ޑިޖިޓަލް ގަވަރނަންސް އަދި މުޖުތަމަޢު ބާރުވެރިކުރުމަށް ހިތްވަރުގަދަ ތަޞައްވުރަކާއެކު ޑިޖިގަވް ސަމިޓް 2024 ނިމުމަކަށް

ނ. މަނަދޫގައި ބޭއްވުނު ޑިޖިގޮވް ސަމިޓް 2024 ވަނީ ކާމިޔާބުކަމާއެކު ނިމުމަކަށް އައިސްފައެވެ. މި ސަމިޓްގައި ސިޔާސަތު އެކުލަވާލާ ފަރާތްތަކާއި، ޓެކްނޮލޮޖީގެ އީޖާދުކުރާ ފަރާތްތަކާއި، މުޖުތަމަޢުގެ އިސްވެރިން އެއްތަނަކަށް ޖަމާވެ، ޑިޖިޓަލް އީޖާދުތަކުގެ ޒަރީއާއިން ވެރިކަން ހިންގުމުގެ ނިޒާމު އައު ގޮތަކަށް ބަދަލުކުރުމަށް ޚިޔާލާއި ހައްލުތައް ހިއްސާކުރިއެވެ. 28 އިން 31 ޑިސެމްބަރު 2024 އަށް ބޭއްވުނު މި މުހިންމު ހަރަކާތަކީ ރައްޔިތުންނަށް އަމާޒުކޮށްގެން ވެރިކަން ހިންގުމާއި މޫސުމީ ބަދަލުތަކަށް ކުރިމަތިލުމަށް ކުރިއެރުން ހޯދުމަށް ބޭނުންކުރެވޭ ބައިނަލްއަޤްވާމީ މަންސައެއްގެ ގޮތުގައި ހަރުދަނާވެގެން ދިޔައެވެ.

މި ސަމިޓްގެ ތީމްއަކީ "ޑިޖިޓަލް އިންފްރާސްޓްރަކްޗަރ މެދުވެރިކޮށް މުޖުތަމަޢުތައް ބާރުވެރިކުރުވުން" އެވެ. މި ސަމިޓްގައި ފަރަގުތައް ކުޑަކުރުމާއި، އެކުލެވިގެންވާ މިންވަރު އިތުރުކުރުމާއި، ދެމެހެއްޓެނިވި ގޮތެއްގައި ވެރިކަން ހިންގުމުގައި ޓެކްނޮލޮޖީގެ މުހިންމު ދައުރު ފާހަގަކުރެވުނެވެ. ވަރކްޝޮޕްތަކާއި، ޕެނަލް މަޝްވަރާތަކާއި، މުހިންމު ވާހަކަތަކުން ދައްކުވައިދިނީ މުޖުތަމަޢުގެ ބޭނުންތަކާއި އުންމީދުތައް ރަނގަޅަށް ދައްކުވައިދޭ ގޮތަށް ލޯކަލް ގަވަރނަންސް ބަދަލުކުރުމުގައި ޑިޖިޓަލް އިންފްރާސްޓްރަކްޗަރއަށް ކުރެވޭނެ ކަންކަމެވެ.

ޑިޖިގޮވް ސަމިޓް 2024 ގެ މުހިންމު ބައިތައް

• އީޖާދީ ޓެކްނޮލޮޖީތައް ޢަމަލީ ގޮތުން: ޕީއައި ނެޓްވަރކްސް، ޖަވާބު، ނޫނު އަތޮޅު ކޮމްޕެނީ، އޮކްސިކާ، ވިމެން އިން ޓެކް، އިންޓަނެޓް ގަވަރނަންސް ފޯރަމް، ޓްރޭޑްނެޓް، ވިޝުއަލް ޕްރޮޕަގެންޑާ އަދި މޯލްޑިވްސް ސްޕޭސް ރިސަރޗް އޯގަނައިޒޭޝަން (އެމްއެސްއާރުއޯ) ފަދަ ބައިވެރިން އޭއައި ބޭނުންކޮށްގެން ހިންގޭ ވެރިކަމުގެ ޕްލެޓްފޯމްތަކާއި، ޖީއައިއެސް ވަސީލަތްތައް ބެލެހެއްޓުމުގެ ނިޒާމުތަކާއި، އާންމުންގެ ބައިވެރިވުން ހޯދުމުގެ ވަސީލަތްތައް ހިމެނޭ އީޖާދީ ހައްލުތައް ދައްކާލިއެވެ.

  • މުހިންމު ވާހަކަދެއްކެވި ފަރާތްތައް: ނ. އަތޮޅު ކައުންސިލްގެ ރައީސް މުޙައްމަދު ބަޝީރު ފަދަ އިއްޒަތްތެރިން ވާހަކަދައްކަވައި، ލާމަރުކަޒީ ޑިޖިޓަލް އިންފްރާސްޓްރަކްޗަރ މެދުވެރިކޮށް ލޯކަލް ބާރުވެރިކަން އިތުރުކުރުމުގެ މުހިންމުކަން ފާހަގަކުރައްވައި، ވެރިކަން ހިންގުމުގެ މުސްތަޤްބަލު އަލުން ތަސައްވަރުކުރުމަށް ބައިވެރިންނަށް އިލްހާމް ދެއްވިއެވެ.

  • އެކުވެރި ވަރކްޝޮޕްތައް: ބައިވެރިން ވެރިކަން ހިންގުމުގެ އެކުލެވިގެންވާ ޕްލެޓްފޯމްތައް ތަންފީޒުކުރުމާއި، ސައިބަރ ސެކިއުރިޓީގެ ގޮންޖެހުންތަކަށް ކުރިމަތިލުން ފަދަ މުހިންމު މައްސަލަތަކާ ގުޅޭ އިންޓަރެކްޓިވް ސެޝަންތަކުގައި ބައިވެރިވިއެވެ.

  ލޯކަލް ގަވަރނަންސްއާއި މޫސުމީ ބަދަލުތަކަށް ކުރިމަތިލުމުގައި ކުރިއެރުން ހޯދުން

  މި ސަމިޓްގައި ޚާއްޞަ އަހައްމިއްޔަތުކަމެއް ދެވުނީ ޑިޖިޓަލް އިންފްރާސްޓްރަކްޗަރ ބޭނުންކޮށްގެން ލޯކަލް ގަވަރނަންސް ބާރުވެރިކުރުވުމަށާއި، ރައްޔިތުންގެ ބައިވެރިވުން އިތުރުކުރުމަށާއި، ރަށްރަށާއި ރަށްވެހި ސަރަޙައްދުތަކުގައި ޚިދުމަތް ފޯރުކޮށްދިނުމުގައި ހުރި ފަރަގުތައް ކުޑަކުރުމަށެވެ. މި އިލްތިޒާމު އިތުރަށް ވަރުގަދަވެގެން ދިޔައީ ތިމާވެށީގެ ތަރިކަ ރައްކާތެރިކުރުމާއެކު ދެމެހެއްޓެނިވި ތަރައްޤީ ކުރިއެރުވުމަށް ޓެކްނޮލޮޖީ ބޭނުންކުރުމާ ގުޅޭ މަޝްވަރާތަކުންނެވެ. ޖީއައިއެސް ބޭނުންކޮށްގެން ބިން ބެލެހެއްޓުމާއި އަދި ދިވެހި ޖީޕީޓީ ފަދަ އޭއައި ބޭނުންކޮށްގެން މަސައްކަތްކުރާ ވަސީލަތްތައް ފަދަ ޢަމަލީ ހައްލުތަކުން ވަރުގަދަ މުޖުތަމަޢުތައް ބިނާކުރުމަށް ޢަމަލީ މަގުތައް ދައްކައިދިނެވެ.

  ޢަމަލީ ގޮވާލުމެއް

  ,

  ޑިޖިގަވް ސަމިޓް 2024 ނިމިގެން ދިޔައީ އެއްބާރުލުމާއި އައު ގޮތްތަކަށް ގޮވާލުމާއެކުގައެވެ. ވެރިންނާއި މާހިރުން ރަށު ކައުންސިލްތަކަށް ގޮވާލީ ޒަމާނީ ޓެކްނޮލޮޖީ ބޭނުންކޮށް، އައު ގޮތްތައް ހޯދާ ފަރާތްތަކާއެކު ގާތުން މަސައްކަތްކޮށް، ހާމަކަން ބޮޑު، ދެމެހެއްޓެނިވި އަދި އަވަސް ޚިދުމަތްތަކެއް ގާއިމުކުރުމަށެވެ. ލާމަރުކަޒީ ވެރިކަމުގެ ނިޒާމު އިސްކަންދީގެން، މަޤްޞަދަކީ ކޮންމެ ރަށަކާއި މުޖުތަމަޢުއަކަށްވެސް ބާރުވެރިކަން ދިނުމާއެކު، އެންމެންނަށް އުޖާލާ އަދި ހަމަހަމަ މުސްތަޤްބަލެއް ބިނާކުރުމެވެ.

  "މި ސަމިޓުން ދައްކުވައިދީފައިވަނީ ޑިޖިޓަލް ވަސީލަތްތަކުގެ ބޭނުން ހިފައިގެން، އަޅުގަނޑުމެންގެ ރައްޔިތުންގެ ބޭނުންތަކަށް އަމާޒުކުރެވިފައިވާ އެކުލެވޭ އަދި އަސަރުފޯރާ ވެރިކަމެއް ހާސިލުކުރެވިދާނެކަން،" ރައީސް މުޙައްމަދު ބަޝީރު ނިންމާ ބަސް ދެއްކެވުމުގައި ވިދާޅުވިއެވެ.

  ޑިޖިގަވް ސަމިޓާ ބެހޭ

  ޑިޖިގަވް ސަމިޓަކީ ނ. އަތޮޅު ކައުންސިލުން ދުނިޔޭގެ ޓެކްނޮލޮޖީ އާ ގޮތްތައް ހޯދާ ފަރާތްތަކާއި ވެރިކަމުގެ މާހިރުންނާ ގުޅިގެން އަހަރަކު އެއްފަހަރު ބާއްވާ ހަރަކާތެކެވެ. މީގެ މަޤްޞަދަކީ މާނަހުރި އެއްބާރުލުން އިތުރުކޮށް، ހުރިހާ ފެންވަރެއްގައި ވެރިކަން ބަދަލުކުރުމަށް ދެމެހެއްޓެނިވި ހައްލުތައް ހޯދުމެވެ.