ތަކަކުރާ ކޮމިއުނިޓީ ކޮމްޕޯސްޓިންގ ޕްރޮޖެކްޓް - ރަށު ކައުންސިލްތަކުގެ ޕްރޮޕޯސަލްއަށް ހުޅުވާލުން

ނ. އަތޮޅުގެ މީހުން ދިރިއުޅޭ 12 ރަށެއްގައި ކުނި މެނޭޖުކުރުމުގެ ނިޒާމަށް އިންގިލާބީ ބަދަލެއް ގެނައުމަށް ފަރުމާކުރެވިފައިވާ "ތަކަކޫރާ ކޮމިއުނިޓީ ކޮމްޕޯސްޓިންގް ޕްރޮޖެކްޓް" އިފްތިތާޙުކުރިކަން އިޢުލާނުކުރަނީ ނުހަނު އުފަލާއެކުގައެވެ. މިއީ ގުދުރަތީ ނިޒާމުތަކުން ނަމޫނާ ނަގައިގެން، މުޖުތަމައުގެ ބައިވެރިވުމާއެކު "ސާކިއުލާ އިކޮނޮމީ" އެއް ބިނާކުރުމަށް އެޅޭ މުހިންމު ފިޔަވަޅެކެވެ.

މަޝްރޫޢާ ބެހޭގޮތުން

މި މަޝްރޫޢަކީ ކާމިޔާބުކަމާއެކު ތަޖުރިބާކުރެވިފައިވާ "ތަކަކޫރާ މެތަޑް" ގެ މައްޗަށް ބިނާވެފައިވާ މަޝްރޫޢެކެވެ. މިއީ ގޯނި ބޭނުންކޮށްގެން އަދި "ލެކްޓޯބެސިލަސް ސްޓާޓާ" ބޭނުންކޮށްގެން އެންމެ 21 ދުވަސް ތެރޭގައި ކާބޯތަކެތީގެ ކުނި ފެންވަރު ރަނގަޅު ކޮމްޕޯސްޓަށް ބަދަލުކޮށްދޭ، ޚަރަދު ކުޑަ އަދި ފަސޭހަ އުކުޅެކެވެ. މި ގޮތަކީ ނުބައި ވަސް ނުދުވާ، އާދައިގެ ޓެކްނޮލޮޖީ ބޭނުންކުރާ، އަދި މާލީގޮތުން ދެމެހެއްޓެނިވި ގޮތެއް ކަމުން، މިއީ ރަށްރަށުގެ ފެންވަރުގައި ކުނި މެނޭޖުކުރުމަށް އެންމެ އެކަށީގެންވާ ގޮތެވެ. އިތުރު 12 ރަށަކަށް މި ނިޒާމު ފުޅާކުރުމުގެ މަގުސަދަކީ، ކާބޯތަކެތީގެ ކުނި މެނޭޖުކޮށް، އެއީ އަގުހުރި ވަސީލަތަކަށް ބަދަލުކުރުމުގެ ބާރު ރަށްރަށުގެ މުޖުތަމައުތަކަށް ހޯދައިދިނުމެވެ.

މަޝްރޫޢުގެ މުހިންމު ބައިތައް

މި މަޝްރޫޢު ކުރިއަށްދާނީ 6 މަސްދުވަހުގެ މުއްދަތަށެވެ. މީގެ ދަށުން ނޫނު އަތޮޅުގެ 12 ރަށެއް ހިމެނޭނެއެވެ. މި މަޝްރޫޢަށް 2,000,000 ރުފިޔާގެ ގްރާންޓް އެހީއާއި، ކޯ-ފައިނޭންސިންގްގެ ގޮތުގައި ލިބޭ 2,400,000 ރުފިޔާއާއެކު، ޖުމްލަ 4,400,000 ރުފިޔާ ޚަރަދުވާނެއެވެ. މި ފައިސާ ހޭދަކުރެވޭނީ އިންފްރާސްޓްރަކްޗަރާއި، ތަމްރީނު ދިނުމާއި، އަދި ކޮމްޕޯސްޓް އުފައްދާ މަރުކަޒުތައް ދެމެހެއްޓެނިވި ގޮތެއްގައި ހިންގުމަށެވެ.

މައިގަނޑު މަގުސަދުތައް

މި މަޝްރޫޢުގެ މަގުސަދަކީ 6 މަސްދުވަހުގެ ތެރޭގައި ފުރިހަމައަށް ހިނގާ 12 ކޮމްޕޯސްޓް މަރުކަޒު ގާއިމުކުރުމެވެ. މި މަރުކަޒުތަކުން އަހަރަކު 1.5 މިލިއަން ކިލޯއަށްވުރެ ގިނަ ކާބޯތަކެތީގެ ކުނި މެނޭޖުކޮށް، ކުނިގޮނޑުތަކަށް ބާރުބޮޑުވުން ކުޑަކޮށްދޭނެއެވެ. އަދި އަހަރަކު 1.5 މިލިއަން ކިލޯގެ ކޮމްޕޯސްޓް އުފައްދައި، ދަނޑުވެރިކަމަށާއި ކާނާގެ ރައްކާތެރިކަމަށް އެހީތެރިވެދޭނެއެވެ. މި މަސައްކަތް ހަރުދަނާކުރުމަށްޓަކައި، ކޮންމެ ރަށަކުން 5 މުވައްޒަފުންގެ މަގުން، ޖުމްލަ 60 މުވައްޒަފުން ކޮމްޕޯސްޓް ކުރުމާއި ކުނި ވަކިކުރުމުގެ ދާއިރާއިން ތަމްރީނުކުރެވޭނެއެވެ.

މަޝްރޫޢު ކުރިއަށްދާނެ މަރުހަލާތައް

މި މަޝްރޫޢު ކުރިއަށްދާނީ ތިން މަރުހަލާއަކަށް ބަހާލައިގެންނެވެ.

• ފުރަތަމަ މަރުހަލާ (1 ވަނަ މަސް): މި މަރުހަލާގައި ކޮމްޕޯސްޓް ކުރާނެ ސައިޓްތައް ކަނޑައެޅުމާއި، ފައިނޭންސިންގް އެއްބަސްވުންތައް ނިންމުމާއި، ބޭނުންވާ ސާމާނު ހޯދުމުގެ މަސައްކަތް ކުރިއަށްދާނެއެވެ.

  • ދެވަނަ މަރުހަލާ (2 ވަނަ މަހުން 4 ވަނަ މަހަށް): މި މަރުހަލާގައި ސާމާނުތައް އިންސްޓޯލްކުރުމާއި، ކޮންމެ ރަށެއްގައި 3 ދުވަހުގެ ތަމްރީނު ޕްރޮގްރާމެއް ހިންގުމާއި، ފުރަތަމަ ބެޗްތަކުގެ ކޮމްޕޯސްޓް އުފައްދަން ފެށުން ހިމެނެއެވެ.

  • ތިންވަނަ މަރުހަލާ (3 ވަނަ މަހުން 6 ވަނަ މަހަށް): މި މަރުހަލާގައި ދުވަހުން ދުވަހަށް ކުރަންޖެހޭ މަސައްކަތްތައް ކުރުމާއި، މަހުން މަހަށް ރިޕޯޓް ތައްޔާރުކުރުމާއި، މަޝްރޫޢުގެ ނަތީޖާއާއި ދެމެހެއްޓެނިވިކަން ވަޒަންކުރުން ހިމެނެއެވެ.

  މީގެ މުހިންމުކަން

  ,

  އޯގަނިކް ކުނި ނިއުޓްރިއަންޓުން މުއްސަނދި ކޮމްޕޯސްޓަށް ބަދަލުކުރުމުގެ ސަބަބުން، މި މަޝްރޫޢުގެ އެހީގައި ވެލިގަނޑުގެ ފަސްގަނޑު މުއްސަނދިކޮށް، ރަށުގެ ދަނޑުވެރިކަން ކުރިއަރުވައި، އަދި ދެމެހެއްޓެނިވި ގޮތެއްގައި ރަށްފުށުގެ ދިރިއުޅުން ބައްޓަންކުރުމަށް މަގުފަހިވެގެންދާނެއެވެ. މިއީ ކުނި މެނޭޖުކުރުމަށް މުޖުތަމަޢުގެ ބައިވެރިވުމާއެކު ހޯދޭ ހައްލެއްގެ އިތުރުން، ފެހި އަދި އަމިއްލަ ފުދުންތެރި ނޫނު އަތޮޅަކަށް އެޅޭ މުހިންމު ފިޔަވަޅެކެވެ. އަދި މި މަޝްރޫޢުގެ ސަބަބުން ތިމާވެށި ރައްކާތެރިކުރުމުގެ ރޫޙު އާލާވެ، މޫސުމީ ގޮންޖެހުންތަކަށް ކުރިމަތިލުމުގެ ގާބިލުކަން އިތުރުވެގެންދާނެއެވެ.

  ބައިވެރިވުމަށް ޝައުގުވެރިވޭތޯ؟

  މި ފޯރިގަދަ އިސްނެގުމުގައި ޢަމަލީ ގޮތުން ބައިވެރިވުމަށްޓަކައި ޕްރޮޕޯސަލް ހުށަހެޅުމުގެ ފުރުޞަތު ނޫނު އަތޮޅުގެ ހުރިހާ ރަށު ކައުންސިލްތަކަށް ހުޅުވާލަމެވެ. އަޅުގަނޑުމެންގެ ރަށްތަކަށް ސާފުތާހިރު، ދުޅަހެޔޮ އަދި ދެމެހެއްޓެނިވި މުސްތަޤުބަލެއް ބިނާކުރުމުގައި ތިޔަ ކައުންސިލްތަކުގެ ބައިވެރިވުމަކީ ވަރަށް މުހިންމު ދައުރެއް އަދާކުރާނެ ކަމެކެވެ.

  ކައުންސިލްތަކުން ފުރިހަމަކުރަންޖެހޭ ކަންތައްތައް

  މި މަޝްރޫޢުގެ ޤަރާރުތަކާއި އެއްބަސްވުމުގެ ލިޔެކިޔުންތަކުގެ އިތުރުން "ތަކަކޫރާ ޓޫލްކިޓް" ނޫނު އަތޮޅުގެ ހުރިހާ ރަށު ކައުންސިލްތަކަށް މިހާރު ފޮނުވިފައިވާ ވާހަކަ ދަންނަވަމެވެ.

  އެހެންކަމުން، ކޮންމެ ކައުންސިލަކުންވެސް ތިރީގައިވާ ކަންކަން ފުރިހަމަކޮށްދެއްވުމަށް އިޙްތިރާމާއެކު އެދެމެވެ:

  1. އެއްބަސްވުން މުރާޖަޢާކޮށް ސޮއިކުރުން؛

     1. މަޝްރޫޢާ ގުޅޭ ޤަރާރު ފާސްކުރުން؛

     2. މަޝްރޫޢު ހިންގުމަށް ބޭނުންވާ ބަޖެޓު ކަނޑައެޅުން؛

     3. މަތީގައިވާ ކަންކަން ފުރިހަމަވުމުން ނޫނު އަތޮޅު ކައުންސިލަށް އެންގުން.

     މި ފިޔަވަޅުތަކަކީ "ތަކަކޫރާ ކޮމިއުނިޓީ ކޮމްޕޯސްޓިންގ ޕްރޮޖެކްޓް" ބައިވެރިވާ ހުރިހާ ރަށްތަކެއްގައި އެއް އުސޫލަކުން އަދި ވަގުތުން ވަގުތަށް ކުރިއަށް ގެންދިއުމަށް ކޮންމެހެން ބޭނުންތެރި ކަންކަމެވެ.

     ސޮއިކޮށްފައިވާ އެއްބަސްވުންތަކާއި، ފާސްކޮށްފައިވާ ޤަރާރުތަކާއި، އަދި ބަޖެޓު ކަށަވަރުކޮށްދޭ ލިޔުންތައް ހުށަހެޅުމުގެ އެންމެ ފަހު ތާރީޚަކީ 30 ސެޕްޓެމްބަރު 2025 އެވެ.

     އިތުރު މަޢުލޫމާތު ހޯއްދެވުމަށް ގުޅުއްވާނީ:

     • ޒަމީރު ޒުބައިރު – zameer@noonunaturally.com

       • ޢަލީ ޝަމީމް – ali.shameem@kudafari.gov.mv

       • ޢަބްދުﷲ ޙަމީދު – abdulla.hamaeed@noonu.gov.mv

       • ޕްލޭނިންގ އެންޑް އިންފްރާސްޓްރަކްޗަރ ޑިޕާޓްމަންޓް – planning@noonu.gov.mv

       • ޢަބްދުލް މުހައިމިން – abdul.muhaimin@nooonu.gov.mv