ތިމާވެށީގެ ދާއިރާގެ ފަންނީ މާހިރަކު ބޭނުންވެއެވެ

ނ. އަތޮޅު ކައުންސިލްގެ އިދާރާއިން ތިމާވެއްޓާއި ދެމެހެއްޓެނިވި ތަރައްޤީގެ މަޝްރޫޢުތައް އެކުލަވާލައި، ތަންފީޒުކޮށް، ބަލަހައްޓާނެ ހުނަރުވެރި އަދި މަސައްކަތަށް ޝައުޤުވެރިކަން ހުރި އެންވަޔަރަންމަންޓަލް ސްޕެޝަލިސްޓަކު ހޯދުމަށް ބޭނުންވެއެވެ. މީގެ އިތުރުން، މި މަޤާމަކީ ޖިއޯސްޕޭޝަލް ޑޭޓާއާ ގުޅުންހުރި ތަފާތު މަސައްކަތްތަކެއް ކުރަންޖެހޭނެ މަޤާމެކެވެ. މި މަޤާމަށް އެންމެ އެކަށީގެންވާ ފަރާތަކީ ދެމެހެއްޓެނިވި ތަރައްޤީއަށް ލޯބިކުރާ، ތިމާވެށި މެނޭޖުކުރުމާއި ޤަވާއިދުތަކަށް އަހުލުވެރި، އަދި މަޝްރޫޢުތައް ތަންފީޒުކުރުމުގައާއި ނިންމުންތައް ނިންމުމުގައި ތިމާވެށީގެ މަޢުލޫމާތާއި ޖިއޯސްޕޭޝަލް އެނަލިސިސް އެއްކޮށްލައިގެން މަސައްކަތްކުރުމުގެ ޤާބިލުކަން ހުރި ފަރާތެކެވެ.

މައިގަނޑު މަސްއޫލިއްޔަތުތައް:

• މަޝްރޫޢުގެ އެންވަޔަރަންމަންޓަލް އެންޑް ސޯޝަލް ކޮމިޓްމަންޓް ޕްލޭން (ESCP)، އެންވަޔަރަންމަންޓަލް އެންޑް ސޯޝަލް މެނޭޖްމަންޓް ފްރޭމްވޯކް (ESMF)، ސްޓޭކްހޯލްޑަރ އެންގޭޖްމަންޓް ޕްލޭން (SEP) އަދި ލޭބަރ މެނޭޖްމަންޓް ޕްރޮސީޖާސް (LMP) ގައި ބަޔާންކޮށްފައިވާ ގޮތުގެ މަތިން، ތިމާވެށީގެ ރައްކާތެރިކަން ކަށަވަރުކުރުމަށް ބޭނުންވާ ސިޔާސަތުތަކާއި ފަންނީ އިރުޝާދު ފޯރުކޮށްދިނުން.

  • އެންވަޔަރަންމަންޓަލް ސްޕެޝަލިސްޓް މަސައްކަތް ކުރާނީ މަޝްރޫޢުގެ ސޯޝަލް ސްޕެޝަލިސްޓާއި ފަންނީ ޓީމުތަކާ ގުޅިގެން، ކަނޑައެޅިފައިވާ މަސައްކަތްތައް ފުރިހަމަކުރުމަށެވެ.

  • ކައުންސިލުން ހިންގާ މަޝްރޫޢުތަކުގެ ކޮންސެޕްޓް ޑިޒައިނާއި މަސައްކަތުގެ ދާއިރާ ކަނޑައެޅުމާއެކު، އެ މަސައްކަތްތަކުގެ ތިމާވެށީގެ އަދި އިޖުތިމާޢީ ދިރާސާތައް (Environmental and Social Analysis) ކުރިއަށްދާކަން ކަށަވަރުކުރުމާއި، ސްކްރީނިންގ ނިންމުންތަކާއި ލަފާދިނުމުގައި ކައުންސިލާ ގުޅިގެން މަސައްކަތްކުރުން.

  • މަޝްރޫޢުތަކާއި އޭގެ ބައިތަކަށް ބޭނުންވާ ތިމާވެށީގެ ވަޒަންކުރުންތަކާއި (Environmental Assessments) މެނޭޖްމަންޓް ޕްލޭންތައް، ސްކްރީނިންގ ނަތީޖާއަށް ބިނާކޮށް، ވަގުތުން ތައްޔާރުކުރެވޭކަން ކަށަވަރުކުރުން.

  • ސްޓްރެޓީޖިކް ޕްލޭންތަކުގައި ބަޔާންކޮށްފައިވާ ކަންކަން މަޝްރޫޢުގެ މުއްދަތުގައި ތަންފީޒުކުރެވޭކަން ކަށަވަރުކުރުމާއި، އެ ޕްލޭންތަކުގެ ލިޔެކިޔުންތައް ބެލެހެއްޓުމާއި، މަޝްރޫޢާ ގުޅިގެން ހުށަހެޅޭ ޝަކުވާތަކާއި ކަންބޮޑުވުންތަކަށް ސޯޝަލް ސްޕެޝަލިސްޓާ ގުޅިގެން ފިޔަވަޅު އެޅުން.

  • ތިމާވެށި މެނޭޖްކުރުމުގެ ޕްލޭންތަކުގައިވާ ކަންކަން، އެންވަޔަރަންމަންޓަލް އެންޑް ސޯޝަލް އިންސްޓްރޫމަންޓްތަކުގައި ހިމަނާފައިވާކަމާއި، ކަނޑައެޅިފައިވާ މިންގަނޑުތަކާ އެއްގޮތަށް ބަލަހައްޓާކަން ކަށަވަރުކުރުން.

  • ތިމާވެށީގެ ރައްކާތެރިކަމާ ގުޅޭ ލިޔެކިޔުންތައް ރާއްޖޭގެ ތިމާވެށީގެ ޤަވާއިދުތަކާ އެއްގޮތްވާކަން ކަށަވަރުކުރުމާއި، އެންވަޔަރަންމަންޓަލް ޕްރޮޓެކްޝަން އެޖެންސީ (އީ.ޕީ.އޭ) ފަދަ އިދާރާތަކުން ހޯދަންޖެހޭ ހުއްދަތައް ހޯދުމުގައި ޕްރޮޖެކްޓްސް ޑިޕާޓްމަންޓާ ގުޅިގެން މަސައްކަތްކުރުން.

  • ރަށްރަށުގައި ހިންގާ މަޝްރޫޢުތަކުގެ ފަންނީ ފޯކަލް ޕޮއިންޓުންނާއި، އިންޖިނޭރުންނާއި، ޕްރޮޖެކްޓް އޮފިސަރުންނާ ގާތުން މަސައްކަތްކުރުން؛ އަދި ESMP ފަދަ ތިމާވެށީގެ އަދި އިޖުތިމާޢީ ވަސީލަތްތައް ތަންފީޒުކުރުމާއި، މެނޭޖްކުރުމާއި، މޮނިޓަރ ކުރުމަށް ބޭނުންވާ ފަންނީ އެހީތެރިކަން ފޯރުކޮށްދިނުން.

  • ,

    ޢިމާރާތްކުރުން ފަދަ އުނދަގޫ މަސައްކަތްތަކަށް ބޭނުންވާ އީ.އެސް.އައި.އޭ (ESIA) ހެދުމަށްޓަކައި ޓާމްސް އޮފް ރިފަރެންސް ތައްޔާރުކުރުމާއި، ބޭނުންވާ ހުއްދަތައް ހޯދުން

  • އީ.އެސް.އައި.އޭ (ESIA) ގެ ފަރުމާ އަދި ފައިނަލް ރިޕޯޓްތަކުގެ ފެންވަރު ބަލައި މުރާޖަޢާކުރުމާއި، ބޭނުންވާ ހުއްދަތައް ހޯދުން

  • އީ.އެސް.އެމް.ޕީ (ESMP) ގައި ހިމެނޭ ފިޔަވަޅުތައް މަޝްރޫޢުގެ ފަރުމާގައި ހިމެނިފައިވާކަން ކަށަވަރުކުރުމާއި، ބިޑް ޑޮކިއުމަންޓްތަކުގައި އީ.އެސް.އެމް.ޕީ އަށް އަމަލުކުރުމުގެ ޝަރުތު ހިމެނުން

  • ޢިމާރާތްކުރުމުގެ މަރުޙަލާގައި އީ.އެސް.އެމް.ޕީ އާ އެއްގޮތަށް އަމަލުކުރަމުންދާކަން ކަށަވަރުކުރުމާއި، މަސައްކަތް ހިންގާ އިދާރާގެ ސައިޓް އިންޖިނިއަރާއި ކޮންޓްރެކްޓަރުގެ އެންވަޔަރަންމަންޓަލް ފޯކަލް ޕޮއިންޓާ ގާތުން ގުޅިގެން މަސައްކަތްކުރުން

  • ދެމެހެއްޓެނިވި އިސްތިރާތީޖީތައް އެކުލަވާލުމާއި ތަންފީޒުކުރުން: ތިމާވެއްޓާއި ދެމެހެއްޓެނިވި ތަރައްޤީގެ ސިޔާސަތުތަކާއި ޕްރޮގްރާމްތައް އެކުލަވާލައި، އެ ތަންފީޒުކުރާ މިންވަރު ބެލެހެއްޓުން

  • ވިޔަފާރީގެ ހަރަކާތްތަކަށް ތިމާވެއްޓާ ރައްޓެހި ހައްލުތައް ހޯދުން: ތިމާވެށީގެ އެސެސްމަންޓްތަކަށް ބިނާކޮށް، އިތުރަށް ރަނގަޅުކުރަންޖެހޭ ކަންކަން ދެނެގަނެ، ވިޔަފާރީގެ ހަރަކާތްތަކަށް ދެމެހެއްޓެނިވި ހައްލުތައް އެކުލަވާލުން

  • ކުނި މަދުކުރުމާއި، ހަކަތަ އިގްތިސާދުކުރުމާއި، ފެން އިސްރާފުކުރުން ކުޑަކުރުމުގެ ތެރެއިން ތިމާވެއްޓަށް ކުރާ ނޭދެވޭ އަސަރުތައް ކުޑަކުރުން

  • ދެމެހެއްޓެނިވި ގޮތެއްގައި ތަކެތި ހޯދުމާއި ޚިދުމަތް ހޯދުމުގެ އުސޫލުތަކަށް ބާރުއެޅުން

  • ހޭލުންތެރިކަން އިތުރުކުރުމަށާއި ދެމެހެއްޓެނިވި މަސައްކަތްތައް ކުރިއަށް ގެންދިއުމަށްޓަކައި، އެތެރެއާއި ބޭރުގެ ކަމާގުޅުންހުރި ފަރާތްތަކާ ގުޅިގެން މަސައްކަތްކުރުން

  • ތިމާވެށީގެ ޖަމިއްޔާތަކާއި ރެގިއުލޭޓަރީ އިދާރާތަކާ ގުޅުން ބަދަހިކުރުން

  • ރިޕޯޓްކުރުމާއި މޮނިޓަރކުރުން: ތިމާވެށީގެ މަސައްކަތްތައް ހިނގާގޮތާއި، ދެމެހެއްޓެނިވި ލަނޑުދަނޑިތަކަށް ވާސިލުވުމަށް ކުރެވޭ މަސައްކަތްތައް ބަލައި ރިޕޯޓްކުރުން

  މައިގަނޑު ހުނަރުތަކާއި ފެންވަރު:

  • އެންވަޔަރަންމަންޓަލް ސައިންސް / ދެމެހެއްޓެނިވި ތަރައްޤީގެ ތަޖުރިބާ:  

    އެންވަޔަރަންމަންޓަލް ސައިންސް ނުވަތަ އެއާ ގުޅުންހުރި ދާއިރާއަކުން މަދުވެގެން ޑިޕްލޮމާ ހާސިލުކޮށްފައިވުމާއެކު 10 އަހަރުގެ ތަޖުރިބާ ލިބިފައިވުން، ނުވަތަ

    އެންވަޔަރަންމަންޓަލް ސައިންސް ނުވަތަ އެއާ ގުޅުންހުރި ދާއިރާއަކުން ޑިގްރީ ހާސިލުކޮށްފައިވުމާއެކު 5 އަހަރުގެ ތަޖުރިބާ ލިބިފައިވުން

    ތިމާވެށީގެ އުސޫލުތަކާއި، ގަވާއިދުތަކާއި، އަދި އެންމެ ރަނގަޅު އުސޫލުތަކަށް ފުރިހަމައަށް އަހުލުވެރިވެފައިވުން

    • ޕްރޮޖެކްޓް މެނޭޖްމަންޓް:

      ދެމެހެއްޓެނިވި ތަރައްޤީއާއި ޖީ.އައި.އެސް (GIS) މަޝްރޫޢުތައް ފައިދާހުރި ގޮތެއްގައި ރޭވުމާއި، އިންތިޒާމުކުރުމާއި، އަދި ހިންގުމުގެ ގާބިލުކަން ހުރުން

    • މުއާމަލާތްކުރުމާއި ވަކާލާތުކުރުން:

      ކަމާގުޅުންހުރި ފަރާތްތަކަށް ނުފޫޒު ފޯރުވުމަށާއި ދެމެހެއްޓެނިވި އިސްނެގުންތައް ކުރިއެރުވުމަށް ބޭނުންވާ މުއާމަލާތްކުރުމުގެ، މީހުންނާ ގުޅިގެން އުޅުމުގެ އަދި ހުށަހަޅައިދިނުމުގެ މޮޅު ހުނަރު ހުރުން

      މަސައްކަތުގެ ބައިވެރިންނާއި، ކަމާގުޅުންހުރި ފަރާތްތަކާއި، އަދި ކްލައިންޓުންނާއެކު މަސައްކަތްކުރުމަށް ބޭނުންވާ ފައިދާހުރި މުއާމަލާތްކުރުމުގެ އަދި ގުޅިގެން މަސައްކަތްކުރުމުގެ ހުނަރު ހުރުން

    • ,

      ޑޭޓާ އެނަލިސިސް އަދި ރިޕޯޓިންގް: ތިމާވެށީގެ މަޢުލޫމާތާއި ސަރަޙައްދީ (ސްޕޭޝަލް) މަޢުލޫމާތު އެއްކޮށް، ދިރާސާކޮށް، އޭގެ ނަތީޖާ ދެނެގަތުމުގެ ޤާބިލުކަން ހުރުން. މީގެ ބޭނުމަކީ ކުރިއެރުންތައް ބަލައި، އިތުރަށް ރަނގަޅުކުރަންޖެހޭ ކަންކަން ދެނެގަތުމެވެ.

    • މައްސަލަ ހައްލުކުރުމާއި އައު އީޖާދުތައް: ތިމާވެށީގެ ގޮންޖެހުންތަކާއި ޖީ.އައި.އެސް އާ ގުޅުންހުރި މައްސަލަތަކަށް އައު އަދި އުފެއްދުންތެރި ހައްލުތައް ހޯދައި ތަންފީޒުކުރުމުގެ ޤާބިލުކަން ހުރުން.

    އިތުރު ހުނަރުތައް (އިސްކަންދެވޭނެ):

    • ކްލައުޑް-ނޭޓިވް ޑޭޓާ އާކިޓެކްޗަރ އާ ގުޅޭ ތަޖުރިބާ ހުރުން.  

      • ސެޓެލައިޓް އިމޭޖަރީ ބޭނުންކުރުމުގެ ތަޖުރިބާ ހުރުން.  

      • ޑޭޓާބޭސް މެނޭޖްމަންޓް ސިސްޓަމްތަކަށް (މިސާލަކަށް: PostgreSQL، MySQL) އަހުލުވެރިވުން.

      • ޖީ.އައި.އެސް ޑިވެލޮޕްމަންޓަށް ބޭނުންވާ ޕްރޮގްރާމިންގް ހުނަރު (މިސާލަކަށް: Python، JavaScript) ހުރުން.

      އުޖޫރަ: އުޖޫރަ ކަނޑައެޅޭނީ ތަޖުރިބާއާއި، ފެންވަރާއި، އަދި ކުންފުނީގެ އުސޫލުތަކުގެ މައްޗަށް ބިނާކޮށެވެ.

      ކުރިމަތިލާނެ ގޮތް: މިއީ ތިޔަބޭފުޅާގެ ކެރިއަރާ ގުޅޭ ފުރުސަތެއް ކަމަށް ފެނިވަޑައިގަންނަވާނަމަ، ތިޔަބޭފުޅާގެ ސީ.ވީ އާއި ކަވަރ ލެޓަރ 08 މެއި 2025 ގެ 14:00 ގެ ކުރިން hr@noonunaturally.com އަށް އީމެއިލް ކުރެއްވުން އެދެމެވެ.