ޑިޖިޓަލް ގަވަރނަންސް އަދި މުޖުތަމަޢު ބާރުވެރިކުރުމަށް ހިތްވަރުގަދަ ތަޞައްވުރަކާއެކު ޑިޖިގަވް ސަމިޓް 2024 ނިމުމަކަށް

ޑިޖިގަވް ސަމިޓް 2024 ނޫނު މަނަދޫގައި ކާމިޔާބުކަމާއެކު ނިންމާލައިފިއެވެ. މި ސަމިޓަކީ ސިޔާސަތު ކަނޑައަޅާ ފަރާތްތަކާއި، ޓެކްނޮލޮޖީ އީޖާދުކުރާ ފަރާތްތަކާއި، އަދި މުޖުތަމައުގެ އިސްވެރިން އެއްތަނަކަށް އެއްވެ، ޑިޖިޓަލް އީޖާދުތަކުގެ އެހީގައި ވެރިކަން ހިންގުމުގެ ނިޒާމަށް އިންގިލާބީ ބަދަލުތަކެއް ގެނައުމަށް އަމާޒުކޮށްގެން މަޝްވަރާކޮށް ހިޔާލު ބަދަލުކުރުމަށް ބޭއްވުނު ބައްދަލުވުމެކެވެ. 2024 ޑިސެމްބަރު 28 އިން 31 އަށް ބޭއްވުނު މި ތާރީޚީ ހަރަކާތަކީ ރައްޔިތުންނަށް އިސްކަންދޭ ވެރިކަމެއް ގާއިމުކުރުމަށާއި މޫސުމީ ބަދަލުތަކަށް ކެތްތެރި ނިޒާމުތައް ކުރިއެރުވުމަށް ބައިނަލްއަގުވާމީ ފެންވަރުގައި ބޭއްވުނު މުހިންމު މަންސައެކެވެ.

"ޑިޖިޓަލް އިންފްރާސްޓްރަކްޗަރ މެދުވެރިކޮށް މުޖުތަމައުތައް ބާރުވެރިކުރުވުން" މި ޝިއާރުގެ ދަށުން ކުރިއަށްދިޔަ މި ސަމިޓުގައި، ތަފާތުތައް ނައްތާލުމަށާއި، އެންމެން ބައިވެރިކުރާ ނިޒާމެއް ބިނާކުރުމަށާއި، އަދި ދެމެހެއްޓެނިވި ގޮތެއްގައި ވެރިކަން ހިންގުމުގައި ޓެކްނޮލޮޖީގެ މުހިންމު ދައުރު ފާހަގަކޮށްފައިވެއެވެ. ސަމިޓުގައި ކުރިއަށްދިޔަ ވޯކްޝޮޕްތަކާއި، ޕެނަލް މަޝްވަރާތަކާއި، އަދި މުހިންމު ތަގުރީރުތަކުން، ރައްޔިތުންގެ ބޭނުންތަކާއި އުންމީދުތަކާ އެއްގޮތަށް ލޯކަލް ގަވަރނަންސް ބަދަލުކުރުމަށް ޑިޖިޓަލް އިންފްރާސްޓްރަކްޗަރ ބޭނުންކުރެވިދާނެ ގޮތްތައް ދައްކުވައިދީފައިވެއެވެ.

ޑިޖިގަވް ސަމިޓް 2024 ގެ މުހިންމު ބައިތައް

• އަމަލީ ގޮތުން ދައްކާލެވުނު އީޖާދީ ޓެކްނޮލޮޖީތައް: މި ސަމިޓުގެ ބައިވެރިން ކަމަށްވާ PI Networks، Javaabu، Noonu Atoll Company، Oxiqa، Women In Tech، Internet Governance Forum، Tradnet، Visual Propaganda އަދި Maldives Space Research Organization (MSRO) އިން ވަނީ އޭއައި (AI) ބޭނުންކޮށްގެން ހިންގާ ގަވަރނަންސް ޕްލެޓްފޯމްތަކާއި، ޖީއައިއެސް (GIS) ވަސީލަތްތައް މެނޭޖްކުރާ ނިޒާމުތަކާއި، އަދި ރައްޔިތުންގެ ބައިވެރިވުން އިތުރުކުރާ ވަސީލަތްތައް ހިމެނޭހެން އިސްނަގައިގެން ތައްޔާރުކޮށްފައިވާ ހައްލުތައް ދައްކާލާފައެވެ.

  • ޝައުގުވެރި ތަގުރީރުތައް: ނޫނު އަތޮޅު ކައުންސިލްގެ ރައީސް މުހައްމަދު ބަޝީރު ފަދަ އިއްޒަތްތެރި ބޭފުޅުން ދެއްވި ތަގުރީރުތަކުގައި، ލާމަރުކަޒީ ޑިޖިޓަލް އިންފްރާސްޓްރަކްޗަރ މެދުވެރިކޮށް ރަށު ފެންވަރުގައި ބާރުވެރިކުރުވުމުގެ މުހިންމުކަމުގެ މައްޗަށް އަލިއަޅުއްވާލައްވައި، މުސްތަގުބަލުގެ ވެރިކަން ހިންގުމުގެ ނިޒާމާ މެދު އާ ތަސައްވުރެއް ގެންގުޅުމަށް ބައިވެރިންނަށް ހިތްވަރު ދެއްވިއެވެ.

  • ގުޅިގެން ކުރިއަށްގެންދިޔަ ވޯކްޝޮޕްތައް: ބައިވެރިން ވަނީ އިންޓަރެކްޓިވް ސެޝަންތަކުގައި ބައިވެރިވެ، ގުޅިފައިވާ ގަވަރނަންސް ޕްލެޓްފޯމްތައް ގާއިމުކުރުމާއި ސައިބަރ ސެކިއުރިޓީގެ ގޮންޖެހުންތަކަށް ހައްލު ހޯދުން ފަދަ މުހިންމު މައުޟޫއުތަކަށް މަޝްވަރާކޮށްފައެވެ.

  ލޯކަލް ގަވަރނަންސް އަދި މޫސުމީ ބަދަލުތަކަށް ކެތްތެރިވުން ކުރިއެރުވުން

  މި ސަމިޓުގައި ލޯކަލް ގަވަރނަންސް ބާރުވެރިކުރުވުމަށާއި، ރައްޔިތުންގެ ބައިވެރިވުން އިތުރުކުރުމަށާއި، އަދި ރަށްފުށުގެ ސަރަހައްދުތަކަށް ހިދުމަތް ފޯރުކޮށްދިނުމުގައި ހުރި ހުރަސްތައް ނައްތާލުމަށް ޑިޖިޓަލް އިންފްރާސްޓްރަކްޗަރ ބޭނުންކުރުމަށް ބޮޑު އިސްކަމެއް ދީފައިވެއެވެ. މި މަސައްކަތް އިތުރަށް ވަރުގަދަވެގެން ދިޔައީ މޫސުމީ ބަދަލުތަކަށް ކެތްތެރިވުމާ ގުޅޭގޮތުން ކުރެވުނު މަޝްވަރާތަކުންނެވެ. މީގެ ތެރޭގައި ތިމާވެށީގެ ތަރިކަ ރައްކާތެރިކުރުމާއެކު ދެމެހެއްޓެނިވި ތަރައްގީ ކުރިއެރުވުމަށް ޓެކްނޮލޮޖީގެ ބޭނުން ހިފުމަށް އަލިއަޅުއްވާލެވުނެވެ. ޖީއައިއެސް (GIS) މެދުވެރިކޮށް ބިން ބެލެހެއްޓުމާއި، DhivehiGPT ފަދަ އޭއައި (AI) ވަސީލަތްތައް ފަދަ އަމަލީ ހައްލުތަކަކީ ކެތްތެރި މުޖުތަމައުތަކެއް ބިނާކުރުމަށް މަގުފަހިކޮށްދޭނެ ކަންކަމެވެ.

  އަމަލީ ފިޔަވަޅު އެޅުމަށް ގޮވާލުން

  ,

  ޑިޖިގޯވް ސަމިޓް 2024 ނިމިގެންދިޔައީ އެންމެން ގުޅިގެން މަސައްކަތްކުރުމަށާއި އައު އީޖާދުތަކަށް މަގުފަހިކުރުމަށް ގޮވާލަމުންނެވެ. ލީޑަރުންނާއި މާހިރުން ވަނީ، ދެފުށް ފެންނަ، ދެމެހެއްޓެނިވި އަދި ރައްޔިތުންގެ ބޭނުންތަކަށް އިޖާބަދޭ ނިޒާމުތަކެއް ބިނާކުރުމަށްޓަކައި، އެންމެ ފަހުގެ ޓެކްނޮލޮޖީތައް ބޭނުންކުރުމަށާއި އީޖާދުވެރިންނާ ގުޅިގެން މަސައްކަތްކުރުމަށް ލޯކަލް ކައުންސިލްތަކަށް ބާރުއަޅުއްވާފައެވެ. ލާމަރުކަޒީ ވެރިކަމުގެ ނިޒާމުތަކަށް އިސްކަންދީގެން، އަމާޒަކީ ކޮންމެ ރަށަކާއި މުޖުތަމައެއް ބާރުވެރިކުރުވައި، އެންމެނަށް އުޖާލާ އަދި ހަމަހަމަ މުސްތަގުބަލެއް ގާއިމުކޮށްދިނުމެވެ.

  "މި ސަމިޓުން ހާމަވެގެންދިޔައީ، ޑިޖިޓަލް ވަސީލަތްތަކުގެ ބޭނުން ހިފައިގެން، ރައްޔިތުންގެ ބޭނުންތަކަށް ފެތޭ، އެންމެން ބައިވެރިވާ އަދި ނަތީޖާ ނެރެދޭ ފަދަ ވެރިކަމެއް ކުރެވިދާނެކަން،" ސަމިޓް ނިންމުމުގެ ރަސްމިއްޔާތުގައި ވާހަކަފުޅު ދައްކަވަމުން ރައީސް މުހައްމަދު ބަޝީރު ވިދާޅުވިއެވެ.

  ޑިޖިގޯވް ސަމިޓާ ބެހޭގޮތުން

  ޑިޖިގޯވް ސަމިޓަކީ ނޫނު އަތޮޅު ކައުންސިލާއި، ދުނިޔޭގެ ޓެކްނޮލޮޖީ އީޖާދުވެރިންނާއި ގަވަރނަންސް މާހިރުން ގުޅިގެން ކޮންމެ އަހަރަކު ބާއްވާ ހަރަކާތެކެވެ. މީގެ މަގްސަދަކީ މާނަހުރި ގުޅުންތަކެއް އުފައްދައި، ހުރިހާ ފަންތިއެއްގެ ވެރިކަން ހިންގުމުގެ ނިޒާމު ބަދަލުކޮށްލާނެ ފަދަ ދެމެހެއްޓެނިވި ހައްލުތަކެއް ހޯދުމެވެ.