ބީލަމަށް ދަޢުވަތު - އަލުން އިޢުލާން: އެކްސްޓަރނަލް އޮޑިޓް ޚިދުމަތް ފޯރުކޮށްދިނުން

ތަޢާރަފު

ނޫނު އަތޮޅު އެލް.އޭ.ސީ ލިމިޓެޑަކީ ދިވެހިރާއްޖޭގެ ކުންފުނީގެ ޤާނޫނު (07/2023) ގެ ދަށުން 2023 ވަނަ އަހަރު އުފައްދާފައިވާ، ނޫނު އަތޮޅު ކައުންސިލްގެ ސައްތަ އިންސައްތަ ހިއްސާ އޮންނަ ކުންފުންޏެކެވެ. މި ކުންފުނީގެ މަސްއޫލިއްޔަތުތަކުގެ ތެރޭގައި ފަތުރުވެރިކަން ތަރައްޤީކުރުން، އިއާދަކުރަނިވި ހަކަތަ، ދަނޑުވެރިކަން، ކުނި މެނޭޖްކުރުމާއި ރީސައިކަލްކުރުން، ޔުޓިލިޓީ ޚިދުމަތްތައް، އަދި ނޫނު އަތޮޅު ކައުންސިލުން ހަވާލުކުރާ އެހެނިހެން މަޝްރޫޢުތަކާއި މަސައްކަތްތައް ހިމެނެއެވެ.

މަޤްޞަދު

މި މަސައްކަތުގެ މަޤްޞަދަކީ، 31 ޑިސެމްބަރު 2023 އަދި 31 ޑިސެމްބަރު 2024 އަށް ނިމުނު މާލީ އަހަރުތަކުގެ ނޫނު އަތޮޅު އެލް.އޭ.ސީ ލިމިޓެޑްގެ މާލީ ބަޔާންތަކުގެ ސައްހަކަމާއި ފުރިހަމަކަމާ މެދު ވަޒަންކުރުމަށާއި ރައުޔެއް ހުށަހެޅުމަށް މިނިވަން އެކްސްޓަރނަލް އޮޑިޓަރެއް އައްޔަންކުރުމެވެ.

އޮޑިޓްގެ ދާއިރާ

އެކްސްޓަރނަލް އޮޑިޓް ކުރިއަށް ގެންދަންވާނީ މި އިޢުލާނާއެކު އެޓޭޗްކުރެވިފައިވާ ޓާމްސް އޮފް ރިފަރެންސް (TOR) އާ އެއްގޮތްވާ ގޮތުގެ މަތިންނެވެ. އަދި މި އޮޑިޓްގައި މަތީގައި ބަޔާންކުރެވިފައިވާ މުއްދަތުތަކުގެ ކުންފުނީގެ މާލީ ބަޔާންތައް ތަހުގީގުކޮށް ބެލުން ހިމެނެއެވެ.

އޮޑިޓަރުގެ ޝަރުޠުތައް

ޝައުޤުވެރިވާ އޮޑިޓް ފާމްތަކަކީ އެޓޭޗްކުރެވިފައިވާ TOR ގައި ބަޔާންކޮށްފައިވާ އެންމެ މަދުވެގެން ފުރިހަމަވާންޖެހޭ ޝަރުޠުތަކާއި ފަންނީ މިންގަނޑުތައް ފުރިހަމަވާ ފަރާތްތަކަކަށް ވާންޖެހޭނެއެވެ.

ޕްރޮޕޯޒަލް ހުށަހެޅުމުގެ ޝަރުޠުތައް

ފާމްތަކުން ހުށަހަޅާ ޕްރޮޕޯޒަލަކީ TOR ގައި ބަޔާންކޮށްފައިވާ ހުރިހާ ތަފްސީލުތަކެއް ހިމެނޭ ފުރިހަމަ ޕްރޮޕޯޒަލަކަށް ވާންޖެހޭނެއެވެ.

އިވެލުއޭޝަން ކްރައިޓީރިއާ

ފަރާތްތައް ހޮވުމުގައި ބަލާނީ TOR ގައި ކަނޑައަޅާފައިވާ އިވެލުއޭޝަން ކްރައިޓީރިއާ އަށެވެ.

ހުށަހަޅަންޖެހޭ ގޮތުގެ އިރުޝާދު

ޝައުޤުވެރިވާ ފަރާތްތަކުން ދެވިފައިވާ ރެޖިސްޓްރޭޝަން ލިންކް މެދުވެރިކޮށް ރެޖިސްޓްރޭޝަން ފޯމް ފުރިހަމަކުރެއްވުމަށްފަހު، 10 އޯގަސްޓް 2025، 18:00 ގެ ކުރިން އީމެއިލް ކުރަންވާނެއެވެ.

ރެޖިސްޓްރޭޝަން ލިންކް

ނޯޓް: މި މުއްދަތުގެ ކުރިން ރެޖިސްޓްރީ ނުކުރާ ފަރާތްތަކަށް ބިޑްގައި ބައިވެރިވުމުގެ ފުރުޞަތެއް ނޯންނާނެއެވެ.

މުހިންމު ތާރީޚުތައް

• ރެޖިސްޓްރޭޝަން ހުޅުވާލުން: 10 އޯގަސްޓް 2025، 18:00 (އޮންލައިންކޮށް: ރެޖިސްޓްރޭޝަން ލިންކް މެދުވެރިކޮށް)

  • ރެޖިސްޓްރޭޝަން ބަންދުވުން: 17 އޯގަސްޓް 2025، 16:00

  • މަޢުލޫމާތު ސެޝަން: 18 އޯގަސްޓް 2025، 14:00 (ޓީމްސް މެދުވެރިކޮށް)

  • ސުވާލުތަކަށް ޖަވާބުދިނުން: 19 އޯގަސްޓް 2025، 16:00

  • ބިޑް ހުށަހެޅުމާއި ހުޅުވުން: 21 އޯގަސްޓް 2025، 14:00

  • ހޮވުނު ފަރާތް އެންގުން: 31 އޯގަސްޓް 2025

  • ,

    ޝަކުވާ ހުށަހެޅުމާއި އިސްތިއުނާފު ކުރުމުގެ ސުންގަޑި: 4 ސެޕްޓެމްބަރު 2025، 14:00 ޖަހާއިރު

  ޕޮއިންޓް ދޭނެ އުސޫލު

  • އަގު (80%) – އެންމެ ކުޑަ އަގު ހުށަހަޅާ ފަރާތަށް ބަލައިގެން އެހެން ބިޑްތަކަށް ޕޮއިންޓް ދެވޭނެއެވެ.

  • ތަޖުރިބާ (20%) – ގުޅުންހުރި މަޝްރޫޢުތަކުގެ ތަޖުރިބާއަށް ބަލައި ޕޮއިންޓް ދެވޭނެއެވެ. މީގެ ތެރޭގައި ރެފަރެންސް ސިޓީތަކާއި ދައްކުވައިދީފައިވާ ހުނަރުވެރިކަމަށް ބެލެވޭނެއެވެ.

  ހުށަހަޅަންޖެހޭ ލިޔެކިޔުންތައް

  • ކުންފުނީގެ ޕްރޮފައިލް

  • ބިޑް ހުށަހަޅާ ފަރާތުގެ ރެފަރެންސްތައް

  • މަސައްކަތުގެ ދާއިރާއާ (ސްކޯޕް އޮފް ވޯކް) ގުޅޭގޮތުން ހުރި ޚިޔާލުތަކާއި ހުށަހެޅުންތައް

  • މަސައްކަތް ކުރިއަށް ގެންދާނެ ގޮތުގެ ތަފްސީލު (މެތޮޑޮލޮޖީ)

  • ޓީމުގައި ހިމެނޭ މެންބަރުންނާއި މަސައްކަތްތައް ބަހާލެވިފައިވާ ގޮތް

  • ހުށަހަޅާ އަގު

  • ބިޑް ޑޭޓާގައި ބަޔާންކޮށްފައިވާ އިތުރު ފޯމުތައް

  ހުށަހަޅަންޖެހޭ ގޮތް

  ޕްރޮޕޯޒަލްތައް އީމެއިލް ކުރައްވާނީ hello@noonunaturally.com އަށެވެ. ޕްރޮޕޯޒަލް ހުށަހަޅަންވާނީ މަތީގައި ބަޔާންކޮށްފައިވާ ބިޑް ހުށަހެޅުމުގެ ސުންގަޑީގެ ކުރިންނެވެ.