ބީލަމަށް ދަޢުވަތު - އާބަން ޕްލޭނިންގ ކޮންސަލްޓަންޓް

ނޫނު އަތޮޅު ކައުންސިލްގެ ފަރާތުން ކުރިއަށްގެންދާ “ރީއިމޭޖިން ނޫނު ބިނާވެށި” މަޝްރޫޢުގެ މަސައްކަތްތައް ކޮށްދޭނެ ފަރާތެއް ހޯދުމަށް އިޢުލާން ކުރަމެވެ. މި މަޝްރޫޢަކީ ނޫނު އަތޮޅުގެ ރަށްތަކުގެ ތަރައްޤީއަށާއި، ބިމުގެ ވަސީލަތްތަކުގެ ބޭނުން އެންމެ ހެޔޮގޮތުގައި ހިފުމަށާއި، އަތޮޅުގެ ރައްޔިތުންގެ ބޭނުންތަކަށް ރިޢާޔަތްކޮށް، ދެމެހެއްޓެނިވި ތަރައްޤީއަށް އަމާޒުކޮށްގެން އެކުލަވާލެވޭ "އަތޮޅު ލޭންޑް ޔޫސް ޕްލޭން" (LUP) އެކުލަވާލުމަށް ހިންގޭ މަޝްރޫޢެކެވެ. މި ތަޞައްވުރު ޙަޤީޤަތަކަށް ހެދުމަށްޓަކައި، މި މަޝްރޫޢު ކުރިއަށް ގެންދިއުމުގައި އިސް ދައުރެއް އަދާކުރާނެ އާބަން ޕްލޭނިންގ ލީޑް ކޮންސަލްޓަންޓް ގެ މަޤާމަށް ކުރިމަތިލުމުގެ ފުރުޞަތު ހުޅުވާލަމެވެ.

މަޝްރޫޢުގެ ޚުލާޞާ

ހޮވޭ ކޮންސަލްޓަންޓް މަސައްކަތް ކުރާނީ ނޫނު އަތޮޅު ކައުންސިލާއި އެކި ދާއިރާތަކުގެ މާހިރުން ހިމެނޭ ޓީމަކާ ގުޅިގެންނެވެ. މި ޓީމުން ތިރީގައިވާ މުހިންމު ނަތީޖާތައް ޙާޞިލުކުރަންވާނެއެވެ:

1. ރައްޔިތުންގެ ބޭނުންތައް ދެނެގަތުމަށް ފުރިހަމަ އެސެސްމަންޓެއް ހެދުން.

   1. ރަށްތަކާއި އަތޮޅުގެ ކުރިމަގަށް އަމާޒުކޮށް "ރެސިލިއަންޓް އައިލެންޑްސް އެންޑް އަތޮޅު ފްރޭމްވޯކް" އެކުލަވާލުން.

   2. ރަސްމީ "އަތޮޅު ލޭންޑް ޔޫސް ޕްލޭން" (LUP) ތައްޔާރުކުރުން.

   މި މަސައްކަތް ފުރިހަމައަށް ރޭވުމަށްޓަކައި، ކޮންސަލްޓަންސީ ޓީމުގައި ތިރީގައިވާ ދާއިރާތަކުގެ މާހިރުން ހިމެނޭނެއެވެ:

   • އިޤްތިޞާދީ އަދި އިޖުތިމާޢީ ޢިލްމު (Economy & Social Sciences)

     • ޤާނޫނީ އޮނިގަނޑު (Legal Framework)

     • ދަތުރުފަތުރާއި ލޮޖިސްޓިކްސް (Transport & Logistics)

     • ސާވޭކުރުން (Surveying)

     މި މާހިރުންގެ ފަރާތުން ލިބޭ މަޢުލޫމާތާއި ދިރާސާތަކުގެ އެހީގައި، އެކުލަވާލެވޭ ލޭންޑް ޔޫސް ޕްލޭނަކީ ހަރުދަނާ، ހުރިހާ ފަރާތްތަކެއް ޝާމިލުވާ، އަދި އަތޮޅުގެ ތަފާތު ބޭނުންތަކަށް ފެތޭ ޕްލޭނެއްކަން ކަށަވަރުކުރެވޭނެއެވެ.

     މަސައްކަތުގެ ދާއިރާއާއި ޙަވާލުކުރެވޭ މަސައްކަތްތައް

     ކޮންސަލްޓަންސީގެ ކޮންމެ ދައުރަކަށް ކަނޑައެޅިފައިވާ ތަފްޞީލީ މަސައްކަތްތަކާއި ޒިންމާތައް "ޓާމްސް އޮފް ރިފަރެންސް" (TOR) ލިޔުމުގައި ބަޔާންކުރެވިފައިވާނެއެވެ. ޕްރޮޕޯޒަލް ހުށަހެޅުމުގެ ކުރިން TOR ރަނގަޅަށް ދިރާސާކުރުމަށް ޝައުޤުވެރިވާ ފަރާތްތަކަށް އިލްތިމާސްކުރަމެވެ.

     މަސައްކަތުގެ މެތޮޑޮލޮޖީގައި ކަނޑައެޅިފައިވާ ގޮތަށް، ނޫނު އަތޮޅަށް ކުރަންޖެހޭ ދަތުރުތަކުގެ ޚަރަދާއި، ހުރުމާއި ކެއުމުގެ ޚަރަދުތައް ހަމަޖައްސާނީ ނޫނު އަތޮޅު ކައުންސިލުންނެވެ. އެހެންކަމުން، ހުށަހަޅާ އަގުގެ ތެރޭގައި މި ޚަރަދުތައް ހިމަނައިގެން ނުވާނެއެވެ. ކޮންސަލްޓަންޓުން އަގު ހުށަހަޅަންވާނީ ތިރީގައިވާ މަސައްކަތްތަކަށެވެ:

     މި މަޝްރޫޢުގެ ދަށުން ނިންމަންޖެހޭ މަސައްކަތްތަކާއި، އެ މަސައްކަތްތަކަށް ދިވެހި ރުފިޔާ (MVR) އިން ހުށަހަޅަންޖެހޭ އަގުތައް ތިރީގައި ބަޔާންކުރެވިފައި އެވަނީއެވެ:

     1. މަޝްރޫޢު ކުރިއަށްގެންދާނެ ފައިނަލް މެތޮޑޮލޮޖީ

        1. ކޮމިއުނިޓީ ނީޑްސް އެސެސްމަންޓް (ރައްޔިތުންގެ ބޭނުންތައް ދެނެގަތުން)

        2. މަސައްކަތުގެ އަސާސީ އުޞޫލުތައް (Guiding Principles) ބަލައިގަތުން

        3. ރެސިލިއަންޓް އައިލެންޑްސް އެންޑް އަތޮޅު ފްރޭމްވޯކް އެކުލަވާލުން

        4. މިހާރު ހުރި ވަސީލަތްތަކާއި ބިން ބޭނުންކުރާ ގޮތުގެ އިވެލުއޭޝަން

        5. އިދާރީ އޮނިގަނޑު (Administrative Framework) އެކުލަވާލުން

        6. އަތޮޅު ލޭންޑް ޔޫސް ޕްލޭން އެކުލަވާލުން

        7. އިންޓެގްރޭޓެޑް އަތޮޅު ޑިވެލޮޕްމަންޓް ފޯރަމް

        ,

        ނޯޓް: ވަކި ޚާއްޞަ ދާއިރާތަކަށް ކުރިމަތިލާ ކޮންސަލްޓަންޓުން އަގު ހުށަހަޅަންވާނީ ހަމައެކަނި އެ ބޭފުޅެއްގެ ތަޖުރިބާއާ ގުޅޭ މަސައްކަތްތަކަށެވެ.

        ބިޑް ކުރުމުގެ މަރުހަލާ

        މުހިންމު ތާރީޚުތަކާއި ވަގުތުތައް

        1. ރަޖިސްޓްރީވުން – 18 އިން 30 ޑިސެމްބަރު 2024، 13:00 އަށް

           1. މައުލޫމާތު ސާފުކުރުމުގެ ސެޝަން – 31 ޑިސެމްބަރު 2024، 13:00 ގައި

           2. އިތުރު މައުލޫމާތު ސާފުކުރުން – 1 އިން 4 ޖެނުއަރީ 2025، 13:00 އަށް

           3. ބިޑް ހުށަހަޅަންޖެހޭ ސުންގަޑި – 8 ޖެނުއަރީ 2025، 13:00 އަށް

           ބިޑްގައި ބައިވެރިވާން އެދޭ ފަރާތްތަކުން މި ފޯމު ފުރިހަމަކުރައްވައިގެން ރަޖިސްޓްރީ ކުރެވޭނެއެވެ. މައުލޫމާތު ސާފުކުރުމުގެ ސެޝަން ކުރިއަށްދާނީ އޮންލައިންކޮށެވެ. ރަޖިސްޓްރީވުމުން، ބައްދަލުވުމުގެ ލިންކާއެކު ކަށަވަރުކުރުމުގެ އީމެއިލެއް ފޮނުވޭނެއެވެ.

           ބިޑް ހުޅުވުމުގެ މަރުހަލާ

           ބިޑް ހުޅުވުން އޮންނާނީ 8 ޖެނުއަރީ 2025 ވާ ބުދަ ދުވަހުގެ 13:00 ގައި، ބިޑް ހުށަހަޅާ ފަރާތްތަކުގެ ހާޒިރުގައެވެ. މިކަން ކުރިއަށްދާނީ ނ. އަތޮޅު ކައުންސިލް އިދާރާ، ނ. މަނަދޫގައެވެ. އީމެއިލް މެދުވެރިކޮށް ހުށަހަޅާ ބިޑްތައް ބަލައެއް ނުގަނެވޭނެއެވެ. ހުރިހާ ލިޔެކިޔުންތަކެއް ހުންނަންވާނީ ބަންދުކުރެވިފައިވާ އެއް ސިޓީއުރައެއްގައެވެ. ސިޓީއުރައިގެ ބޭރުގައި ކުންފުނީގެ ނުވަތަ ފަރުދީ ނަމާއި ޓެންޑަރ ރިފަރެންސް ނަންބަރު ލިޔެފައި އޮންނަންވާނެއެވެ.

           ބިޑް ބާތިލްވާނެ ސަބަބުތައް

           1. ރަޖިސްޓްރީ ނުކުރާ ފަރާތްތަކަށް ބިޑް ހުޅުވުމުގެ މަރުހަލާގައި ބައިވެރިއެއް ނުވެވޭނެއެވެ.

              1. މައުލޫމާތު ސާފުކުރުމުގެ ސެޝަނަށް ހާޒިރުވުމަކީ މަޖުބޫރު ކަމެކެވެ. ހާޒިރުނުވާ ފަރާތްތަކުގެ ބިޑް ބަލައެއް ނުގަނެވޭނެއެވެ.

              2. ސުންގަޑީގެ ފަހުން ހުށަހަޅާ ބިޑްތައް ބާތިލްކުރެވޭނެއެވެ.

              3. ހުށަހަޅަންޖެހޭ ލިޔެކިޔުންތަކުގެ ތެރެއިން އެއްވެސް ލިޔުމެއް މަދުނަމަ ބިޑް ބާތިލްކުރެވޭނެއެވެ.

              ހުށަހަޅަންޖެހޭ ތަކެތި

              ޝައުގުވެރިވާ ކޮންސަލްޓަންޓުން ނުވަތަ ފާމްތަކުން ޕްރޮޕޯސަލްއާއެކު ތިރީގައިވާ ތަކެތި ހުށަހަޅަންވާނެއެވެ:

              1. ޓެކްނިކަލް ޕްރޮޕޯސަލް

                 • ކުރިމަތިލާ ދާއިރާތަކުގެ މަސައްކަތް ކުރިއަށްގެންދާނެ ގޮތުގެ ތަފްސީލީ މެތޮޑޮލޮޖީ.

                   • މަސައްކަތުގެ ތަފްސީލީ ތާވަލު (ވޯކް ޕްލޭން).

                   • ކޮންސަލްޓިންގ ޓީމުގައި ހިމެނޭ މެންބަރުންގެ ތަފްސީލު (ޓީމެއްގެ ގޮތުގައި ހުށަހަޅާނަމަ).

                   2. ފައިނޭންޝަލް ޕްރޮޕޯސަލް

                   • ފުރިހަމަކޮށްފައިވާ 'ޑެލިވަރަބަލްސް ޓޭބަލް ފޯ ފީ ޕްރޮޕޯސަލް' (ގުޅުންހުރި ހުރިހާ މަސައްކަތްތަކަށް ހުށަހަޅާ އަގުތަކާއެކު).

                     3. ތައުލީމީ ފެންވަރާއި ތަޖުރިބާ

                     • މުހިންމު މުވައްޒަފުންގެ ސީވީ (CV).

                       • މީގެ ކުރިން ކޮށްފައިވާ މިފަދަ މަސައްކަތްތަކުގެ ޕޯޓްފޯލިއޯ.

                       • ކުރިން މަސައްކަތްކޮށްފައިވާ ފަރާތްތަކުގެ ރެފަރެންސް.

                         ,

                       4. ޤާނޫނީ އަދި އިދާރީ ލިޔެކިޔުންތައް

                       • ޖަމްޢިއްޔާ ނުވަތަ ކުންފުނީގެ ރަޖިސްޓްރޭޝަން ލިޔެކިޔުންތައް (އަދާކުރަންޖެހޭނަމަ).

                         • މުއްދަތު ހަމަނުވާ ޖީ.އެސް.ޓީ ރަޖިސްޓްރޭޝަން ސެޓްފިކެޓް (އަދާކުރަންޖެހޭނަމަ).

                         • މުއްދަތު ހަމަވުމަށް 6 މަސްދުވަސް އޮތް ޓެކްސް ކްލިއަރެންސް ރިޕޯޓް (އަދާކުރަންޖެހޭނަމަ).

                         • ގުޅޭނެ މަޢުލޫމާތު (ނަން، މަޤާމު، ފޯނު ނަންބަރު، އީމެއިލް).

                         • ޓެކްސް ކޮމްޕްލަޔަންސް ސެޓްފިކެޓް (އަދާކުރަންޖެހޭނަމަ).

                         އިވެލުއޭޓްކުރާނެ މިންގަނޑުތައް

                         ޕްރޮޕޯޒަލްތައް އިވެލުއޭޓް ކުރެވޭނީ އަންނަނިވި ކަންކަމަށް ބަލައިގެންނެވެ:

                         1. ޓެކްނިކަލް ޕްރޮޕޯޒަލް (40%)

                            • މަޝްރޫޢުގެ މަޤްޞަދުތަކާއި މަސައްކަތުގެ ދާއިރާ (ސްކޯޕް) ދެނެގަނެވިފައިވާ މިންވަރު.

                              • ހުށަހަޅާފައިވާ މެތޮޑޮލޮޖީ އަދި މަސައްކަތުގެ ތާވަލުގެ ފެންވަރާއި އެކަން ކުރެވިދާނެ މިންވަރު.

                              2. ޤާބިލުކަމާއި ތަޖުރިބާ (30%)

                              • މިފަދަ މަޝްރޫޢުތައް ހިންގުމުގެ ތަޖުރިބާ.

                                • މަސައްކަތަށް ހުށަހަޅާފައިވާ ފަރާތްތަކުގެ ނުވަތަ ޓީމުގެ ތަޖުރިބާ އާއި ހުނަރު.

                                3. ފައިނޭންޝަލް ޕްރޮޕޯޒަލް (20%)

                                • ޚަރަދަށް ބަލާއިރު އެކަށީގެންވާ އަގަކަށްވުން.

                                  4. ރެފަރެންސް އަދި ކުރީގެ މަސައްކަތްތައް (10%)

                                  • ކުރިން މަސައްކަތް ކޮށްދީފައިވާ ފަރާތްތަކުގެ ފީޑްބެކް.

                                    • ކުރިން ކޮށްފައިވާ މިފަދަ މަސައްކަތްތަކުގެ ޕޯޓްފޯލިއޯ ހުށަހެޅުން.

                                    ތިޔަ ފަރާތްތަކުގެ ބިޑުތައް ލިބުމަކީ އަޅުގަނޑުމެންގެ ވަރަށް ބޮޑު އެދުމެކެވެ. އަދި ހުނަރުވެރި ފަންނީ ފަރާތްތަކާ ގުޅިގެން “ރީއިމޭޖިން ނޫނު ބިނާވެށި” މަޝްރޫޢު ކާމިޔާބުކަމާއެކު ކުރިއަށްގެންގޮސް، ނޫނު އަތޮޅަށް ދެމެހެއްޓެނިވި ތަރައްޤީއެއް ހޯދައިދިނުމަށް އަޅުގަނޑުމެން އުންމީދުކުރަމެވެ.