ޚިދުމަތުގެ އެއްބަސްވުމުގެ ފުރުޞަތު - އާރބަން ޕްލޭނިންގ ކޮންސަލްޓަންޓް

"ރީއިމޭޖިން ނޫނު ބިނާވެށި – ޑިވެލޮޕްމަންޓް އޮފް ދަ ނޫނު އެޓޯލް ލޭންޑް ޔޫސް ޕްލޭން (LUP)" މަޝްރޫޢަށް ޝަރުޠު ހަމަވާ، ތަޖުރިބާކާރު އަރބަން ޕްލޭނިންގ ކޮންސަލްޓަންޓަކު ހޯދުމަށް ބޭނުންވެއެވެ.

މި މަޝްރޫޢުގެ މަޤްޞަދަކީ އާބާދީ އިތުރުވުމާއި، ވަސީލަތްތައް ބެލެހެއްޓުމާއި، މޫސުމަށް އަންނަ ބަދަލުތަކާއި، އަދި އިންފްރާސްޓްރަކްޗަރ ތަރައްޤީކުރުން ފަދަ މުހިންމު ގޮންޖެހުންތަކަށް ޙައްލު ހޯދުމެވެ. އަމާޒަކީ ނޫނު އަތޮޅުގެ ހުރިހާ ރަށެއްގައި މުޖުތަމަޢުގެ ބައިވެރިވުން ހިމެނޭ، ހަމަހަމަ އަދި ދެމެހެއްޓެނިވި ތަރައްޤީއަށް މަގުފަހިކޮށްދޭ "ސްޓްރެޓީޖިކް އެޓޯލް ލޭންޑް ޔޫސް ޕްލޭން" އެއް އެކުލަވާލުމެވެ.

ކޮންސަލްޓަންޓްގެ މައިގަނޑު ދައުރަކީ، ތަފާތު ދާއިރާތަކުގެ މާހިރުންގެ ޚިޔާލާއި މަޝްވަރާ ހިމެނޭގޮތަށް، އަދި ކަމާބެހޭ ފަރާތްތަކުގެ ފުރިހަމަ ބައިވެރިވުމާއެކު، ލޭންޑް ޔޫސް ޕްލޭން އެކުލަވާލުމަށް ބޭނުންވާ ފުރިހަމަ އަދި ތަފްޞީލީ މެތޮޑޮލޮޖީއެއް ތައްޔާރުކުރުމެވެ.

މައިގަނޑު މަސްއޫލިއްޔަތުތައް

އަރބަން ޕްލޭނިންގ ކޮންސަލްޓަންޓް ތިރީގައިވާ މަސައްކަތްތަކަށް ޒިންމާވާންޖެހޭނެއެވެ:

1. މެތޮޑޮލޮޖީ އެކުލަވާލުން:
   ހ) ސްޓްރެޓީޖިކް އެޓޯލް ލޭންޑް ޔޫސް ޕްލޭނަށް ބޭނުންވާ ތަފްޞީލީ މެތޮޑޮލޮޖީއެއް ފަރުމާކުރުން. މީގެ ތެރޭގައި ތިރީގައިވާ ކަންކަން ހިމެނެންވާނެއެވެ:

   i. ނޫނު އަތޮޅު ކައުންސިލާއި، ނޫނު އެލް.އޭ.ސީ (LAC)، މުޖުތަމަޢުގެ މެންބަރުން އަދި ކަމާބެހޭ އެހެނިހެން ފަރާތްތަކުގެ ފުރިހަމަ ބައިވެރިވުން ކަށަވަރުކުރުމަށްޓަކައި "ސްޓޭކްހޯލްޑަރ އެންގޭޖްމަންޓް ޕްލޭން" އެއް އެކުލަވާލުން.

   ii. ހުރިހާ ކޮންސަލްޓަންޓުންނާއި ކަމާބެހޭ ފަރާތްތަކުން އަދާކުރަންޖެހޭ ދައުރުތައް ބަޔާންކުރާ "ރޯލްސް އެންޑް ރެސްޕޮންސިބިލިޓީސް މެޓްރިކްސް" އެއް ތައްޔާރުކުރުން.

   iii. މަސައްކަތްތައް ނިންމަންޖެހޭ ތާރީޚުތަކާއެކު (milestones) ޓައިމްލައިނެއް އެކުލަވާލުން.

   ށ) މަޝްރޫޢުގެ މަޤްޞަދުތައް ޙާޞިލުކުރުމަށް ބޭނުންވާ މުހިންމު ނަތީޖާތައް (deliverables) ދެނެގަތުން. މީގެ ތެރޭގައި ޒޯނިންގ މެޕްތަކާއި، އިޖުތިމާޢީ-އިޤްތިޞާދީ އިސްތިރާތީޖީތަކާއި، އަދި ތިމާވެށި ބެލެހެއްޓުމުގެ ޕްލޭންތައް ހިމެނެއެވެ.

   1. އެހެނިހެން މާހިރުންނާ ގުޅިގެން މަސައްކަތްކުރުން:

      ހ) އެހެނިހެން ކޮންސަލްޓަންޓުންނާ (އިޤްތިޞާދީ އަދި އިޖުތިމާޢީ ޢިލްމުވެރިން، ޤާނޫނީ މާހިރުން، ޓްރާންސްޕޯޓް އެންޑް ލޮޖިސްޓިކްސް، އަދި ސަރވޭޔަރުން) ގުޅިގެން، އެފަރާތްތަކުގެ ލަފާ މެތޮޑޮލޮޖީގައި ހިމެނޭކަން ކަށަވަރުކުރުން.

   2. މެތޮޑޮލޮޖީ ހުށަހެޅުން:

      ހ) މެތޮޑޮލޮޖީގެ ޑްރާފްޓް ނޫނު އަތޮޅު ކައުންސިލަށާއި ނޫނު އެލް.އޭ.ސީ އަށް މުރާޖަޢާކުރުމަށާއި ޚިޔާލު ހޯދުމަށް ހުށަހެޅުން.

      ށ) ލިބޭ ޚިޔާލުތަކަށް ބިނާކޮށް މެތޮޑޮލޮޖީ އިޞްލާޙުކޮށް، ފައިނަލް ވާރޝަން ފާސްކުރުމަށް ހުށަހެޅުން.

   ހުށަހަޅަންޖެހޭ ތަކެތި (Deliverables)

   ޚިދުމަތުގެ އެއްބަސްވުމުގެ މުއްދަތުގައި ކޮންސަލްޓަންޓް ތިރީގައިވާ ތަކެތި ހުށަހަޅަންޖެހޭނެއެވެ:

   • އިންސެޕްޝަން ރިޕޯޓް:

     • ސްޓްރެޓީޖިކް އެޓޯލް ލޭންޑ ޔޫސް ޕްލޭނަށް ބޭނުންވާ ތަފްޞީލީ މެތޮޑޮލޮޖީ.

       • ސްޓޭކްހޯލްޑަރ އެންގޭޖްމަންޓް ޕްލޭން.

       • ރޯލްސް އެންޑް ރެސްޕޮންސިބިލިޓީސް މެޓްރިކްސް.

       • މަސައްކަތް ނިންމަންޖެހޭ ތާރީޚުތަކާއެކު ޓައިމްލައިން.

     • މެތޮޑޮލޮޖީ ޕްރެޒެންޓޭޝަން: މުރާޖަޢާކުރުމަށާއި ފާސްކުރުމަށްޓަކައި ނޫނު އަތޮޅު ކައުންސިލަށާއި ނޫނު އެލް.އޭ.ސީ އަށް ދޭ ރަސްމީ ޕްރެޒެންޓޭޝަން.

     • ,

       ފައިނަލް މެތޮޑޮލޮޖީ ރިޕޯޓް: ސްޓޭކްހޯލްޑަރުންގެ ފަރާތުން ލިބުނު ޚިޔާލުތަކާއި މަޝްވަރާތަކަށް ބިނާކޮށް އިސްލާހުކޮށް ނިންމާފައިވާ މެތޮޑޮލޮޖީ ލިޔުން.

     ކޮންޓްރެކްޓްގެ މުއްދަތު

     މި ޚިދުމަތުގެ ކޮންޓްރެކްޓްގެ މުއްދަތަކީ އެއް މަސް ދުވަހެވެ. މި މުއްދަތުގެ ތެރޭގައި ކޮންސަލްޓަންޓާ ހަވާލުކުރެވިފައިވާ މަސައްކަތްތަކާއި ހުށަހަޅަންޖެހޭ ތަކެތި ނިންމަންވާނެއެވެ.

     އުޖޫރަ ދިނުމުގެ އުސޫލު

     • ކޮންސަލްޓަންޓަށް އުޖޫރަ ދެވޭނީ މަސައްކަތްކުރާ ގަޑިއިރަށް ބަލައިގެންނެވެ.

       • މަސައްކަތަށް ހުށަހަޅާއިރު ގަޑިއިރަކަށް ޖެހޭ ރޭޓެއް ހުށަހަޅަންވާނެއެވެ. މި ރޭޓް ކަނޑައެޅޭނީ ނޫނު އެލް.އޭ.ސީ އާއެކު މަޝްވަރާކޮށް އެ ފަރާތުން އެއްބަސްވާ ގޮތެއްގެ މަތިންނެވެ.

       • ފައިސާ ދޫކުރެވޭނީ ކޮންސަލްޓަންޓް މަސައްކަތްކުރި ގަޑިތައް ހިމަނައިގެން ހުށަހަޅާ ޓައިމްޝީޓްތަކަށް ބަލައި، ނޫނު އެލް.އޭ.ސީ އިން އެ ޓައިމްޝީޓްތައް އެޕްރޫވް ކުރުމުންނެވެ.

       • ކޮންސަލްޓަންޓް ކޮންމެ ދެ ހަފުތާއަކުން އެއްފަހަރު އިންވޮއިސް ހުށަހަޅަންވާނެއެވެ. އިންވޮއިސްއާއެކު ތަފްސީލީ ޓައިމްޝީޓާއި ނިންމާފައިވާ މަސައްކަތްތަކުގެ ޚުލާސާއެއް ހުށަހަޅަންވާނެއެވެ.

       މައިގަނޑު ޝަރުތުތަކާއި ތަޖުރިބާ

       އެންމެ ދަށްވެގެން ހުންނަންޖެހޭ ޝަރުތުތައް:

       • އާބަން ޕްލޭނިންގ، ރީޖަނަލް ޕްލޭނިންގ ނުވަތަ މިދާއިރާއާ ގުޅުންހުރި ދާއިރާއަކުން މާސްޓާސް ޑިގްރީ ހާސިލްކޮށްފައިވުން.

         ތަޖުރިބާ:

         • އާބަން ޕްލޭނިންގ އަދި ލޭންޑް ޔޫސް މެނޭޖްމަންޓް ދާއިރާގައި މަދުވެގެން 5 އަހަރު ދުވަހުގެ ތަޖުރިބާ ލިބިފައިވުން.

           • ސްޓްރެޓީޖިކް ޕްލޭނިންގ މަޝްރޫއުތަކަށް ބޭނުންވާ މެތޮޑޮލޮޖީތައް ތައްޔާރުކުރުމުގެ ތަޖުރިބާ ލިބިފައިވުން.

           • ތަފާތު ދާއިރާތަކުގެ ޓީމުތަކާއި ސްޓޭކްހޯލްޑަރުންގެ ލަފަޔާއި އިރުޝާދުތައް ވިލަރެސްކުރުމުގެ ތަޖުރިބާ ލިބިފައިވުން.

           • ދެމެހެއްޓެނިވި ތަރައްގީގެ އުސޫލުތަކާއި، ރެޒިލިއަންސް ޕްލޭނިންގ އަދި ސްޓޭކްހޯލްޑަރުން ބައިވެރިކުރުމުގެ މަސައްކަތްތަކަށް އަހުލުވެރިވެފައިވުން.

           ހުނަރުތައް:

           • ލީޑަރޝިޕް އަދި ޕްރޮޖެކްޓް މެނޭޖްމަންޓްގެ ވަރުގަދަ ގާބިލުކަން ހުރުން.

             • މުއާމަލާތްކުރުމާއި މަޝްވަރާތައް ކުރިއަށް ގެންދިއުމުގެ ފުރިހަމަ ހުނަރު ލިބިފައިވުން.

             • ޖީ.އައި.އެސް (GIS) އަދި މެޕިންގ ޓޫލްސް ބޭނުންކުރަން އެނގުން.

             • ތަފާތު ޚިޔާލުތަކާއި މައުލޫމާތުތައް އެއްކޮށް، ފުރިހަމަ މެތޮޑޮލޮޖީއެއް އެކުލަވާލުމުގެ ގާބިލުކަން ހުރުން.

             ރިޕޯޓްކުރުމާއި ވިލަރެސްކުރުން

             އާބަން ޕްލޭނިންގ ކޮންސަލްޓަންޓް ރިޕޯޓް ކުރަންޖެހޭނީ ނޫނު އަތޮޅު ކައުންސިލަށެވެ. އަދި މަސައްކަތް ކުރިއަށް ގެންދާނީ ނޫނު އެލް.އޭ.ސީ އާ ގާތުން ގުޅިގެންނެވެ. މަސައްކަތް ކުރިއަށްދާ ގޮތުގެ އަދާހަމަ ގަވާއިދުން ދޭންޖެހޭނެއެވެ. މީގެ އިތުރުން އެހެނިހެން ކޮންސަލްޓަންޓުންނާއި ސްޓޭކްހޯލްޑަރުންނާއެކު ބާއްވާ ކޯޑިނޭޝަން ބައްދަލުވުންތަކުގައި ބައިވެރިވާންޖެހޭނެއެވެ. އަދި ތައްޔާރުކުރާ މެތޮޑޮލޮޖީ، ރިވިއުކޮށް ފާސްކުރުމަށްޓަކައި ނޫނު އަތޮޅު ކައުންސިލަށާއި ނޫނު އެލް.އޭ.ސީ އަށް ހުށަހަޅަންވާނެއެވެ.

             ހުށަހަޅަންޖެހޭ ތަކެތި

             ޝައުގުވެރިވާ ކޮންސަލްޓަންޓުން ކަނޑައެޅިފައިވާ ސުންގަޑީގެ ކުރިން ތިރީގައިވާ ތަކެތި ހުށަހަޅަންވާނެއެވެ:

             • ހުށަހަޅާ ގަޑިއިރުގެ ރޭޓް: މެތޮޑޮލޮޖީ ތައްޔާރުކުރުމުގެ މަސައްކަތަށް ކޮންސަލްޓަންޓް ނަގާނެ ގަޑިއިރުގެ ރޭޓް ސާފުކޮށް އެނގޭނޭހެން.

               • ,

                 ހުށަހަޅާ ގޮތް: ސްޓްރެޓީޖިކް އަތޮޅު ލޭންޑް ޔޫސް ޕްލޭންގެ މެތޮޑޮލޮޖީ އެކުލަވާލުމަށް ކޮންސަލްޓަންޓް ގެންގުޅޭނެ އުސޫލުތަކުގެ ކުރު ތައާރަފެއް.

               • ގުޅުންހުރި ތަޖުރިބާ:

                 • ކޮންސަލްޓަންޓާއި ޓީމުގެ މުހިންމު މެންބަރުންގެ ސީވީ.

                   • ކޮށްފައިވާ މަސައްކަތްތަކުގެ ޕޯޓްފޯލިއޯ، މީގެ ތެރޭގައި ސްޓްރެޓީޖިކް ޕްލޭނިންގ މަޝްރޫއަކަށް ތައްޔާރުކޮށްފައިވާ މަދުވެގެން އެއް މެތޮޑޮލޮޖީ ހިމަނަންވާނެއެވެ.

                   • ކުރިން މަސައްކަތް ކޮށްދީފައިވާ ފަރާތްތަކުގެ ރެފަރެންސް.

                 • މަސައްކަތަށް ހުސްވެވޭނެ މިންވަރު: ކަނޑައެޅިފައިވާ މުއްދަތުގެ ތެރޭގައި މަސައްކަތް ނިންމާލެވޭނެކަމުގެ ޔަގީންކަން.

                 އިވެލުއޭޝަން ކްރައިޓީރިއާ

                 ހުށަހަޅާ ޕްރޮޕޯޒަލްތައް އިވެލުއޭޓް ކުރެވޭނީ ތިރީގައިވާ މިންގަނޑުތަކަށް ބަލައިގެންނެވެ:

                 • ހުށަހަޅާ ގަޑިއިރުގެ ރޭޓް – 50%

                   • ހުށަހަޅާ ގޮތް (އެޕްރޯޗް) – 30%

                   • ގުޅުންހުރި ތަޖުރިބާ – 20%

                   މަސައްކަތުގެ ނަތީޖާ (Deliverables) ތައްޔާރުކުރުމާ ގުޅޭ އިތުރު ކަންކަން

                   މެތޮޑޮލޮޖީ ފައިނަލްކޮށް ފާސްވުމުން، މަޝްރޫއުގެ ދެވަނަ ފިޔަވަހީގައި ހިމެނޭ ވަކިވަކި މަސައްކަތްތައް (deliverables) ފުރިހަމަކުރުމަށް، ހޮވޭ އަރބަން ޕްލޭނިންގ ކޮންސަލްޓަންޓަށް އިސްކަންދެވޭނެއެވެ. މި މަސައްކަތްތަކުގެ ފީ ކަނޑައެޅޭނީ ފާސްކުރެވޭ މެތޮޑޮލޮޖީގައިވާ ގޮތުގެ މަތިން، މަޝްރޫއުގެ އަގާއި ދާއިރާއަށް ބިނާކޮށް ވާހަކަދައްކައިގެންނެވެ.

                   ތާވަލު

                   • ރަޖިސްޓްރޭޝަން ހުޅުވާލުން: 11 މާރިޗު 2025

                     • ރަޖިސްޓްރޭޝަން ބަންދުވުން: 16 މާރިޗު 2025، 13:00

                     • މައުލޫމާތު ސެޝަން: 17 މާރިޗު 2025، 13:00

                     • ސުވާލުތަކަށް ޖަވާބުދިނުން: 20 މާރިޗު 2025، 13:00

                     • ބިޑް ހުށަހެޅުމުގެ ސުންގަޑި: 25 މާރިޗު 2025، 13:00

                     ކުރިމަތިލާނެ ގޮތް

                     މި ބިޑުގައި ރަޖިސްޓްރީވުމަށްޓަކައި، ރަޖިސްޓްރޭޝަން ސުންގަޑީގެ ކުރިން މި ލިންކް މެދުވެރިކޮށް ރަޖިސްޓްރޭޝަން ފޯމު ފުރިހަމަކުރައްވާށެވެ.

                     ދެމެހެއްޓެނިވި އަދި ވިލުންތެރި މުސްތަގުބަލެއް ބިނާކުރުމަށް ޝައުގުވެރިވާ، ޝަރުތުހަމަވާ އަރބަން ޕްލޭނިންގ ދާއިރާގެ މާހިރުން ކުރިމަތިލުމަށް އަޅުގަނޑުމެން ބާރުއަޅަމެވެ. އިތުރު މައުލޫމާތު ސާފުކުރެއްވުމަށް hello@noonunaturally.com އަށް ގުޅުއްވުން އެދެމެވެ.