ބީލަމަށް ދަޢުވަތު - އަލުން އިޢުލާން: ނ. އަތޮޅުގެ ރަށްތަކަށް ކޮމްޕޯސްޓް ހެދުމަށް ބޭނުންވާ އާލާތްތައް ސަޕްލައިކުރުން

ޕްރޮޖެކްޓުގެ މަގުސަދު

ނޫނު އަތޮޅު ކައުންސިލުން އޯގަނިކް ވޭސްޓް މެނޭޖްމަންޓް ޕްރޮޖެކްޓަށް ބޭނުންވާ ކޮމްޕޯސްޓް ކުރާ ސާމާނު ސަޕްލައިކޮށް، ޑެލިވަރީކޮށް، އަދި ކޮމިޝަން ކޮށްދޭނެ ޝަރުތު ހަމަވާ ފަރާތްތަކަށް މި ފުރުސަތު ހުޅުވާލަމެވެ. މި މަޝްރޫއުގެ މަގުސަދަކީ ނޫނު އަތޮޅުގެ މީހުން ދިރިއުޅޭ ހުރިހާ ރަށެއްގައި، ކާބޯތަކެތީގެ ކުނިން ކޮމްޕޯސްޓް ތައްޔާރުކުރާނެ ލާމަރުކަޒީ ނިޒާމެއް ގާއިމުކުރުމެވެ. މި ނިޒާމު ބިނާވެފައިވަނީ "ތަކަކޫރާ" މެތަޑުގެ މައްޗަށެވެ. މިއީ ކުދި ރަށްތަކާ ގުޅޭ، ޓެކްނޮލޮޖީގެ ގޮތުން އާދައިގެ، މަދު މަސައްކަތްތެރިން ބޭނުންވާ، އަދި ހަރަދު ކުޑަ މޮޑެލްއެކެވެ. މި ޕްރޮޖެކްޓުގެ ސަބަބުން ކުނި މަދުކުރުމަށާއި، ތިމާވެށީގެ ދެމެހެއްޓެނިވިކަމަށާއި، އަދި ސާކިއުލާ އިކޮނޮމީގެ އުސޫލުތަކަށް ބާރުލިބިގެންދާނެއެވެ. މީގެ އިތުރުން، ރަށު ކައުންސިލްތަކަށް އޯގަނިކް ކުނި ފައިދާހުރި ގޮތެއްގައި މެނޭޖްކޮށް، ދަނޑުވެރިކަމަށް ބޭނުންވާ ކޮމްޕޯސްޓް އުފެއްދުމުގެ ފުރުސަތު ލިބިގެންދާނެއެވެ.

ސަޕްލައި ކުރަންޖެހޭ ތަކެތި

ބިޑު ހުށަހަޅާ ފަރާތްތަކުން އަގު ހުށަހަޅަންވާނީ ހުރިހާ ސާމާނެއް ހިމެނޭ މުޅި ލޮޓަށެވެ. ހުށަހަޅާފައިވާ ސްޕެސިފިކޭޝަންތަކާ އެއްވަރުގެ ނުވަތަ އެއަށްވުރެ ރަނގަޅު ސްޕެސިފިކޭޝަންތަކުގެ ސާމާނު، ސާފު ހެކިތަކާއެކު ހުށަހެޅިދާނެއެވެ. ބިޑު ހުށަހަޅާއިރު ކްލިއަރެންސް އަދި ދަތުރުފަތުރުގެ ހަރަދުތައް އަގުގެ ތެރޭގައި ހިމަނަންވާނެއެވެ.

ސާމާނުގެ ތަފްސީލީ ސްޕެސިފިކޭޝަންތަކާއި އަދަދުތައް، ރަޖިސްޓްރީވުމުން ބިޑިންގ ލިޔެކިޔުންތަކުގައި ފޯރުކޮށްދެވޭނެއެވެ.

ލޮޖިސްޓިކްސް، ޑެލިވަރީ އަދި ކޮމިޝަނިންގ

• ޑެލިވަރީ ކުރަންޖެހޭ ތަން: ނޫނު އަތޮޅު ކައުންސިލް އިދާރާ، ނ. މަނަދޫ (މަރުކަޒީ ހަބް).

  • އިންސްޓޯލްކުރުމާއި ކޮމިޝަންކުރުން: މި މަސައްކަތް ކުރިއަށްދާނީ ޕްރޮޖެކްޓް ކޮންސަލްޓަންޓުންނާއި ކޮންމެ ރަށެއްގެ ވޭސްޓް މެނޭޖްމަންޓް ސެންޓަރު (WMC) ގެ މުވައްޒަފުންގެ ބެލުމުގެ ދަށުން، އަތޮޅު ކައުންސިލްގެ ކޯޑިނޭޝަނާއެކުގައެވެ.

  • ޔޫޒަރ މެނުއަލް: ހުރިހާ ސާމާނަކަށް ބޭނުންވާ ޔޫޒަރ މެނުއަލް ފޯރުކޮށްދޭންވާނެއެވެ.

  • އޮޕަރޭޓަރުން އަހުލުވެރިކުރުން: ސަޕްލައިކުރާ ފަރާތުން، ތަކެތި ރައްކާތެރިކަމާއެކު ބޭނުންކުރާނެ ގޮތާއި އާންމުކޮށް ބަލަހައްޓަންޖެހޭ ކަންކަމާ ގުޅޭ އޮން-ސައިޓް ޓްރެއިނިންގ، ޕްރޮޖެކްޓް ކޮންސަލްޓަންޓުންނާ ގުޅިގެން ކުރިއަށް ގެންދަންވާނެއެވެ.

  • ޑެލިވަރީ މުއްދަތު: ކުރު މުއްދަތެއްގައި ތަކެތި ފޯރުކޮށްދޭ ފަރާތްތަކަށް ނިސްބަތުން މަތީ މާކްސްއެއް ދެވޭނެއެވެ.

  އިވެލުއޭޝަން ކްރައިޓީރިއާ

  ޕްރޮޕޯޒަލްތައް އިވެލުއޭޓް ކުރެވޭނީ އަންނަަނިވި ކަންކަމަށް ބަލައިގެންނެވެ:

  • ސްޕެސިފިކޭޝަންތަކަށް ފެތުމާއި ހުށަހަޅާފައިވާ ސާމާނުގެ ފެންވަރު.

    • ޖުމްލަ އަގު (ސާމާނު، ކްލިއަރެންސް އަދި ދަތުރުފަތުރުގެ ހަރަދު ހިމެނޭގޮތަށް).

    • ޑެލިވަރީ މުއްދަތު.

    • ވޮރަންޓީގެ މުއްދަތާއި އާފްޓަރ-ސޭލްސް ސަޕޯޓް.

    • ބިޑު ހުށަހަޅާ ފަރާތުގެ ތަޖުރިބާއާއި އިތުބާރު.

    ހުށަހަޅަންޖެހޭ ގޮތުގެ އިރުޝާދު

    ބިޑު ހުށަހެޅުން

    ބިޑުގައި ހިމަނަންޖެހޭ ތަކެތި:

    • ކުންފުނީގެ ޕްރޮފައިލް.

      • ކޯޓޭޝަން (ވަކިވަކި އައިޓަމްތަކުގެ އަގު، ޖުމްލަ އަގު، ޑެލިވަރީ އަދި ކްލިއަރެންސް ހަރަދު، އަދި ވޮރަންޓީގެ މުއްދަތު އެނގޭނޭހެން).

      • ޑެލިވަރީ މުއްދަތު (މަސައްކަތް ހަވާލުކުރާ ދުވަހުން ފެށިގެން މަނަދޫ ހަބަށް ތަކެތި ގެންދިއުމާ ހަމައަށް).

      ބޭނުންވާ ލިޔެކިޔުންތައް

      ޕްރޮޕޯޒަލް ޕެކޭޖުގައި ހިމަނަންޖެހޭ ތަކެތި:

      • ތަފްސީލީ ޕްރޮޕޯޒަލް އަދި އަގު ހުށަހަޅާ ފޯމު.

        • ,

          އިކުއިޕްމަންޓް ސްޕެސިފިކޭޝަންތަކާއި ތަފްސީލުތައް.

        • ވޮރެންޓީ: މޮޓޯއާއި ސްޕެއާ ޕާޓްސްތަކަށް މަދުވެގެން 12 މަސްދުވަސް.

        • އުފެއްދި ފަރާތުގެ ހުއްދަ އޮތްކަމުގެ ލިޔުން ނުވަތަ ދިވެހިރާއްޖޭގައި އެ ތަކެތި ވިއްކާ ރަސްމީ ޑިސްޓްރިބިއުޓަރެއް، އިމްޕޯޓަރެއް ނުވަތަ ރިސެލަރެއްކަން އަންގައިދޭ ލިޔުން. ބަލައިގަނެވޭނެ ލިޔެކިޔުންތަކުގެ ތެރޭގައި ހިމެނެނީ:

          • އުފެއްދި ފަރާތުގެ ނުވަތަ ނޭޝަނަލް ޑިސްޓްރިބިއުޓަރުގެ އޮތޮރައިޒޭޝަން ލެޓަރ.

            • އިމްޕޯޓް ރެޖިސްޓްރޭޝަން ނުވަތަ ލައިސަންސް (އޮންނަ އުސޫލެއްގެ މަތިން).

          • ދިވެހިރާއްޖޭގެ އިމްޕޯޓް ގަވާއިދުތަކާއި ކަމާގުޅޭ ސެޓްފިކޭޝަންތަކަށް ފެތުން.

          ކުރިމަތިލާނެ ގޮތް

          ޝައުގުވެރިވާ ފަރާތްތަކުން 21 އޮކްޓޫބަރު 2025 ގެ ކުރިން ނޫނު އަތޮޅު ކޮމްޕެނީ ޕްރީ-ބިޑް ރެޖިސްޓްރޭޝަން ފޯމު މެދުވެރިކޮށް އެކްސްޕްރެޝަން އޮފް އިންޓްރެސްޓް (EOI) ހުށަހަޅަންވާނެއެވެ. އެއްވެސް ސުވާލެއްވާނަމަ ތިރީގައިވާ އެޑްރެހަށް ފޮނުއްވުމުން، ރެޖިސްޓްރީ ކުރާ ހުރިހާ ފަރާތްތަކަށް ސުވާލުތަކުގެ ޖަވާބު ފޮނުވޭނެއެވެ.

          ފުރިހަމަ ޕްރޮޕޯޒަލްތައް 23 އޮކްޓޫބަރު 2025، 14:00 ގެ ކުރިން ހުށަހަޅަންވާނެއެވެ. ގަޑިޖެހިގެން ހުށަހަޅާ ޕްރޮޕޯޒަލްތައް ބަލައެއް ނުގަނެވޭނެއެވެ.

          ހުށަހަޅާނެ ގޮތް:
          އީމެއިލް: hello@noonunaturally.com

          އިތުރު މައުލޫމާތު ހޯދުމަށް

          • ފޯން: 6560012 / 6560028

            • އީމެއިލް: hello@noonunaturally.com

            • އޮފީސް އެޑްރެސް: ނޫނު އަތޮޅު ކޮމްޕެނީ އޮފީސް، ނ. މަނަދޫ، ދިވެހިރާއްޖެ