ހިމެނޭ ގޮތަށް).

                     3. ޤާބިލުކަމާއި ތަޖުރިބާ

                     • މުހިންމު މުވައްޒަފުންގެ ވަނަވަރު (CV).

                       • މީގެ ކުރިން ކޮށްފައިވާ މިފަދަ މަސައްކަތްތަކުގެ ޕޯޓްފޯލިއޯ.

                       • ކުރިން މަސައްކަތް ކޮށްދީފައިވާ ފަރާތްތަކުގެ ރެފަރެންސް ސިޓީ.

                       4. ޤާނޫނީ އަދި އިދާރީ ލިޔެކިޔުންތައް

                       • ކުންފުނީގެ ރަޖިސްޓްރީގެ ކޮޕީ (ކުންފުންޏެއް ނަމަ).

                         • ޖީ.އެސް.ޓީ ރަޖިސްޓްރޭޝަން ސެޓުފިކެޓު (އޮތް ނަމަ).

                         • މުއްދަތު ހަމަނުވާ (ފާއިތުވި 6 މަސްދުވަހުގެ) ޓެކްސް ކްލިއަރެންސް ރިޕޯޓު.

                         • ގުޅޭނެ މަޢުލޫމާތު (ނަން، މަޤާމު، ފޯނު ނަންބަރު، އީމެއިލް).

                         • ޓެކްސް ކޮމްޕްލަޔަންސް ސެޓުފިކެޓު (އޮތް ނަމަ).

                         އިވެލުއޭޓް ކުރާނެ މިންގަނޑު

                         ޕްރޮޕޯޒަލްތައް އިވެލުއޭޓް ކުރެވޭނީ ތިރީގައިވާ މިންގަނޑުންނެވެ:

                         1. ޓެކްނިކަލް ޕްރޮޕޯޒަލް (40%)

                            • މަޝްރޫޢުގެ މަޤްޞަދުތަކާއި މަސައްކަތުގެ ދާއިރާ (Scope of Work) ދެނެގަނެފައިވާ މިންވަރު.

                              • ހުށަހަޅާފައިވާ މެތޮޑޮލޮޖީ އާއި ވޯކް ޕްލޭންގެ ފެންވަރާއި އެކަން ކުރެވިދާނެ މިންވަރު.

                              2. ޤާބިލުކަމާއި ތަޖުރިބާ (30%)

                              • މިފަދަ މަސައްކަތްތައް ކުރުމުގެ ތަޖުރިބާ.

                                • ހުށަހަޅާފައިވާ ފަރުދުންގެ ނުވަތަ ޓީމުގެ ފަންނީ ޤާބިލުކަން.

                                  ,

                                3. މާލީ ހުށަހެޅުން (20%)

                                • ޚަރަދަށް ބަލާއިރު ނަތީޖާ ރަނގަޅުވުމާއި އަގާ އެކަށީގެންވާ ފެންވަރުގެ ޚިދުމަތެއް ލިބުން.

                                  4. ރެފަރެންސް އަދި ކުރީގެ މަސައްކަތްތައް (10%)

                                  • ކުރިން ޚިދުމަތް ހޯދާފައިވާ ފަރާތްތަކުގެ ޚިޔާލު.

                                    • މީގެ ކުރިން ކޮށްފައިވާ މިފަދަ މަސައްކަތްތަކުގެ ޕޯޓްފޯލިއޯ ހުށަހެޅުން.

                                    މި މަޝްރޫޢަށް ތިޔަ ފަރާތްތަކުގެ ބިޑުތައް ލިބުމަށާއި، “ރީއިމޭޖިން ނޫނު ބިނާވެށި” މަޝްރޫޢު ކާމިޔާބުކަމާއެކު ކުރިއަށް ގެންގޮސް، ނޫނު އަތޮޅަށް ދެމެހެއްޓެނިވި ކުރިއެރުން ހޯދައިދިނުމަށް ހުނަރުވެރި ފަންނީ ފަރާތްތަކާއެކު މަސައްކަތް ކުރުމަށް އަޅުގަނޑުމެން އުންމީދު ކުރަމެވެ.