ކެނެޑާ ފަންޑް ފޯރ ލޯކަލް އިނީޝިއޭޓިވްސް ގްރާންޓުން "ރީއިމެޖިން ނ. އަތޮޅު ބިނާވެށި ޕްރޮޖެކްޓް" އަށް ބާރުވެރިކަން ގެނެސްދެއްވައިފި

އަޅުގަނޑުމެންނަށް ފަޚުރުވެރިވެވެނީ "ރީއިމެޖިން ނ. އަތޮޅު ބިނާވެށި ޕްރޮޖެކްޓް" އަށް ކެނެޑާ ފަންޑް ފޯރ ލޯކަލް އިނިޝިއޭޓިވްސް (ސީއެފްއެލްއައި) ގެ ދަށުން ލޭންޑް ސީ މޯލްޑިވްސްއާއެކު މުހިންމު ބައިވެރިވުމެއް ލިބިގެން ދިޔުމެވެ. މި ގުޅުމުގެ ތެރެއިން "ރީޖަނަލް އިންޓެގްރޭޓެޑް ސަސްޓެއިނަބިލިޓީ އިނިޝިއޭޓިވް (ރިސީ): ފޮސްޓަރިންގ ރެސިލިއަންޓް ކޮމިއުނިޓީސް އިން ނ. އަތޮޅު" ތަންފީޒުކުރެވޭނެއެވެ. މިއީ އަތޮޅުގެ ދެމެހެއްޓެނިވި ތަރައްޤީއާއި މުޖުތަމަޢުގެ ދުޅަހެޔޮކަމަށް އަޅުގަނޑުމެން ގެންގުޅޭ ވިސްނުމުގެ މުހިންމު ބައެކެވެ.

ސީއެފްއެލްއައި ގްރާންޓަކީ އަޅުގަނޑުމެންގެ ތިމާވެއްޓަށާއި ރައްޔިތުންނަށް ކުރެވޭ އިންވެސްޓްމަންޓެކެވެ. 2024 ވަނަ އަހަރުގެ ޖޫން މަހު ފެށުމަށް ހަމަޖެހިފައިވާ މި ދެ އަހަރުގެ މަޝްރޫޢުގެ ދަށުން ގޮންޖެހުންތަކަށް އަމާޒުކުރެވޭނެއެވެ. މީގެ ތެރޭގައި ވިލަރެސްނުކުރެވޭ ބިން ބޭނުންކުރުމުގެ ޕްލޭނިންގ، ވަސީލަތްތައް މަދުވުން އަދި އާބާދީގެ ޕްރެޝަރތައް ހިމެނެއެވެ. އެކުލެވޭ ގޮތަށް ކުރިއަށް ގެންދިއުމުގެ އުސޫލުގެ މަތިން، މި މަޝްރޫޢުގެ މަޤްޞަދަކީ ނ. އަތޮޅުގެ ގުޅިލާމެހިފައިވާ މުޖުތަމަޢުތަކަށް ހަމަހަމަ، ދެމެހެއްޓެނިވި އަދި ވިލުންވެރި މުސްތަޤްބަލެއް ހޯދައިދިނުމެވެ.

ރިސީ އިނިޝިއޭޓިވްގެ މުހިންމު ކަންތައްތައް

އިންޓެގްރޭޓެޑް އަތޮޅު ބިން ބޭނުންކުރުމުގެ ޕްލޭން ވަރކްޝޮޕް:

މި ބައިވެރިވުމުގެ ވަރކްޝޮޕްގައި 25 އަންހެން ސިޔާސީ ކެންޑިޑޭޓުން ޤާނޫނީ، އިޤްތިޞާދީ، ޕްލޭނިންގ އަދި އަސްލު ޢިލްމުވެރިންނާއެކު މަޝްވަރާކޮށް، އެކުލެވޭ ލީޑަރޝިޕާއި މަޢުލޫމާތުގެ އަލީގައި ނިންމުންތައް ނިންމުމަށް މަގުފަހިކުރެވޭނެއެވެ.

ޤާބިލުކަން އިތުރުކުރުމުގެ ކޮންސަލްޓަންސީ:

6 މަސްދުވަހުގެ ކޮންސަލްޓަންސީއެއްގެ ދަށުން، އަރބަން ޕްލޭނިންގ، ސޯޝަލް ސައިންސަސް އަދި ގަވަރނަންސްގެ ތަޖުރިބާކާރުން މެދުވެރިކޮށް، ކައުންސިލް މުވައްޒަފުންނަށް މުޖުތަމަޢުއަށް ދެމެހެއްޓެނިވި، ދިގު މުއްދަތުގެ އެކްޝަން ޕްލޭންތައް ފަރުމާކޮށް ތަންފީޒުކުރުމުގެ ހުނަރު ދަސްކޮށްދެވޭނެއެވެ.

އިންޓެގްރޭޓެޑް އަތޮޅު ތަރައްޤީގެ ފޯރަމް:

މި ފޯރަމްގައި އަތޮޅު ކައުންސިލްތަކާއި، މަދަނީ ޖަމްޢިއްޔާތަކާއި، އަދި މުހިންމު ފަރާތްތައް އެއްތަނަކަށް ގެނެސް، އެކުގައި މަސައްކަތްކުރުމަށް މަގުފަހިކޮށް، ބިން ބޭނުންކުރުމުގެ ޕްލޭނިންގ އަށް މުޖުތަމަޢު އިސްނަގައިގެން ކުރިއަށްދާނެ ގޮތެއް ކަށަވަރުކުރެވޭނެއެވެ.

ފަސޭހައިން ލިބެންހުންނާނެ މަޢުލޫމާތުގެ ވަސީލަތްތައް:

ލޯކަލް ލީޑަރުންނާއި ރައްޔިތުން ބާރުވެރިކުރުމަށްޓަކައި، މި އިނިޝިއޭޓިވްގެ ދަށުން ބޭނުންކުރަން ފަސޭހަ ގައިޑްތަކާއި ޕްލޭނިންގ ޓޫލްތައް އުފައްދައި، އަތޮޅުގެ މުސްތަޤްބަލް ބައްޓަންކުރުމަށް މަސައްކަތްކުރާ އެންމެންނަށް މަޢުލޫމާތާއި ތަޖުރިބާ ލިބޭނެ މަގު ތަނަވަސްކޮށްދެވޭނެއެވެ.

ދިގު މުއްދަތުގެ ލަނޑުދަނޑިތައް

,

ރިސީ އޮނިގަނޑުގެ ތެރެއިން "ރީއިމެޖިން ނ. އަތޮޅު ބިނާވެށި ޕްރޮޖެކްޓް" ގެ މަޤްޞަދަކީ މުހިންމު، މިންކުރެވޭ ފަދަ ބަދަލުތަކެއް ގެނައުމެވެ. މީގެ ތެރޭގައި ނ. އަތޮޅު ކައުންސިލުން ދެމެހެއްޓެނިވި ތަރައްޤީގެ އޮނިގަނޑެއް ގެންގުޅުން ހިމެނެއެވެ. މުޖުތަމަޢުގެ ހަރަކާތްތެރި ބައިވެރިވުން އިތުރުކޮށް، ވެރިކަން ހިންގުމުގެ ކަންކަމުގައި ބައިވެރިވުން 30% އަށް އިތުރުކުރުމަށް މަސައްކަތްކުރެވޭނެއެވެ. އަންހެނުންގެ ލީޑަރޝިޕް ކުރިއެރުވުމަށް ޚާއްޞަ އަހަންމިއްޔަތުކަމެއް ދެވި، އެކުލެވޭ ވެރިކަމެއް ޤާއިމުކުރުމަށް ޤާބިލުކަން އިތުރުކުރެވޭނެއެވެ. މުހިންމު ކަމެއްގެ ގޮތުގައި، މި މަޝްރޫޢުން ނ. އަތޮޅުގެ ދިރިއުޅުމުގެ ފެންވަރު މަތިކޮށް، އިޖްތިމާޢީ-އިޤްތިޞާދީ އަދި ތިމާވެށީގެ ދާއިރާތަކުން މުޖުތަމަޢުގެ ހިތްހަމަޖެހުން 20% އަށް އިތުރުކުރެވޭނެއެވެ.

މި އެއްބާރުލުމަކީ އެކުލެވުމާއި، ހާމަކަން ބޮޑު ގޮތެއްގައި އަދި ދެމެހެއްޓެނިވި ގޮތެއްގައި ކުރިއެރުން ހޯދޭނެކަމުގެ ޔަޤީންކަމުގެ މައްޗަށް ބިނާވެފައިވާ، ހިއްސާކުރެވޭ ތަޞައްވުރަކާއި ގުޅިފައިވާ ޒިންމާއެކެވެ. ލޭންޑް ސީ މޯލްޑިވްސް އާއި ސީ.އެފް.އެލް.އައި ގެ މާތް އެހީތެރިކަމާއެކު، އަޅުގަނޑުމެންގެ ގުދުރަތީ ތަރިކަ ރައްކާތެރިކޮށް، ދިރުންހުރި މުޖުތަމަޢުތަކެއް އުފެއްދުމަށާއި، ދެމެހެއްޓެނިވި އިޤްތިޞާދީ ފުރުޞަތުތައް އުފެއްދުމަށް މުހިންމު ފިޔަވަޅުތަކެއް އެޅެމުންދެއެވެ.

މި ހިލޭ އެހީގެ ސަބަބުން "ރީއިމެޖިން ނ. އަތޮޅު ބިނާވެށި ޕްރޮޖެކްޓް" އަށް ސީދާ އަސަރުކޮށް، ދިރިއުޅުން ބަދަލުކޮށް، އަންނަން އޮތް ޖީލުތަކަށް ތިމާވެށި ރައްކާތެރިކުރުމުގެ ޤާބިލުކަން އިތުރުވެގެންދާނެއެވެ. ނ. އަތޮޅަށް މިއީ ހަމައެކަނި ކުރިއެރުމެއް ނޫނެވެ - މިއީ އެންމެންނަށް ހަމަހަމަކަމާއި ދެމެހެއްޓެނިވި ކުރިއެރުމުގެ ވަޢުދެކެވެ.