ނ. އަތޮޅު ސްޓްރޯންގ ސިޓީސް ނެޓްވާރކްގައި ބައިވެރިވެއްޖެ

ހަރުކަށި ފިކުރާއި، ނަފުރަތާއި، ބައިބައިވުންތަކާ ދެކޮޅަށް މަސައްކަތްކޮށް، އިޖުތިމާއީ ބަދަހިކަމާއި ކުރިއެރުން ގާއިމުކުރުމަށް މަސައްކަތްކުރާ ބައިނަލްއަގުވާމީ އިއްތިހާދެއް ކަމަށްވާ ސްޓްރޯންގް ސިޓީސް ނެޓްވޯކް (SCN) ގައި ބައިވެރިވުމުގެ ރަސްމީ ދައުވަތު ނޫނު އަތޮޅަށް ލިބިފައިވާކަން އުފަލާއެކު އިޢުލާން ކުރަމެވެ. އެ ނެޓްވޯކްގެ އެގްޒެކެޓިވް ޑައިރެކްޓަރު އެރިކް ރޯސަންޑް ފޮނުއްވި މި ދައުވަތަކީ، މުޖުތަމައުގެ ލާބަޔާއި މަންފާއަށް ނޫނު އަތޮޅުން ކުރަމުންދާ މަސައްކަތްތަކާއި، އަޅުގަނޑުމެންގެ ރެސިލިއަންޓް ކޮމިއުނިޓީސް (LDP-5) ޕްލޭނާ އެއްގޮތަށް ކުރިއަށްދާ މަސައްކަތްތަކަށް ލިބުނު ބޮޑު ކުރިއެރުމެކެވެ.

އެސް.ސީ.އެން ގެ މެންބަރަކަށް ވުމުން ނޫނު އަތޮޅަށް ލިބޭނެ ފުރުސަތުތަކުގެ ތެރޭގައި:

• މުޖުތަމައުގެ ރައްކާތެރިކަމާއި އެންމެން ބައިވެރިވާ މުޖުތަމައެއް ބިނާކުރުމަށް މަސައްކަތްކުރާ މޭޔަރުންނާއި، ލޯކަލް ލީޑަރުން އަދި ދާއިރާގެ މާހިރުންގެ ނެޓްވޯކެއްގެ އެހީތެރިކަން ލިބުން.

  • ސަރަހައްދީ މަސައްކަތު ބައްދަލުވުންތަކާއި މަޝްވަރާ ބައްދަލުވުންތައް ފަދަ، ހާޒިރުވެގެންނާއި އޮންލައިންކޮށް ބާއްވާ އެކި ހަރަކާތްތަކުގައި ބައިވެރިވުމުގެ ފުރުސަތު ލިބުން.

  • ނަފުރަތާއި ހަރުކަށި ފިކުރު ހުއްޓުވުމަށް ރަށު ފެންވަރުގައި ކުރާ މަސައްކަތްތައް ބައްޓަންކުރުމަށް އެހީތެރިވެދޭނެ އަތްމަތީ ފޮތްތަކާއި، އެކި ސިޓީތަކުގެ ތަޖުރިބާގެ މައްޗަށް ބިނާކޮށް ތައްޔާރުކޮށްފައިވާ ދިރާސާތައް ފަދަ ވަސީލަތްތައް ލިބުން.

  • ގައުމީ އަދި ބައިނަލްއަގުވާމީ ފެންވަރުގެ ސިޔާސީ މަޝްވަރާތަކުގައި އަޅުގަނޑުމެންގެ ސަރަހައްދީ އިސްކަންދޭ ކަންކަން ހިއްސާކުރުމުގެ ފުރުސަތު ލިބުން.

  ފާހަގަކޮށްލެވޭ ގޮތުގައި، އެސް.ސީ.އެން ގެ ސައުތު އޭޝިއާ ރީޖަނަލް ހަބުން މިހާރުވެސް ދަނީ މި ސަރަހައްދުގެ ލޯކަލް ގަވަރންމަންޓްތަކާ ގާތުން މަސައްކަތްކޮށް، މަސައްކަތު ބައްދަލުވުންތައް ބާއްވައި ފަންނީ އެހީތެރިކަން ފޯރުކޮށްދެމުންނެވެ. މީގެ ސަބަބުން އަޅުގަނޑުމެން ފަދަ މުޖުތަމައުތަކުގެ އަޑާއި ބޭނުންތައް ބައިނަލްއަގުވާމީ މައިދާނުގައި ތަމްސީލުކުރެވިގެންދާނެއެވެ. މީގެ އިތުރުން، އެސް.ސީ.އެން ގެ ރިސޯސް ހަބް މެދުވެރިކޮށް، ރަށު ފެންވަރުގައި ރައްކާތެރިކަމުގެ ފިޔަވަޅުތައް ވަރުގަދަކުރުމަށް ބޭނުންވާ އާލާތްތަކާއި އިރުޝާދުތައް ލިބިގެންދާނެއެވެ. އަދި ކުރިއަށް އޮތް "ސިޓީ ސްޕޮޓްލައިޓް" ތަކުގެ ތެރޭގައި ރާއްޖޭގެ ފުވައްމުލައް ސިޓީ ހިމެނިފައިވުމަކީ، ރަށު ފެންވަރުގައި ދިމާވާ ގޮންޖެހުންތަކުން އަރައިގަތުމަށް އަޅުގަނޑުމެންނަށް ލިބޭނެ އިތުރު ހިތްވަރެކެވެ.

  މި މެންބަރޝިޕްގެ ސަބަބުން، ނޫނު އަތޮޅުގެ ރެސިލިއަންޓް ކޮމިއުނިޓީސް ޕްލޭނާ އެއްގޮތަށް، މުޖުތަމައުގެ ރައްކާތެރިކަމާއި، ތިމާވެށީގެ ދެމެހެއްޓެނިވިކަމާއި، އިޖުތިމާއީ ދުޅަހެޔޮކަން އިތުރުކުރުމަށް ކުރާ މަސައްކަތްތައް އިތުރަށް ހަރުދަނާވެގެންދާނެއެވެ. މި އެއްބާރުލުމުގެ ސަބަބުން، ހަރުކަށި ފިކުރާ ދެކޮޅަށް ކުރެވޭ ބައިނަލްއަގުވާމީ މަސައްކަތުގައި ނޫނު އަތޮޅުގެ ދައުރު ފުޅާވެ، ރައްޔިތުންނަށް އުޖާލާ އަދި ރައްކާތެރި މުސްތަގުބަލެއް ކަށަވަރުވެގެންދާނެއެވެ.

  އަޅުގަނޑުމެންގެ ތަސައްވުރާ ބެހޭ އިތުރު މައުލޫމާތު: ރެސިލިއަންޓް ކޮމިއުނިޓީސް