ބީލަމަށް ދަޢުވަތު: ނ. އަތޮޅުގައި ކޯރސް ސަރވޭކުރުމުގެ ނިޒާމެއް ޤާއިމްކުރުން

ނ. އަތޮޅު ޖީ.އެން.އެސް.އެސް (GNSS) އަދި ސީ.އޯ.އާރް.އެސް (CORS) ސާވޭއިން ސިސްޓަމް މަޝްރޫޢަކީ، ޖީ.އެން.އެސް.އެސް އަދި ސީ.އޯ.އާރް.އެސް ޓެކްނޮލޮޖީ ބޭނުންކޮށްގެން ނޫނު އަތޮޅުގެ ބިން ބޭނުންކުރާނެ ގޮތުގެ ޕްލޭންތައް އެކުލަވައިލުމާއި، އިންފްރާސްޓްރަކްޗަރ ތަރައްޤީކުރުމާއި، އަދި ތަބީޢީ ވަސީލަތްތައް ބެލެހެއްޓުމަށް އެހީތެރިވުމަށް ހިންގާ މަޝްރޫޢެކެވެ.

މަޝްރޫޢުގެ ޚުލާސާ

މަޤްޞަދު:
ގްލޯބަލް ނެވިގޭޝަން ސެޓެލައިޓް ސިސްޓަމް (GNSS) އަދި ކޮންޓިނިއުއަސްލީ އޮޕަރޭޓިންގ ރިފަރެންސް ސްޓޭޝަން (CORS) ޓެކްނޮލޮޖީގެ އެހީގައި، ނޫނު އަތޮޅުގެ ބިން ބޭނުންކުރާނެ ގޮތުގެ ޕްލޭންތަކާއި އިންފްރާސްޓްރަކްޗަރ މަޝްރޫޢުތަކަށް އިތުބާރުހުރި، ދެމެހެއްޓެނިވި އަދި ހަރުދަނާ ނިޒާމެއް ގާއިމުކުރުމެވެ. ޖީ.އެން.އެސް.އެސް މެދުވެރިކޮށް ބިމުގެ އިންތައް ކަނޑައެޅުމަށާއި، ގިރާ ސަރަހައްދުތައް ބެލުމަށާއި، އަދި އަތޮޅުގެ ރަށްރަށަށް އަންނަ ތިމާވެށީގެ ބަދަލުތައް ދެނެގަތުމަށް ބޭނުންވާ ސީދާ ޕޮޒިޝަނިންގ ޑޭޓާ ލިބިގެންދާނެއެވެ. ސީ.އޯ.އާރް.އެސްގެ ސަބަބުން މަގުތަކާއި އިމާރާތްތައް ފަދަ އިންފްރާސްޓްރަކްޗަރ ފަރުމާކުރުމަށް ބޭނުންވާ ވަގުތުން ވަގުތަށް ލިބޭ، ސައްހަ ޖިއޯސްޕޭޝަލް ޑޭޓާ އެއްކުރުމަށް މަގުފަހިވެ، ފެންބޮޑުވުމާއި އުސްމިން ބެލުމަށް ބޭނުންވާ ރިފަރެންސް ޕޮއިންޓްތައް ފޯރުކޮށްދީ ކާރިސީ ނުރައްކާ މެނޭޖްކުރުމަށް އެހީތެރިވެދޭނެއެވެ. މީގެ އިތުރުން، ބިން ބޭނުންކުރާ ގޮތުގެ ފޯމެޓްތައް ބަލައި، ދެމެހެއްޓެނިވި ތަރައްޤީގެ ނިންމުންތައް ނިންމުމުގައި ތަބީޢީ ވަސީލަތްތައް މެނޭޖްކުރުމަށް މި ސިސްޓަމް އެހީތެރިވެދޭނެއެވެ.

މަސައްކަތުގެ ދާއިރާ:

• މަދުވެގެން 10 އަހަރު ދުވަހުގެ މުއްދަތަށް ޖީ.އެން.އެސް.އެސް އަދި ސީ.އޯ.އާރް.އެސް ސާވޭއިން ސިސްޓަމެއް ސަޕްލައިކުރުން، ހަރުކުރުން، ހިންގުން އަދި ބެލެހެއްޓުން.

  މުހިންމު ސިފަތައް

  • ނޫނު އަތޮޅު ކައުންސިލް އިދާރާގައި ކޮންޓިނިއުއަސްލީ އޮޕަރޭޓިންގ ރިފަރެންސް ސްޓޭޝަން (CORS) އެއް ބިނާކުރުން.

    • ކައުންސިލް އިދާރާއިން ފެށިގެން މަދުވެގެން 25 ކިލޯމީޓަރުގެ ރޭޑިއަސްއެއްގައި މަސައްކަތްކުރާ ޖީ.އެން.އެސް.އެސް ރިސީވަރެއް ހަރުކުރުން.

    • ޖަދުވަލު ބީ (Appendix B) ގައިވާ ޓެކްނިކަލް ސްޕެސިފިކޭޝަންތަކަށް ފެތުން.

    • ޖީ.އައި.އެސް (GIS)، ޖީ.ޕީ.އެސް (GPS) އަދި ގުޅުންހުރި އިދާރީ ނިޒާމުތަކާ ގުޅާލުން.

    • އިދާރީ މަސައްކަތްތަކަށާއި ހުއްދަދެވިފައިވާ ބޭރުގެ ފަރާތްތަކަށް ރައްކާތެރިކަމާއެކު ޑޭޓާ ހިއްސާކުރެވޭނެ އިންތިޒާމުތައް ގާއިމުކުރުން.

    ފޯރުކޮށްދޭންޖެހޭ ތަކެއްޗާއި ޚިދުމަތްތައް

    • ފުރިހަމައަށް މަސައްކަތްކުރާ، ބޭނުންވާ ހުރިހާ ސާމާނަކާއެކު ޖީ.އެން.އެސް.އެސް އަދި ސީ.އޯ.އާރް.އެސް ސާވޭއިން ސިސްޓަމެއް.

      • ރަށު ފެންވަރުގައި ކުރާ މަސައްކަތްތަކަށް ބޭނުންވާ ހޭންޑްހެލްޑް ޖީ.ޕީ.އެސް ސިސްޓަމެއް.

      • މުވައްޒަފުންނަށް ބޭނުންވާ ތަމްރީނު ސެޝަންތަކާއި ޔޫޒަރ މެނުއަލްތައް.

      • 10 އަހަރުގެ ކޮންޓްރެކްޓް މުއްދަތުގައި ރިމޯޓް މޮނިޓަރިންގ، މައްސަލަ ހައްލުކުރުން (troubleshooting) އަދި ފާމްވެއަރ އަޕްޑޭޓްތައް ހިމެނޭހެން ސަޕޯޓް ޚިދުމަތްތައް ފޯރުކޮށްދިނުން.

      ޕާޓްނަރޝިޕް މޮޑެލް

      މި މަޝްރޫޢު ކުރިއަށްދާނީ ނޫނު އަތޮޅު ކައުންސިލާއި ހޮވޭ ޚިދުމަތްދޭ ފަރާތާ ދެމެދު ހިއްސާވާ ޕާޓްނަރޝިޕް މޮޑެލްއެއްގެ ދަށުންނެވެ. ސިސްޓަމް ބޭނުންކުރުމުގެ ހުއްދަ ދެފަރާތުން ގުޅިގެން ބަލަހައްޓާނެއެވެ. އަދި ތިންވަނަ ފަރާތްތަކުން ސިސްޓަމް ބޭނުންކޮށްގެން ލިބޭ އާމްދަނީ ހިއްސާކުރާނީ، ދެފަރާތުގެ ޒިންމާތަކާއި އާމްދަނީ ހިއްސާކުރާނެ ގޮތުގެ ތަފްސީލު ހިމެނޭ އެއްބަސްވެފައިވާ އޮނިގަނޑެއްގެ ދަށުންނެވެ.

      މުހިންމު ތާރީޚުތައް

      • ރަޖިސްޓްރީ ކުރަން ހުޅުވާލުން: 20 ފެބްރުއަރީ 2025، 14:00 ގައި

        • ރަޖިސްޓްރީ ކުރުން ބަންދުވުން: 24 ފެބްރުއަރީ 2025، 13:00 ގައި

        • ,

          މައުލޫމާތު ސެޝަން: 25 ފެބްރުއަރީ 2025، 14:00 ގައި (ޓީމްސް މެދުވެރިކޮށް)

        • ސުވާލުތަކަށް ޖަވާބުދިނުން: 26 ފެބްރުއަރީ 2025، 14:00 ގައި

        • ބިޑް ހުށަހެޅުމުގެ ސުންގަޑި: 1 މާރިޗު 2025، 14:00 ގައި

        • ހޮވޭ ފަރާތް އެންގުން: 5 މާރިޗު 2025، 14:00 ގައި

        • ޝަކުވާ ހުށަހެޅުމުގެ ސުންގަޑި: 8 މާރިޗު 2025، 14:00 ގައި

        • މަސައްކަތް ހަވާލުކުރުން: 10 މާރިޗު 2025

        ޕޮއިންޓް ދޭނެ އުސޫލު

        ޕްރޮޕޯޒަލްތައް އިވެލުއޭޓް ކުރެވޭނީ އަންނަަނިވި ކަންކަމަށް ބަލައިގެންނެވެ:

        • އަގު (70%): އެންމެ ކުޑަ އަގު ހުށަހަޅާ ފަރާތަކަށް ބަލައިގެން އެހެން ފަރާތްތަކަށް ޕޮއިންޓް ދެވޭނެއެވެ.

          • ތަޖުރިބާ (30%): މިފަދަ މަޝްރޫއުތައް ހިންގާފައިވާ މިންވަރަށް ބަލައި، ރެފަރެންސް ސިޓީތަކާއި ފަންނީ ގާބިލުކަމަށް ޕޮއިންޓް ދެވޭނެއެވެ.

          ހުށަހަޅަންޖެހޭ ލިޔެކިޔުންތައް

          • ބިޑް ހުށަހަޅާ ފޯމު (ޖަދުވަލު A)

            • ކުރިން ކޮށްފައިވާ މަސައްކަތްތަކުގެ ތަޖުރިބާގެ ލިޔުން/ރެފަރެންސް ސިޓީ

            • ޓެކްސް ކްލިއަރެންސް ރިޕޯޓް

            • ވިޔަފާރި ރަޖިސްޓްރީ ސެޓްފިކެޓް

            ހުށަހަޅަންޖެހޭ ގޮތުގެ ތަފްސީލު

            މި މަސައްކަތަށް ޝައުގުވެރިވާ ފަރާތްތަކުން މި ރަޖިސްޓްރޭޝަން ލިންކް މެދުވެރިކޮށް ރަޖިސްޓްރީ ކުރަންވާނެއެވެ. މަޖުބޫރު މައުލޫމާތު ސެޝަނުގައި ބައިވެރިވެވޭނީ ހަމައެކަނި ރަޖިސްޓްރީ ކުރާ ފަރާތްތަކަށެވެ. ޕްރޮޕޯޒަލްތައް ހުށަހަޅަންވާނީ ކަނޑައެޅިފައިވާ ތަނަށް، ސުންގަޑީގެ ކުރިންނެވެ. ހޮވޭ ފަރާތްތަކުގެ ނަތީޖާ ހިއްސާކުރެވޭނީ ސްކޯރިންގ ޝީޓެއް މެދުވެރިކޮށެވެ.

            ނޫނު އަތޮޅުގެ ތަރައްގީއަށް ބޭނުންވާ މައުލޫމާތު އެއްކުރުމުގެ މި މަޝްރޫއުގައި ބައިވެރިވުމުގެ ފުރުސަތު ހިދުމަތްދޭ ފަރާތްތަކަށް ހުޅުވާލަމެވެ. އިތުރު މައުލޫމާތު ހޯއްދެވުމަށް ވެބްސައިޓަށް ޒިޔާރަތްކުރައްވާ ނުވަތަ އަޅުގަނޑުމެންނާ ގުޅުއްވާށެވެ.

            ގުޅޭނެ މައުލޫމާތު

            • ފޯން ނަންބަރު: 6560012 ނުވަތަ 6560028

              • އީމެއިލް އެޑްރެސް: info@noonu.gov.mv