ބީލަމަށް ދަޢުވަތު - އަލުން އިޢުލާން: އެކްސްޓަރނަލް އޮޑިޓް ޚިދުމަތް ފޯރުކޮށްދިނުން

ތަޢާރަފު:

ނޫނު އަތޮޅު އެލް.އޭ.ސީ. ލިމިޓެޑަކީ ދިވެހިރާއްޖޭގެ ކުންފުނީގެ ޤާނޫނު (07/2023) ގެ ދަށުން 2023 ވަނަ އަހަރު ރަޖިސްޓްރީކޮށްފައިވާ، ނޫނު އަތޮޅު ކައުންސިލްގެ ސައްތައިން ސައްތަ ހިއްސާ އޮންނަ ކުންފުންޏެކެވެ. އަޅުގަނޑުމެންގެ މައިގަނޑު މަޤްޞަދުތަކުގެ ތެރޭގައި ފަތުރުވެރިކަން ތަރައްޤީކުރުން، އިއާދަކުރަނިވި ހަކަތަ، ދަނޑުވެރިކަން، ކުނި މެނޭޖްކުރުމާއި ރީސައިކަލްކުރުން، ޔުޓިލިޓީ ޚިދުމަތްތައް، އަދި ނޫނު އަތޮޅު ކައުންސިލުން ހަވާލުކުރާ އެހެނިހެން މަޝްރޫޢުތަކާއި މަސައްކަތްތައް ހިމެނެއެވެ.

މަޤްޞަދު:

• 31 ޑިސެމްބަރު 2023 އަދި 31 ޑިސެމްބަރު 2024 އަށް ނިމުނު މާލީ އަހަރުތަކުގެ ނޫނު އަތޮޅު އެލް.އޭ.ސީ. ލިމިޓެޑްގެ މާލީ ބަޔާންތަކުގެ ސައްހަކަމާއި އިންސާފުވެރިކަމާ މެދު މިނިވަން އެސެސްމަންޓެއް ހަދައި ރައުޔެއް ހުށަހެޅުމެވެ.

  އޮޑިޓްގެ ދާއިރާ:

  • އެކްސްޓަރނަލް އޮޑިޓްގެ ތެރޭގައި، މި އިޢުލާނާއެކު އެޓޭޗްކުރެވިފައިވާ ޓާމްސް އޮފް ރިފަރެންސް (TOR) ގައި ބަޔާންކޮށްފައިވާ ފަދައިން، ކުންފުނީގެ މާލީ ބަޔާންތައް ތަހުގީގުކުރުން ހިމެނެއެވެ.

    އޮޑިޓަރުގެ ޝަރުޠުތަކާއި ބޭނުންވާ ކަންތައްތައް:

    • ޝައުޤުވެރިވާ އޮޑިޓް ފާމްތަކަކީ ޓާމްސް އޮފް ރިފަރެންސް (TOR) ގައި ބަޔާންކޮށްފައިވާ އެންމެ މަދުވެގެން ފުރިހަމަވާންޖެހޭ ޝަރުޠުތައް ހަމަވާ ފަރާތްތަކަކަށް ވާންޖެހޭނެއެވެ.

      ޕްރޮޕޯޒަލް ހުށަހެޅުމުގައި ބޭނުންވާ ތަފްސީލުތައް:

      • ޝައުޤުވެރިވާ ފަރާތްތަކުން ހުށަހަޅާ ޕްރޮޕޯޒަލަކީ ޓާމްސް އޮފް ރިފަރެންސް (TOR) ގައި ބަޔާންކޮށްފައިވާ ހުރިހާ މަޢުލޫމާތެއް ހިމެނޭ ފުރިހަމަ ޕްރޮޕޯޒަލަކަށް ވާންޖެހޭނެއެވެ.

        އިވެލުއޭޝަން ކްރައިޓީރިއާ:

        • އެކްސްޓަރނަލް އޮޑިޓަރަކު ހޮވުމުގައި ބަލާނީ ޓާމްސް އޮފް ރިފަރެންސް (TOR) ގައި ބަޔާންކޮށްފައިވާ މިންގަނޑުތަކަށެވެ.

          ހުށަހަޅަންޖެހޭ ސުންގަޑި:

          • 04 ޖޫން 2025 ގެ 16:00 އަށް.

            ހުށަހަޅަންޖެހޭ ގޮތުގެ އިރުޝާދު:

            • ޝައުޤުވެރިވާ ފަރާތްތަކުން ރަޖިސްޓްރޭޝަން ފޯމް ފުރިހަމަކުރުމަށްފަހު، 04 ޖޫން 2025 ގެ 16:00 ގެ ކުރިން މި ރަޖިސްޓްރޭޝަން ލިންކް މެދުވެރިކޮށް އީމެއިލް ކުރަންވާނެއެވެ.

              މި ދެންނެވި ތާރީޚުގެ ކުރިން ރަޖިސްޓްރީ ނުކުރާ ފަރާތްތަކަށް މި ބިޑްގައި ބައިވެރިވުމުގެ ފުރުޞަތެއް ނޯންނާނެއެވެ.

              މުހިންމު ތާރީޚުތައް:

              • ރަޖިސްޓްރޭޝަން ހުޅުވާލުން: 24 މޭ 2025، 14:30 ގައި (އޮންލައިންކޮށް: މި ރަޖިސްޓްރޭޝަން ލިންކް މެދުވެރިކޮށް)

                • ރަޖިސްޓްރޭޝަން ބަންދުވުން: 29 މޭ 2025، 16:00 ގައި

                • މަޢުލޫމާތު ސެޝަން: 02 ޖޫން 2025، 14:00 ގައި (ޓީމްސް މެދުވެރިކޮށް)

                • ބިޑާ ގުޅޭ ސުވާލު ފޮނުވުން: 02 - 03 ޖޫން 2025، 14:00 އާ ހަމައަށް

                • ,

                  ސުވާލުތަކަށް ޖަވާބުދިނުން: 03 ޖޫން 2025، 16:00 ގަޑިން

                • ބިޑް ހުށަހެޅުމާއި ހުޅުވުން: 04 ޖޫން 2025، 16:00 ގަޑިން

                • ހޮވުނު ފަރާތް އެންގުން: 10 ޖޫން 2025

                • ޝަކުވާ ހުށަހެޅުމުގެ ސުންގަޑި: 12 ޖޫން 2025، 14:00 ގަޑިން

                • މަސައްކަތް ހަވާލުކުރުން: 16 ޖޫން 2025

                ޕޮއިންޓް ދޭނެ އުސޫލު:

                ޕްރޮޕޯޒަލްތައް އިވެލުއޭޓް ކުރެވޭނީ އަންނަަނިވި ކަންކަމަށް ބަލައިގެންނެވެ:

                • އަގު (20%): އެންމެ ކުޑަ އަގު ހުށަހަޅާ ފަރާތަށް ރިފަރެންސްކޮށް އެހެން ފަރާތްތަކަށް ޕޮއިންޓް ދެވޭނެއެވެ.

                  • ތަޖުރިބާ (80%): މިފަދަ މަޝްރޫޢުތައް ހިންގާފައިވާ މިންވަރަށާއި، ރިފަރެންސް ސިޓީތަކާއި ފަންނީ ގާބިލުކަމަށް ބަލައި ޕޮއިންޓް ދެވޭނެއެވެ.

                  ހުށަހަޅަންޖެހޭ ލިޔެކިޔުންތައް:

                  • ކުންފުނީގެ ޕްރޮފައިލް

                    • ބިޑް ހުށަހަޅާ ފަރާތުގެ ރިފަރެންސްތައް

                    • މަސައްކަތުގެ ދާއިރާއާ (Scope of Work) ގުޅޭގޮތުން ހުރި ޚިޔާލުތަކާއި އިރުޝާދުތައް

                    • މަސައްކަތް ކުރިއަށްގެންދާނެ ގޮތުގެ ތަފްސީލު (Methodology)

                    • ޓީމުގައި ހިމެނޭ މެންބަރުންނާއި މަސައްކަތްތައް ބަހާލެވިފައިވާ ގޮތް

                    • ހުށަހަޅާ އަގު

                    • ބިޑް ޑޭޓާގައި ބަޔާންކޮށްފައިވާ އިތުރު ފޯމުތައް

                    ހުށަހަޅަންޖެހޭ ގޮތް:

                    ޝައުގުވެރިވާ ފަރުދުން ނުވަތަ ކުންފުނިތަކުން ޕްރޮޕޯޒަލްތައް finance@noonunaturally.com އަށް މަތީގައިވާ ސުންގަޑީގެ ކުރިން އީމެއިލް ކުރަންވާނެއެވެ.